قصة غرور ﴿ ذكرياتي والندم ﴾ حقيقيه 💔- بارت 1

#البارت السادس

عزه يمه ابويه متزوج وصار سنتين انتي وين جنتي وين لكيتي هذه العقد
ايناس:لكيته بين اوراقه اني مااوصلهن بس البارحة كلي جيبي جنسيتي ضامه هنا رحت دورته ولكيته
شوفي يوم روحي رجعي وعبالك معرفنه شي
ايناس:ولي من وجهي غرور كاعدتله ركبة ونص خل يجي اذا ماالدنيه اكلبه عليه
يمه اذا عرف احنه عرفنه حتصير علني حته يجيبه هنا ويكول ركعو راسكم بلحايط بس اذا ميدري احنه عرفنه حيظل يضمضم بلسالفه ليش متفكرين بيه زين
ايناس:والى متى ومنو تتحمل انتي بعدج صغيره متعرفين شي شكد تعبت ويه ابوج وتحملت تالي يزوج عليه
يمه دفكري والله يجيبه وتصير السالفه علني
ايناس:خل تصير اذا جابه يوم واحد ماابقه هنا
وين ترحين لعد
ايناس:اروح لبيت اهلي اداري امي المسكينه واني عندي وظيفه طز ب ابوج
واني يمه مفكرتي بيه
ايناس:انتي شبيج شو حتزوجين وتكعدين
عفته وصعدت فوك ظليت ابجي ليش هيج حياتنه حتنكلب كلت بلكي امي تهدء وتفكر بكلامي بس مع الاسف اول مااجة ابويه كبت العيطه وامي تصيح وتحجي وهو يكله اني اريد جهال
ايناس:وهسه يله فكرت من حتخلص ل٤٠ ماشي علي طلكني
علي:طلاك مااطلك وماطول هيج فرغو الغرفه فوك مال مخزن حجيب حنان واجي
اني سمعت وبتسمت عرفت هو بس يعرف عرفنه يجيبهه نزلت لكيته طالع كتله شفتي يمه شكتلج اني
امي بدون كلمة راحت لمت هدومه وتبجي واني اكله وين رايحة اجي وياج مقبلت كالت شعندج جايه ابقي يم ابوج وطلعت
بقيت وحدي خابرت عزيز كتله عزيز متجي لبيتنه اني وحدي كال هسه جايج اول مشفته نسيت نفسي حضنته وبجيت هو هم حضني وكلي شكو مرت عمي وين كتله راحت كلي كعدي وفهميني كعدت حجيتله كال ندري عمي متزوج كتله شلون شنو يعني تدرون كال اي هو كلنه راد اطفال ومرادكم تعرفون كتله انته صدك تحجي كال اي والله كتله كوم عزيز كوم مااريد اشوفك كال اني شعليه قابل اني لتزوجت عفته وصعدت وره شويه سمعت صوت جوة نزلت والكه ابويه جايب مرته وياهه بنية تبين بعمري وطفل هستوه يمشي كلي تعالي غرور سلمي ع خالتج حنان
كتله وبكل ثقة تحجيه نداريت عليه كتله امشي طلعي بره هجامت البيوت اجه ابوية راسا ضربني راشدي عفته وصعدت ضليت افكر شو امي احله منه وارتب منه هاي شكله استغفرالله حته مو راحة اظافرهه وشعره الطالع من الحجاب شاف بيه خابرت ع عزيز كتله عزيز اني ماابقه هنا كلي غرور كعدي بيت ابوج وين ترحين تبهذلين روحج اصلا قنعي امج ترجع شلون تعوفون البيت اهله كتله هاي جهاله لو شنو كال البنية بته بس الولد ابن ابوج حسوني كتله ها عزيز حبيبتي مظل شي ونتزوج اني راح استعجل وخلصي منهم واني حاجر ماابقه يم اهلي كتله ها كال شنو ها دروحي هسه بعدين اخابرج احبج وسده كلت شوف هذه البطران اني وين وهو يحجي حبجيات نزلت ولكيت عبالك البيت بيته مطلعه غراض امي كلهن ومخليه غراضه وسمعت بته تكول ل ابوية عمو شوكت تفرغلي المخزن هو كله هسه عمو افرغه واحلى غرفه اسويلج ضليت صافنه دمعتي نزلت هيج بيوم وليله تاخذ الاول والتالي رحت كعدت بلهول شفت بته كتله انتي شكد عمرج كالت ١٥ كتله ١٥وهيج مسويه بروحج تاتو و وشم وميش لعد من تصيرين ٢٠شتسوين كالت وانتي شنو تحاسبيني هزيت بيدي وكمت صعدت بغرفتي وره شويه سمعت هوسه ديفرغون المخزن وضحك هاي الاسمه حنان ليوين واصل شكد عايقة فتحت الباب لكيت عزيز ديفرغ وياهم المخزن جريته كتله تعال وسديت الباب و وكفت وراهه كتله شدسوي بله كال ابوج خابرني كال تعال ساعدني كتله متساعد هيه هاي الناقصة اكعد هنا يمي مو انته اسم الله عود خطيبي شلون هيج تسوي
عزيز:شبيج عيب قابل اكله لعمي غرور متقبل اجي اساعدك
اي تكله وليش متكله لو بس تعرف تقشمرني احبج واموت عليج
عزيز:اول شي اني ممقشمرج لان اني صدك احبج ثانيا وخري من الباب خل اطلع شنو السالفة
مااوخر وهاي شوف شحسوي قفلت الباب وخليت المفتاح بصدري
هو ضحك كال شنو معناه هلحركة كتله معناهه اطلع اذا تكدر تطلع كام واجه عليه واني ارجع ليوره كلي انطيني المفتاح تره اني اخذه ضحكت كتله شحدك كال شحدي مو دتعالي بحركة سريعه جرني صرت بحضنه باسني مد ايده وطلع المفتاح وهو ديبوسني بعده وخرت كال يابوية مو بوسه فدوه اروح لهشفايف كتله انته صدك متستحي كال تعالي نعيده هاج رجعي المفتاح واني اخذه كتله اي نعيدهه ليش لا شو جيب المفتاح انطاني اياه وهو يضحك فتحت الباب ودفعته من ظهره وهو خربان ضحك صارت بوجهي حنان كالت شنو هلحركات متستحون كتله وانتي شكو بعناده حضنت ايد عزيز وكتله رجلي اخاف متدرين كالت بس كولو اكو بنيه ممزوجه بلبيت ضحكت من كل قلبي كتله منيه هاي البنيه بنتج اصلا مبينه خبره جان يعيط عزيز غرور امشي طبي جوه وسد الباب خربت ضحك ظليت بلغرفه اتفرج وره شويه نفتحت الباب شفت ابويه وعيونه من العصبيه يردن يطلعن ولازم الحزام كلي هاي شحاجيه ع زينب كدام عزيز كتله منو زينب كال بت حنان ضحكت كتله هاااا محجيت شي هجم عليه وبلاحزام و وين ميوجعني يكلي بعد اذا اسمع هيج كلام طالع منج ماارحمج والله طايحة الحظ عافني وراح سديت