قصة عهد ديزني الملعون🏰 (قصة مغربية )

7

🏰عهد ديزني الملعون 🏰
♥️oumaima mega ♥️
💢23💢
~~~~~كان تشارل كيمرر يدو على خصر ديك النبيلة و هو كيتبادل معاها القبل اللعينة في العلن وسط باحة قصروو الضخمة و كيلعب بوجهها باش يدورها على زاوية لي كيبغي سيادتوو ...حتى استشعر وجود شخص من موراها ...فتح عينو الدابلين و زاح فمها بالهداوة من فمو ....و دور عينو لجيهة الرجل القصير الغليض لي كيتمشا بابتسامة لجيهتو
زرال : سمو الأمير تشارل ....الاميرة لي كانت في يد تشارل حشمت ورجعت بللور حدا باها زارال
تشارل بمنتهى الهدوء : شنو كدير هنا ؟ ..و بدا كيجبد سيجارتو و كيحطها في شفايفو و كيشعلها ...طبعا منظر لا يليق بأمير ...و لكن هادا هو سيادتووو ...الأمير الصعلوك (مشرمل )
زارال : ههه شنو ماشي مرحب بيا مرحب غير ببنتي نيلا ....نيلا خجلت بابتسامة ...تشارل بدا كيكمي و كينفخ الدخان في الهواء معندوش مع الهدرة بزاف
زارال : ههه المهيم سمو الامير بغيت غير نهضر معاك في موضوع مهم
تشارل بوحد الهدوء كيكمي سيجارتو و حواجبو منقابضين : كيبان ليا ماشي وقت المناسب للهدرة (هو يرفع عينو بحواجبها لمكان بعييد ) حيت الملك حتى هو باغي يهدر
زارال دور راسو لجيهة الملك لي كان واقف و يدو من موراه و كتبان عليها القوة و الوقار و شعرو شايب و فوقو ثاج من دهب ... داك  شبل من داك الاسد
زارال دار و ضحك : اكيد اكيد جلالة الملك هو الاول ...تجاوزو شارل بدون ما يكثرت لوجودو و هو كيتمشى بهداوة و قامة محارب و شكل امير و سيجارة صعلوك ...حتى وقف قدام الملك لي كان واقف عند اقواس القصر   ....نفت دخانو هاد الامير في الجو ممكثارتش لوجود الاب ديالو الملك قدامو
تشارل ببرود  : كيبان ليا ليوم نتا ماشي في مزاج زوين ، شنو واقع ؟
الملك فليب  كان كيرمقو بنظرات قاسية : شنو هادشي لي كدير فيه مكيليقش بصفات امير غيورث عرش المملكة عن قريب و شنو هاد السيجار لي كتدور بيه شنو غتعطي لشعبك كمثال
تشارل قدم ليه السيجار : مكيناش الملكة دابا يمكن ليك تجرب
فليب خرج فيه عينو : تشاااارل اش هاد التصرف (تشارل تنحا من قدامو و تجاوزو و مشا كيتمشا و الملك فليب غادي من موراه و كيهدر كيفما ديما ) تشارل وقف انا كنهدر معاك تصارفاااتك زااادت على حدهاااا بزااااف و بعدا علاش كتخرج متنكر على برا علاااش ....هو يوقف تشارل و دار لعندو و هو كيكمي : كيعجبني نشوف شعبي على حقيقتو
فليب تنهد بقلة حيلة و قرب منو : كيبان ليا بلاما نديرو الحفل ديال اختيار الزوجة
تشارل نفت الدخان و كمش وجهو : و علاش ؟
فليب : كيفاش علاش ؟ كنظن اختاريتي ؟ بنت الدوق زارال نيلا لي مدة سنة و هي كتدخل لخلوتك كل ليلة
تشارل : و هادشي مكيعنيش انها الزوجة ديالي  الحفل الملكي تقليد ا جلالة الملك فليب و خاصنا نحتارمو تقاليدنا (فليب مخرج فيه عينو من امتا الامير الوسيم تشارل كيهتم بالتقاليد ) يعني امور فحال هادي مكتغيرش
فليب : و نيلا شنو غدير معاها واش هي لي غتختارها ولا شنو بالضبط
تشارل : قلقك على نيلا كثر من قلقك على المملكة تفضل شد هاد سيجارة وحد دقيقة ...فليب شاف في سيجارة و شدها من عندو و تزامن هادشي مع وجود سيدة جميلة بلباس ملكة و ثاج و صولجان وقفت بابتسامة : أميري تشارل (رفع تشارل يدها بنبل و تحنا قبلها ليها)شكرا ( هي تدور عند فليب و لقاتو هاز سيجارة و عينو على تشارل تصدمت ) جلالة الملك فليب شنو هادشي
فليب : شنو(هو يلمح سيجار ) امم هادي ؟(و دار عندو  بعصبية) تشااااارل (تشارل بابتسامة جانبية خبثية دار و عطاه بضهرو كيتمشى ) تشاااارل مزااال مسليناااش تشااارل ...وقف تشارل للحظة و دار لعندو و كيهدر بيد و يد خشاها في جيبو : لبقيتي على هاد العصبية كيبان ليا غنشد لعرش بكري
فليب : علاش ؟ غتقتلني ؟
تشارل : منحتاجش غتقتل راسك بيدك ....و دار كيكمل طريقو بهدوء مخلي نيران غضب الملك فليب من موراه
فليب دار عند الملكة : شفتييه
الملكة كتبسم : غير كيتمازح الأمير مع بااه
تمشا تشارل في قصروو الضخم ...و ارضيتو من الرخام و واقفين في الجوانب ثماتيل من جبس كتجسد اجدادووو الملوك ...تمشا بيناتهم بوحد البطء حتى جا من موراه التابع ديالو دييب
تشارل بدون ميدور لعندو و الجدية على ثنايا وجهو تحول برودو لوحد القسوة بلا رحمة بين عينو : واش اعتارف ؟
ديب : باقي على نفس اقوالوو واخا دوزنا عليه جميع انواع التعديب كيفما أمرتي سمو الأمير كيقول بلي الزوجة ديالو هي لي من مورا هادشي و بلي هادوك ماشي حتى بناتو مكظنش ان خصنا نعلمو الملك بهاد لامر باش يصدر فيه حكم ديالو
تشارل كيتمشى : مزال الوقت دخولو هنا كان بمساعدة شي حد من القصر لي خاصو يتعرف و انا كنعرف الملك فليب مزيان الى مشا حتى عرف غادي يصدر حكم متسرع في حقو و غيعدمو و الرأس لي دبر هادشي كامل غيلقا مخرج باش مايبانش ...