قصة عهد ديزني الملعون🏰 (قصة مغربية )

6

🏰عهد ديزني الملعون 🏰
♥️oumaima mega ♥️
💢17💢
~~~~~~كانت الساحرة كلوفي كتشوف في الفقاعة ديال الحورية ...و هي جالسة في الكرسي ...و استدارت هازة داك الكتاب لي عطاها دانييل ...بدات كتقلب صفحاتووو و هي كتدور عينيها بيناتهم حتى وقفت التصفح من بعدما طاحت شوفتها في قصة الحورية و المصائب لي وقعو في العهود الملعونة و قرات تما ان الحورية فاش خرجت من البحر طاحت في يد الصيادة لي اغتاصبوها بشكل جماعيي حتى ماتت في يديهم ...و بهادشي متلقاتش الحورية باميرها ...تنهدت الساحرة كلوفي بارتياح ...بالكاد طلعت راسها حتى تفتح عليهم الباب ....استدارت منقابضة حواجبها تشوف شكون هادا لي دخل لجحر العمل في وقت العمل بحكم انه ممنوع منعا باتااا ...و حتى لمساعدين ديالها دارو معاها و تمااا كانت الصدمة على وجوههم كاملين بدون استثناء ...القزمين دغيا نزلو راسهم احتراما ...و كلوفي ناضت من الكرسي ديالها ...كان تما الحاكم لي عمرو ماجا لهاد الجناح لاول مرة كيجي ليه ....كان داير يدو من موراه و كيتمشى بهيئة حاكم دافع صدررو القدام ورافع راسو للور ....تقدم بخطوات تابثة ...و هي تمشى عندو كلوفي بنظرات الحيرة و التساءل
كلوفي : جلالة الحاكم ش شنو كدير هنا
الحاكم وقف على بعد منها بمسافة هو كيرمقها بنظرات باردة : هادا قصري و انا كنتمشى فيه (و هز عينو في الفقاعات البلورية كيتفقدهم وحدة وحدة وقعت عينو على فقاعة الامير ايريك و الحورية لي كانو في وضع حميمي ) كتبان ليا الاوضاع غادا مزيان
كلوفي رفعت راسها : مممم مزيان ، شنو ا جلالة الحاكم مبقيتيش كثيق فيا ؟
الحاكم دور نظرو ليها و رفع الحاجب ديالو و بنبرة حادة : نتي عااارفة مزيان جوابيي ا كلوفيي
كلوفي تقدمت لعندو و بكل جرءة رافعة راسها شي حاجة طبيعية كانت حبيبتو المصونة وقفت عند الحد ديالو كتأمل في ثباتو و هو كيشوف فيها : اه عارفة جوابك مزيان ا جلالة الحاكم عارفة انك كثيييق فيااا عارفة انك عارف انني منقدر ندير حتى حاجة غالطة انني منقدرش نخالف امرك شنو ما وقع ا جلالة الحاااكم
الحاكم كيشوف الثقة لي كتبدد في عينيها و هو كيثبت راسو على جمالها و ثقتها و على قربهاااا منووو هو ينطق بين سنانو : تبدلو بزاف ديال حويج ا كلوفي من مشيتي لمنفى
كلوفي كتزيد تقرب لعندو : متبدل والووو باقي كتشوف فيا بنفس النظرة و كثيق فيا بنفس الثقة
الحاكم هز يدو عليها محمر فيها عينو : برااااكاا
كلوفي : علاش براكا شنو غدييير ...هو يقرب منها حتى لحد و عينو في عينها و نزلها لشفايفهااا و عاود رجعها لعينها : نتي عارفة  مزيان شنو غندييير
~~~~~~~~في الجناح لي كان فيه دانييل و لي كان مراقب فيه كلوفي ...و كانت حداه سيلي لي من دخل الحاكم و هي مخرجة عينيها
سيلي : دييير شي حاجة هي كتحاول تغري الحاكم
دانيل دار عندها و ضحك جنب بسخرية : غندير شي حاجة لحاكم ؟ ...سيلي شافت فيه عندو الحق و بدات تفرك في يديها و رجعت كتشوف في كلوفي و الحاكم  ....لي كان كيشوف في فمها ..و كلوفي كانت انظارها عليه و على افعالو ..حتى زاح غير ببؤبؤ عينو لمساعدين ...و رجع و دار بالوشاح لي في كتافووو مخليها من موراه بلاما يهتم بيها و لا لامرها ....كلوفي تبعاتو بعينيها حتى خرج  كيبان ليها الحاكم باقي كيشوفها مجرمة و لكن هي غتبث عكس هادشي ...و هي دور لمساعدين ديالها لي كانو حانيين راسهم و تبسمت ليهم : نكملو دابا ....و تمشات جلست في الكرسي ...و رجعت البلورة ديال حورية البحر