زواجي غصب عني

بارت 8

سرى، نزلت رحت للمطبخ سألت ماما شمسوين غده

ام سرى، مسويه برياني علمودچ

سرى، اللللله فديتچ نبع الحنان

ام سرى، حطي الاكل عل ميز وروحي صيحي عل ابوچ

سرى، ماشي بس بابا وين

ام سرى، گاعد بالغرفه

سرى، تمام حطيت الاكل عل ميز ورحت اصيح بابا طبيت للغرفه
باباتي تعال تغده

ابو سرى، ممشتهي انتو تغدو بالعافيه

سرى، اذا انت متاكل اني هم ما اكل وبعدين الغده برياني يفوتك

ابو سرى، تتدللين عيني

سرى، يحفظلك اياها ورحت بسته من خده وطلعنه گعدنه تغدينا وكملنه اني لميت المواعين وغسلتهن وسويت چاي لبابا
صح اني البنيه الوحيده لاهلي بس اشتغل لان عطله وضوجه واحب اساعد ماما
كملت ورحت سألت ماما عل حنه مروه بنت عمي حسين هيه راح تتزوج ابراهيم ابن عمي عمر
ماما صدگ باچر حنه مروه

ام سرى، اي صح باچر الحنه مالتهه

سرى، يسووها بالقاعه لو بالبيت

ام سرى، الحنه بالقاعه والعرس بالبيت

سرى، هيه مو لازم العرس بالقاعه والحنه بلبيت اشو گالبيهه

ام سرى، لان ابراهيم يريد العرس بالبيت ومروه گايلتله لعد اسوي الحنه بالقاعه

سرى، اي بس شعدهم مستعجلين

ام سرى، يريدون يزوجون قبل متبدا الدوامات

سرى، هاا 
كملت يومي عادي مثل اي يوم نمت گعدت الصبح سوينه الريوگ ونضفنه البيت صعدت لغرفتي سبحت ولبست شورت
وتيشيرت دلعته چبيره حتى المكياج ميروح بالتيشيرت من انزعه حطيت مكياج بناتي لان اني ممتعوده احط مكياج قوي وماما
همين متقبل تگول تنحسدين لان كرايبنه عيونهم حاره(يعني يحسدون) وبنات گرايبنه يعني مو كلش حلوات ،شعري بس سرحته
بالكاويه لبست فستان جوه الركبه لون وردي فاتح يصير عل جسم والردانات مالته ربع بس كيبور وحذاء كعب اسود وذبيت الشال عل راسي شعري بقى طالع وحطيت عطر ونزلت لبست صايه
شفت ماما مكمله كامت تقرأ بالمعوذات وتصلي عل محمد (اللهم صلي على سيدنا محمد وعلى اله وصحبه) رحنه للقاعه من وصلت ذبيت الشال ورحت سلمت علكل لان كلهم گرايبي وكل وحده اسلم عليها تگلي شطالعه تخبلين واني بس اگول شكرأ لان ما اعرف ارد عل كلام الحلو 😂،چانت مروه بعدها مواصله بعد ربع ساعه طبت مروه للقاعه وشغلو اغنيه الحلوه اجت
بعدين گمت رگصت وي البنات شويه وگالو راح يجي يحنيها طبو الولد اني حطيت الشال عل راسي كمل ورگصو الولد شويه وطلعو
كملت الحفله ورجعت للبيت ميته تعب گبل طبيت سبحت ولبست دشداشه قصيره ونمت حلمت اكو ثور ديلحگني گعدت الساعه بال10 طلعته بالتفسير طلعت عين يعني واحد حاسدني گلت لعد لو ما ماما قرتلي قران چان شصار
غسلت ونزلت شفت بابا گاعد گتله صباح الخير ماي داد (يعني بابا بس هاي بالانگليزي)