قصة عهد ديزني الملعون🏰 (قصة مغربية )

2

🏰عهد ديزني الملعون 🏰
♥️oumaima mega ♥️
💢4💢
~~~~~~في وحد المملكة بشرية من ممالك ديزني المعروفة و المشهورة بقوتها و هيمنتها ....مملكة ضخمة بكل معنى الكلمة كتضم بزاف ديال المدن و القرى في الجعبة ديالها و تحت الإمرة ديالها حاكمها بقبضة من حديد.... و كيحكيو ان ملوكها و حكامها من سلالة قوية من القدم كيمتازو بالبديهة و الفطنة و القوة
في قلب عاصمة المملكة و بضبط في وحد السوق من الاسواق الكثيرة و المتشعبة  ....كان سوق وضيييع جدا و فيه الناس من الطبقة الفقيرة مخلطة من رجال و نساء و اطفال و شيوخ و نصابة و نشالة (سراقة)...فيه جمييع الاصناف من الناس غير هو لباسهم كان خالي من الثراء و الفخامة   ....و فيه كثرت الاصوات الهوجاء الغوات و الهدرة و تبراااح ديال اصحاب الفواكه و الخضار  كيجدبو بهاد الطريقة المشتريين ....و كانت بين هاد الزحام كتمشى  بشكل جنب و هي كتفادى تحاك بالناس.... بنت صغيرة في عمر العشرينيات كتبان كيف الحبة وسط داك السوق ....شعرها اشقر و وزويينة ...جسدها مثاليي نحيف و جداب غير هو لباسها لباس خادمة وضيعة ...عينيها كانو زرقييين كتدورهم على الارجاء و كانت شادة في يديها سلة مزيرة عليها خايفة يخطفوها منها الشفارة و الصعاليك  .....كانت غادا كتمشى حتى وقفت عند وحد بائع الفواكه كتدور عينيها في الفاكهة لي تما من بعد ما سمعت السعر ديالها جاها مناسب مع البقشيش لي عطاتها مرت باها .... و هي  تكا على طبلة الفواكه و عطات مؤخرتها المدورة بلور ...و بدات كتهز بشوية بشوية كتعزل بين تفااااح  لي يناسبها ....و هي تهز وحدة كاااملة خامجة مافيها ميتشاف كلها مدكدكة والله وعلم لا عافطين عليها هندستها مزياااان وهي تحطها في سلتها  ...و بدااات فينما كانت شي تفاحة فاسدة معفنة خشاتها عندها ...و هي متبسماااااااا و عاجبها الحال  و راضية باشنو كتاخد حيت بكل بساطة عارفة بلي مرت باها المعفنة مغتخليها تاكل منهم والو اللهم تحرمها تهيا عليها ... شنو؟ غتقولو شريرة ؟ و من بعد ؟ هي ماشي بديك الطيبوبة لي تخليها تبغي ليها الخير ...من صغرها و من جات ديك مرت باها عقدتها في حياتها عدبتها ؟ بسبابها تخلات على دروس و قرايتها في سن 16 عام باش تولي خدامة عند رجليها هي و بناتها ...شحال من ليلة ضربتها و خلاتها كتبكيي ...فبلاما تسناوها تبغي ليها الخيير داكشي علاش قررت مدام في ديك الدار مكلاتش لقمة ....فحتى هما مغيكلوهاش هادا هو المنطق عند 'إيلا' ....تقدر تكون ضعيفة مكتقدرش تجاوبها حيت كتضربها و دموعها دايما كيسبقوها و ليني هادشي مكيعنيش بلي معندهاش وسيلة باش ترد ضربتها ...واخا هاد ضربة مكتشكلش حتى جزء صغير من داكشي لي كيديرو فيها هادي هي حياة "إيلا " ....لي كانت بنت الصغيرة هي لي عند والديها كتقرا و تضحك و تلعب حتى ولات خدامة من مور غياب والديها ....ما علينا  كاانت هي  مشغولة بالعزييل خاصها تعرف تختاااار بعناية حيت هادي بالنسبة ليها راه خطوة للانتقام   ... كانت منغامسة في اختيار الفواكه حتى جاتها ضربة لمؤخرتها من للور ضربة متحرشة.. شهقت فيها إيلا في بلاصتها و عقدت حجبانها و حطت السلة و دارت بعينين كيشعلو بالغضب.... دارت تشوف شكون هادا لي ضربها لمؤخرتها و هي شادة منها ..... و هي نيت تلقا غير وحد الواحد لي من وراها  لي كان عاطيها بضهرو عرييض و طويييل عليها بزاااف و عامر و كان تهو لباسو ماشي شي حاجة فحال لباس الفرسان ...اكيد غيكون هو لي دار ليها هاد الحالة اكيد حكرها حيت هي بوحدها و معندها لي يحميها ...زيرت على يديها مغتخليهاش فييه و بدون متأكد بصح واش هو ولالا  ...و بصغرها هاكاك هزت يديها شوية و جمعتها معاه تهيا المؤخرة  .... ووقفت تسناتو يدور عندها و قلبها كيضرب يضرب و يترعد بالخلعة هو  يدور ليها فعلا هاداك الشخص بشوية باش يشوف هاد الحشرة المنحرفة لي ضربت مؤخرتو ليوم شمسها مغتطلعش ....دار بحجبان معقوديين و عيينيه عسليين مايليين و بين سنانو سيجارة ...و كان وسيم وسامة رجل و فيه خشونة فارس و هيئتو هيئة محارب ...و نظرتو نظرة قاتل  ...باينة من وجهو شخص خطير مكيتلعبش معاه
إيلا واقفة قدام نظراتو لي بكل صراحة كيفشلوو و بكل وقاحة مخرجة عينيها و كترجف : ك ك ك كنتمنى تكون حسيتي بالضربة ...و نزلت عينيها من عينووو تنساحب من تمااا و تمت راجعة زعمة لسلتها حتى هو معطلهاااش ...حست بجدرة ديال شعرهااا تجرت و ردها لعندوووو  مخبل ليها شعرها بقبضتو الصحيحة هي غوتت و هي شادة من راسهااا : أيييي
هو  محمر فيها عينوو بغضب : عاودي شنو قلتي ؟
إيلا شدت من يدو لي جامعة ليها شعرها كتخبش فيها كانت يدو قوية بزااف موالفة بالسيوف و الرموح  غمضت عينيها كتألم : أي أي طلقني نتا لي بديتي أي ضريتيني في راسي أي