قصة عهد ديزني الملعون🏰 (قصة مغربية )

8

🏰عهد ديزني الملعون 🏰
♥️oumaima mega ♥️
💢26💢
تصدمت الساحرة كلوفي و مساعديين ديالها في ايلا الجريئة ....حيت مكتوب في الرواية ان القبلة خاصها تكون حتى ليلة الحفلة ...و لكن هاد ايلا سبقتها في لقاء الثالت ديالها ...دابا شنو غيضنها الامير بضبط حيت خاصها تكون شريفة و عفيفة ماشي تبوس رجل غريب من لقاء ثالت ....كلوفي شدت من راسها و سحبت عصاها من تما كيبان ليها هاد ايلا خاصها تحضي معاها كثر و كثر ....و تنهدت مدورة انظارها لجيهة كرة الجميلة و والوحش ...ديك البلورة الغريبة لي كتخوف ... الوحش لي فيها شكلو مرعب بزاف ...و لكن معندها ما تدير خاصها تراقبها ...و هي تلوح ليها بعصاااها
~~~~~~~انفاااس الوحش كانت قوية بزااااف لدرجة في كل نهج منو كيتطاير شعر بيلااا ...و هي لي واقفة مكانها و كتنظر ليه بشوفات خائفة و هي شادة من فمهاااا ...كان ضخم لدرجة الجحيييم ...كشر على اسنانو متبسم قدامها و نطق بصوت كيزلزل لجدران : علاااش هربتيي (قلبها كان يقدر يوقف من صوتووو طلع وحش كيهدر ) لهاد درجة كنخلع ....هو يحيد يدووو عليها و رجع خطوة بلور  هز راسو لفوق كيصدع لجدران بقهقهاتو الشريرة لمرعبة ...لي خلات جميلتنا مخشية في الباب و عينيها كتدرف الدمع من شدة الخوف و هي تبدا تنطق بهمسات متقطعة كتبكي : هيء هيؤ ع ع عفااك خ خ خليني ن ن نمشي ع عند ب بابا
وقف قهقهاتو و رجع انظارو لمرعبة ليها المتوحشة : ياك قدمتي راسك فدية في بلاصة باك و لا بغيتي نرجعو ( و اشار باصبع منو فيه مخالب )
بيلا بدات كتحرك راسها بالنفي فاش تفكرت اعدام باها : ل ل لا لا لا ع عفااك
الوحش : ادا غتسمعي هدرتي مزيان ( حركت ليه راسها بالايجاب هو يطلق مخالبو جيهتها و نطق بصوت معدل ) أجييي ( بيلا حركت ليه راسها برفض هو يرفع من صوتو الزلزال محمر فيها عينو ) أجيييي ...قفزت و بدات كتمشى عندو خطوة خطوة و كتمنى المسافة لفاصلة بينو بينها تزيد تطواااال و عمرها توصل لعندو ....و بمجرد مقربت شوية منو ...جرها من دراعها الصغيرة لعندو بقضبة قوية فحالا غيهرسهاا ليها حتى أننت بالم في يدو و هي تتشوف في ضخامتووو و هو كيهدر بين انيابو : كلامي غيكون أمر لييك غتنفديييه بالحرف الواحد ....حركت ليه غير راسها بسرعة و كلها كترجف بين يدو و كتأن بالالم لي في يدها : تبعينيي ... و طلقها بعنف ...و دار بضخامتو كيتمشى في داك الممر و جنودو اصحاب الخودات الحديدية كيتنحاو على طول طريق الممر ....بدات بيلا كتمشى من موراه و يديها كترجف و كتدور من موراااها لباب المسدود ...و نفسها كابحاها من البكا من غير شهقات متتثالية كتحاول تكتمها ....خطوة من بعد خطوة ...حتى خرجت قدام الوحش ابريقة وردية بسيقااان مثيرة طويلة و ايادي آدمية و عندها ملامح في داك الابريق من فمها و عيونها
ابريقة : مرحبااا بيك ...بيلا دورت عينيها لقدامها ...تشوف شكون هاد الانثى و لكن بمجرد مشافت بريق كيهدر ....مقدرش مستواها العقلي يتقبلها لدرجة انها غوتت في وجهها ...وفقدت وعيهااا طايحة في لارض حدا رجل الوحش ....لي نظر ليها غير بطرف العين طايحة حدا رجلو و دور عينو الحااادة النظر عيين تقدر تقتالع ليك جدورك من مكانها ...لجيهة ابريقة لدخولها بهاد الطريقة
ابريقة من نظراتو حنات راسها : ك كنعتدار جلالة الامبراطور مكنتش عارفة انها غادي تفقد الوعي
الامبراطور بنفس النظرة المميتة نطق بين انيابو : هزوها من هنا
~~~~~~~ في جناح ملكيي فخم و عريض وواسع بقدر جمالو و فخامتو بقدر بهتانو و دبولو من جراء اللعنة لي تصابت بيها القلعة و سكانها و امبراطورها ....كانت الثرية لي في الصقف ديالو من كرستااال ....فحال شي مراية كتعكس ارضية لجناح ...لي كان فيه اثاث ثقيييل ...معلقة فيه لوحة ضخمة ....كانت لوحة لرجل باينة من لباسو انه الامبراطور ...ووجهو كان مقطع بمخاااالب ....اثارها واضح على للوحة ...و في ارجاء الجناح كان شمعدان مجمد ...و كانت خزانة حائطية كبيييرة خزانة ملابس....كانت طاولة عريضة و فوقها زهرة حمراء محبوسة في زجاجة كريستالية ....و كااان في الجناح مرايا حائطية ملكية ...و ....عريضة و مهرسة بكثرت اللكم ....كان واقف قدامها الإمبراطوور آدام الوحش...بلباس امبراطور ...وهو كيشوف في المرايا كتعكس قبحو كتعكس وحش افعالو على وجهووو ...كان كيكشر على اسنانو بغضب في كل مرة كيشوف فيها انعكاسو ....كيدوز مخالبو على وجهوو القبيح ...حتى استشعر أنين الجميلة لي كانت في جناحو ...و مستلقية على فراشووو بجمالها و فستانها الحقير ...كانت ملامحها كتبدل بخوف واخا هي فاقدة لوعي ...كانت فحالا كتعاني من شي كابوس مرعب