قصة غرور ﴿ ذكرياتي والندم ﴾ حقيقيه 💔- بارت 1

#البارت الثاني عشر

عزيز:حياتي مشت وعادي اطب واطلع للشغل مندون شي ثاني لا اكعد يم اهلي صدفه نزلت سمعت امي تحجي بتلفون كالت اي اي اجيبة واجي لا يمعوده وين يلكة احسن من فطومة كعدت سدته وكالت تحضر نروح لبيت ام مصطفى تشوف بتهم فاطمة حته تخطبهه كتله هاااا فدمره جان بيوم الزفه تنطيني خبر وشنو مثلا اني عتبت عليج كتلج اريد اتزوج جايبتلي مره اظلمهه وياي كالت ليش يمة شو الف وحدة تتمناك كتله واني مااريد هلالف عفته وطلعت مخنوك خابرني صاحبي كلي اليوم راح اخذ لمكان تنسه الاول والتالي ضحكت كتله وين هذه المكان كال معليك تحضر بلليل امر عليك نروح بسيارتي وصدك اجاني بلليل طلعت وياه شو هذه وداني لمكان مدري يسموه بار مدري ديسكو هو مو ملهى فدشي احدث ولو هن كلهن نفس المضمون دخلت جوة واشوف البنات اشكال ولبسهن يلعب النفس كتله عمي وين جايبني كلي هذه مكان ميجي اله اهل الروس الكبار كتله عفته الك والهم خل اروح جرني وكعدني واشر اجوي يمي بنات ونزل شرب لعبت نفسي كتله شو دولي خليت وطلعت امشي شفت حديقه كعدت بيه هادئه ضليت كاعد افكر بحالتي مدمر اني لو اموت احسنلي معايش مثل البشر ظليت ادعي ياربي خيط واحد بس خيط حته يصير عندي امل باوعت للساعه مرت ساعتين ع كعدتي خابرني صاحبي الي عفته هناك انطيته رفض رد خابر رجعت انطيته رفض وسويته صامت رجعت للبيت تقريبا بل١ راسا سبحت وصعدت تمددت صعدت ضحى كالت امي تريدك كتله شنو منايمين كالت لا شنام وانته بره اني منعسانه وتعرف امك اذا مو كلكم بلبيت متنام كتله هسه نازل نزلت شفت امي كاعده كتله خير يمه كالت شوف عزيز باجر تحضر روحك نشوف البنيه مو اني ع تالي وكت اتفاشل ويه العالم من وراك ماطول كتلهم حنجي يعني نروح كتله يمه ماريد مااريد كتله ماشي اذا علمود شغله تتفشلين اروح ومن نرجع كولي معجبته كالت يا تخبل شنو متعجبك كلت لا اله الا الله يمه انتي قافله واني قافل خل اكوم اصعد احسن صعدت ذبيت روحي ع الجربايه جريت تلفوني لكيت صاحبي دازلي تعال بسرعه ارجع للنادي قريته وكلت دنعل ابوك لاابو النادي نمت ثاني يوم جان جمعة ماكو دوام صعدت امي كعدتني كالت صاحبك يريدك نزلت لكيت محمود كتله ها محمود كلي البارحة مو دزيتلك مسج كتلك ارجع ليش مجيت كتله والله انته بطران جاي مناك لهنا حته تكلي ليش مجيت مااريد لعبت نفسي ثانيا انته شلون تاخذني لهيج مكان شايفني محمود كلي شفت وحده البارحة وردتك تشوفه وتتاكد لان اني شبهت عليهه كتله منيه هاي الوحده .......

يتبع....