قصة عهد ديزني الملعون🏰 (قصة مغربية )

10

🏰عهد ديزني الملعون 🏰
♥️oumaima mega ♥️
💢34💢

بقات ايريل كتجريي في الارجاء و غير تبكييي كانت تقدر توقع كلشي الا انها تشوف اميرها مع بنااات هادا ماشييي اميرهااا خاصها ترجع البحر بغات ترجع فحالهااا .... كان جاي رئيس الخدم لي دخلها اول مرة هو يلمحها جاية كتجريي و عقل عليها مزيان حيت هي اغرب و اجمل خادمة تلقا بيها هو يعتارض طريقها

الرئيس : شنو كديري هنا و علاش كتجري هادشي ممنوع ( و هي تبدا تحرك ليه يديها و راسها و كتبكي و باغا تهدر و مقدراش و كتشهق نسبيا فهم انها تعرضت لشي حاجة و بغات تخرج من تما ) واش باغا تخرجي (حركت ليه راسها بالايجاب) لا ميمكنش هادشي ممنوع حيت يلاه دخلتي راه ماشي بالساهل تخرجي يا غيقتلوك يا غتعرضي الأذى (رمقاتو برأفة بغات تخرج ) دابا ميمكنش ليك حتى لمن بعد ايام عاد نقدر نخرجك (نزلت راسها باسى ) دابا رجعي لجناح لي جيتي منو ....و شدها من دراعها رفعها بشكل عنيف و مشا غادي بيها مرجعها ...و في طريقهم صادفو رئيسة الخدم لي كانت جاية و من مورا ها نيلي و الخدامات ....باينة وصلو ليها الهدرة

الرئيسة وقفت و هي تغوت عليها : اش هاد شيي كيفاش تجرئتي تخرجي بداك الشكل من جناح الامير و قداااام الحرس الملكييي ...نزلت ايريل من راسها باسى و قلبها كيضرها بزاف هي مكسورة دابا
الرئيس : باقا جديدة مكتعرفش مزيان
الرئيسة : غنغفر ليك هادشي حيت هادا نهار لول ديالك و جلالة الامير مشافش هادشي و لكن لا تعاود مغنعقلش عليك سيري دابا مع نيليي هي غنحط عينيها عليك ....حركت ليها راسها بالايجاب و مشات مع نيلي كيف امرتها ... و وجهها واضح عليه الحزن بزاااف مكانش عليها تجي لهنا ماشي هادا هو الامير لي شافتو في البحر ....ماشي هو هادا ...طلعت راسها لقاتهم في جناح ديال الاكل ...و كينين تما عدد هائل من الخادمات ....جلست نيلي و جلست حداها ايريل بنفس تعابير البريئة الحزينة ....حطو ليها بعد الطباخين لخاصين بالخدمات صحن خاص بيها قدامها كان فيه حساء و خبز و تفاحة .... مكانش في النفس ديالها حب الاكتشاف فحال لول بغات ترجع غير لبلاصتها و لكن خاصها تاكل باش تعيش بينما خرجت ...بدات كتحاول تقلدهم بكيفية الأكل ديالهم و قطعت جزء من الخبز خلاتو لاصدقاءها ....و بالنسبة لنلعقة معرفاش تشدها كتافات تهز الزلافة بيديها بجوج و تشرب بيها ...جتى سلاو و رجعت لجناح الخادمات ...و هزت السطل عطات لقنديلة و مرجان شوية الخبز و هي كتشوفيهم كياكلو و كتفكر كيفاش غتقليهم على تلرجل لي هجرت الوطن ديالها على قبلو و شنو لقاتووو و معمن لقاتو ماشي داك الحب لي قطعات مسافات على قدوو بدات كتنزل دموعها قطرات دافية و كينزلو على الما لي في السطل ... كيفاش غتهدر معاهم كيفاش غتواصل معاهم ....مسحت دموعها بكمها ...قبل ما تجي عندها نيلي تنوضها مرة اخرى حيت هادا هو عمل الخدمات الوجبات بالنسبة ليهم غير استراحة ....حطت سطلها و ناضت معاها و هي حانية راسها و كتمشى كتمنى مترجعش لجناحو و متشوفش المنظر لي شافت قبيلة ...وكانت امنيتها محققة حيت داوها لجيهة ديال جناح الجاريات جهة خاصة غير باالامير ....دخلو تما الخدمات ...على دوك الجاريات لي كانو غالبيتهم جالسي على وسائد حريرية و لابسين ابهى حلة و ضحكاتهم كانت كتسمع ...كانو جميلات الارض مجموعين في ديك البلاصة ...دخلو الخادمات حانيين راسهم باش يخدمهم و ينظفو ليهم مكان اقامتهم ...و معاهم حتى ايريل لي غير تتشوف بعويناتها الزرقين ...و كتساءل على شنو هاد البلاصة لي فيها هاد النسبة الكبيرة من البنات بهاد الشكل قالت يمكن اميرات