القصه مشوقه جدأ تتكلم عن فتاه سافرت لغير محافظة حتى تكمل دراسه وتتخلص من ضلم اهلها
وبعد متسافر تتزوج بشخص غصب عنها بسبب اتفاق بين ام العروس وأم العريس
حتى يجمعون بين العائلتين اتمنى تنال اعجابكم ❤
علي، نزلت سرى ولابسه فستان طالعه تجنن واني گلت بلكت تلبس فستان حتى يقل جمالهه بس صار العكس وامها گالتها شنو هاي لابسه فستان معرفتج ، وبعدين گعدو ياخذولنه صور لان كلنه لابسين نفس اللون وبعدها رحنه بسيارتي لان اني اعرف الاماكن اكثر من حيدر وطول الطريق اني اباوع عل سرى من المرايه الي گام بالسياره وهيه ولا رفعت راسها بس تباوع من الجامه لو تباوع عل ساره تحچي وياهه وصلنه للمول وهيه راحت يم حيدر ولزمت ايده وانوب حچيهم كله حبيبي وحياتي الي يشوفهم يگول ذول حبيبين مو اخوان واني لو بيدي اجرها من ايدها واخليها بگلبي حتى محد يشوفها ، وصدگ حسدت حيدر لان هوه لازمها المهم صارت الدنيا مغرب واترخصو حتى يروحون لبيتهم وسرى سحبت ساره وصعدت فوگ شويه ونزلت مبدله وراجعه لابسه هدومها الي اجت بيهن وگلنالهم يبقون عل عشه بس مقبلو وراحو ثاني يوم گعدت الصبح طبيت للحمام سبحت وبدلت ورحت للشغل لان اني بالعطله اشتغل بشركه ابويه هوايه شغل وتعب صارت الدنيا ظهر ورحت لصاحبي اسمه وسام حتى نروح نتغده لان اني من الصبح اجيت للشركه وبدون ريوگ
علي، اگلك وسام امشي خل نروح نتغده بالمطعم
وسام،اي والله اجيت بوكتك ميت جوع
علي، بس گلي اني شوكت شفتك وماگلتلي ميت جوع
وسام، يمعود بس گلي هو اكو شي اهم من الاكل بالحياه
علي، ديله ديله امشي همك بس بطنك
وسام، 😂
علي،رحنه تغدينه اني و وسام وهوه ماخله شي بالمنيو اذا ماطلبه وراها كملنه ورجعنه للشركه وللمغرب يله رجعت طبيت البيت ورحت عل والده چانت تصلي من كملت رحت بست راسهه
علي، تقبل الله يمه
ام علي، منا ومنكم صالح الاعمال والله يرضى عليك
علي، الله يحفظج النه
ام علي، خل اگوم اسويلك عشه هسه اكيد انته جوعان
علي، اي والله جوعان تدرين بيه ما احب اكل من المطاعم
ام علي، يا يمه ليش ماتجي للبيت تتغده وعود ارجع لشغلك
علي، يمه انتي تدرين الطريق من البيت للشركه بعيد وهم ما اريد اتعبج فاحسن شي اكل من المطعم حتى لو شويه بس اسد جوعي
ام علي، براحتك يمه اهم شي انته مرتاح
علي ، صدگ ابويه جا للبيت
ام علي، اي يمه جا روح شوفه يمكن بالصاله گاعد بين ما احظر العشه
طبعا ابويه من اني اعطل واگوم اروح للشركه هوه ميجي للشركه لان يگول انته تكفي وتوفي ومرات يگلي خل اسجل الشركات باسمك لان انته ابني الجبير وتعرف بهاي الشغلات اكثر من اخوك بس اني ما اقبل ، وكلي يطلع من الشركات انطي لابويه وهوه يخليهن يم امي ، واحنه عدنه 3 شركات وحده بسد الخ
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ويوميه لازم اروح لل3 شركات حتى اتأكد من من كلشي بيهن واخذ الفلوش والعمال انطيهم اجور شهريه كمل يومي ورحت بدلت هدومي حتى انام الي هيه بجامه وفانيله وفرجت سنوني ونمت باجر ما اروح للشركه لان جمعه وگعدت الساعه بال10 عل صوت عالي....
هلااااو والله مشتاقتلكممم مووووت يا بذاتين لاتسألون ولاتگولون يجوز متت صار بيها شي (لاسامح الله😂) واسفه هواااايه لان تأخرت وحقكم عليه بس والله صارت عندي ظروف كومه من ضمنهن جدي ماات😭 وهواايه شغلات انوب ما اريد اضوجكم وهالفتره عندي دراسه واتمنى متظغطون عليه لان والله ظروفي هوايه ومدتسمحلي اگعد واكتب ، وبس اتمنى تحفزوني حتى ارجع لتكمله الروايه وتدعولي انجح وتصوتون لا بال🔪🙂 ++صحيح محد سأل عن اسمي بس اسمي ( الفراشه ) طبعا اكيد هذا مو اسمي بس دلع اوگ وهاي اول روايه اني اكتبها واني احبكممم وبس❤️
