Will You Ever Love Me? -AnuSeena Fanfic ✔

Rings Are Exchanged

(Anubhav's house. Anubhav's mom, Haseena's mom and AnuSeena present along with the family priest.)

Amma: Toh, bataiye pandit ji, muhurat kab ka hai, sagaai ke liye?

Pandit: Dekhiye mataji, muhurat toh do din baad ka hai, ek mahine baad ka hai aur phir seedhe do saal baad ka hai, aap boliye aapko kya jachega?

Ammi: Ek mahine, do saal bahut zyada ho jaayenge samdhan ji, nahi?

Amma: Ji, toh aap ek kaam keejiye do din baad wala muhurat rakhiye, kaisa rahega?

Ammi: Haan, do din mein taiyyariyaan ho bhi jaayengi achhi khaasi...beta Haseena teri kya raay hai?

Haseena: (was busy stealing glances at Anubhav) Umm?...Haan?...ham, ham woh, haan sahi hai ammi, ab aap keh rahi hain, toh sahi hi hoga!

Amma: Aur beta Anu, tu kya bolta hai? Do din baad ki sagaai ki date sahi rahegi na?

Anu: Haan Amma, ham taiyyar hain....(looks at Haseena and smiles)

Ammi: Toh chalo phir do din baad ki sagaai ki tareekh pakki hui....thik hai pandit ji? Are koi mithai laao, do din baad hamare pariwaar judne wale hain....

(Both the ladies get involved in preparation and in talking with the priest.)

Anu: (Goes towards Haseena and in a lower voice) Toh Haseena ji, ab toh hamari shaadi hone waali hai, sach batayein toh ham bahut khush hain.

Haseena: (In the same tone) Khush toh ham bhi bahut hain Anu, to be honest, hamne kabhi socha bhi nahi tha, ki ham apni shaadi ke liye itna excited honge....lekin Allah ne har kisi ki kismat mein kuch aur hi likha hota hai.

Anu: Hmm....toh aap excited hain? (playfully) Excited toh ham bhi hain Haseena ji, pehle sagaai, phir haldi, mehendi, shaadi aur phir.....

Haseena: Phir? (she really didn't get it)

Anu: Phir, suhaagraat Haseena ji, woh bhi toh important hoti hai na (winks)

Haseena: (baffled) Kya aap bhi, aapko har waqt yahi soojhta hai na?

Anu: Kya karein Haseena ji, jab bhi aapke kareeb hote hain, toh hamein yahi sab kuch soojhta hai!

Haseena: Ahaan!...Chaliye hatiye, ab hamein MPT jaana hai....(loudly) Ammi! Ham nikalte hain, shaam mein milenge.

Ammi: Haan, beta jaa..

Haseena: Namaste aunty.

Amma: Beta, tune dil tod diya mera.

Haseena: Haan? Matlab?

Amma: Ab tu mujhe maa bol sakti hai beta, ab tu mere ghar aane waali hai, meri bahu ban ke nahi, beti ban ke.

Haseena: (smiles) Ji aunt...matlab maa, ab ham nikalte hain

Amma: Haan...

(Haseena exits Anubhav's house and goes to MPT. There everyone greets Haseena but with a pensive and sad expression.)

Haseena: Jai hind! Lekin aap log itne maayus kyun hain? Kuch hua hai kya?

Pushpa: Chhodiye Maddam Sir, ham aapko ek pariwaar maante hain, lekin aap hamein nahi maanti!

Haseena: Ye aap kya bol rahi hain Pushpa ji? 

Karishma: Ab Maddam Sir, jeevan mein pehli baar, lekin sahi bol rahi hain Pushpa ji....aapko aisa nahi karna chahiye tha.

Haseena: Are, lekin hamne kiya kya?

Santosh: Very bad Maddam Sir, aapko aise hamara dil nahi todna chahiye tha.