قصة عهد ديزني الملعون🏰 (قصة مغربية )

9

🏰عهد ديزني الملعون 🏰
♥️oumaima mega ♥️
💢29💢
~~~~~~كلوفي كانت هازا عصاااها متأهبة تلقي احد تعاويدها في بلورة باش تحاول تنقض ليلى من بطش الثعلب ثمود ....حتى ختفات القصة من البلورة ...ضهرت على ملامحها الصدمة و بدات قدامها قصة سندريلا ....مفهمتش شنو وقع بداو كيداخلو ليها لقصص مع بعضهم تحولت القصة في بلورة ديال للاخرى ....و هادشي كيدل على ناااقوس الخطر ...مبقاتش هي المتحكم غيوليو القصص يمشيو بوحدهم و هي خاصها تبقا حاديا مع كل قصة
~~~~~~~كانت ايلا حاطة شفايفها على الأمير المتنكر ...و مغمضة عينيها ...سندريلا الحالمة لي بمجرد ما تلقات بفارس لمدة قصيرة وهباتو شفايفها العدراء ...و خدودها متوردين بالزهري ...بدات كتفرق شفايفها من فوق شفايفو و كتحول الشمس بين شفايفهم ...و فتحت عينيها الزرقيين فيه كيلمعووو ...كانو انظارو عليها و هو عاقد حواجبو فيها و ملمس شفايفها باقي فوق فمو ...و هي تنزل عينيها بخجل هازا سلتها و كتسنا منو يهدر معاها و لا يبدي على اعجابو بيها ...و قلبها كيخفق بشدة ...تشارل دور وجهو لهيه عاقدهم و داق من شفايفو ...مظنش غيوصل مع خادمة لهاد درجة ...هو يرجع شد لجام الحصان و بدا كيتمشى بلاما يتكلم على الموضوع ولا يعلق عليه  ....و ايلا كتخبش في سلتها معرفتش صراحة علاش سكت و كمل طريقو ...وهي تنزل ابتسامتها الخجولة  ...و بدات كتحس فحالا قمعها ...يمكن تسرعت ...غمضت عينيها كتلعن ايلا لي في داخلها لي مقدرتش تكبح مشاعر اعجابها ليه ...دابا مقدرتش حتى طلع عينيها فيه شنو غيحساب ليه هي دابا ...و الخطأ منو هو لي بين ليها بلي مهتم بيها و عجباه ....حتى خرجها صوتو الشجي من افكارها الغريبة : وصلنا ....هزت عينيها ايلا لقات راسها خارج الغابة و بدات تمتم عليه تما ووجهها حمرر كيقطر : ا ا ممم و و واخا ....هو ثابت كيشوف فيها كتشكل و تلون في يدو و نطق ببرودة كتقتل : تقدري تكملي بوحدك ...كانت فحال الصفعة على خدها كتظن راسها تسرعت بزاف ...و هي تبغي تلاااح ماشي تهبط تلاح من فوق الحصان ....و كانت نيت غتجي على قنانفها و لكن شدها غير بيد وحدة من خصرها فحال دمية  ...مع كتبان قصيورة و صغيورة خفيفة في يدو ...نزلها بالهداوة حتى حطت رجليها في لرض و حيد يدو و هي وقفت حانية راسها من شدة خجلها من الموقف و شادة سلتها و مزيرة عليها
تشارلز رجع شد لجام الحصان ديالو و كيهدر من الفوق يهيبة أمير : متبقايش تجي لهاد البلايص ....ايلا زيرت على يدها  و حركت ليه راسها و مكتشوفش فيه و قلب الوجهة ديال الحصان ديالو  ....و مشا بيه كيجري  ....طلعت ايلا عينها فيه و غطات وجهها بسلتهااا ...احسن ليها تمشي تنتاحر دابا  ...بدات كتمشى بسلتها راجعة لللدار ....كانت كتظن صافي لقات وحد يجي يعوضها على باها لي فقدات خبارو من قبل ربع سنين.... على لاغلب غيكون ميت فشي بلاصة مقدراتش حتى تشوفو لاخر مرة وتكفل بالجنازة ديالو .... باها داك الشخص الوحيد لي كان منو الاب و الام من بدات حياتها ...توحشاتو بزاااف بزااااف بدات كتمسح دموعها بكمها تمنعم مينزلوووش .... و تبسمت اهم حاجة كانت قبلتها لاولى مع رجل وسيم كيشبه الامراء .... و بدات تقرب من الدار ...و هي تبان ليها عربة غريبة قدام الدار عربة فخمة بزااااف باينة ديال النبلاء ...و هي توقف من مورا وحد الحيط و كتطل ....بانت ليها خالتها دولسي ....خاارجة من باب الدار ...و دايرا فرو هلى كتافها و لابسة زوين و انيق و متزينة و خارجة كتقاد في شعرها من لتحت ....و فتح ليها السائق باب العربة و طلعت فيها ....هاد العاهرة ديال مرت باها لي منين اختفى تحولت عاهرة رسميا باغا تطلع سيدة نبيلة بززز ... حتى مشات العربة قدام عينيها ...على الاقل غتهنى من صداعها ....دخلت ايلا من الباب الخلفي كيفما العادة لقات ديك المشيشة كتلعب ليها حدا رجليها ...و مشات تبعتها للمطبخ و حطت سلة التفاااح تمااا ...و داك الحساء ديال قبيلة شعلت العافية باش تسخنووو ليهم و تجمع و تطويي ... لي بغات تاكل تاكل مبغاتش ماسوقهاش هي ....سخناتو و حطاتو تما و شدت القطيطة كتلعب بيها في حزتها ...حتى دخلو خوتاتها كيسولو على العشا حيت عياو يتسناوها تحطو و محطاتوش
جينار دايرا يدها على جنابها : فين هو العشااا نتيي علاش محطيتهش
ايلا حيدت المشة حطتها و ناضت وقفت و هزت فيها حاجب : انا ماشي خدامة ديالك هادي اولا ، ثانيا من الاحسن ليك تهبطي صوتك و لا غيجي هاد العشا فوق راسك ياك غا البزلاء (جلبانة ) نصلقك بيها معنديش مشكيل
جينار قربت منها و هزت عليها صبعها : كنحضرك تهدري معايا بهاد الطريقة و لا كنحلف ليك غنردك جفاف عندي فاش نتزوج
ايلا هزت راسها كتضحك : ههههه ضحكتيني انا لي نهار نتزوج لي غيجي راجلي و يخرجكم من داري
جينار : دارك ؟
ايلا : ايه دااارييي دار بابا نتي يلاه جهدك تقلبي على شكون باك .... جينار كتفووور مكرهتش تلاح عليها و لكن عارفة ايلا تغلبها و هي تاخد نفس و رجعت شعرها للور : كنت باغا نجوبك و لكن مغنضيعش وقتي مع خدامة عامرة بالرماد و شنو كيحساب ليك غتزوجي من نيتك شكون غيشوفك اصلا واش عمرك شفتي راسك في المرايا واخا تسلميه راسك غيدير براسو مشافكش ...ايلا هنا بدات كتدخل ليها الهدرة مع العضم تفكرت تشارل لي فعلا سلماتو فمها و مداهاش فيها و بدات تنفخ و تفش غير بوحدها في هادي زمتتها ..... و جينار لعبت بشعرها و خرجت هي وختها لي كانت غير تتفرج و سدو من وراهم باب المطبخ