زواجي غصب عني

بارت 7

سرى، نزلت شفت اهلي يتصايحون بالصاله طبيت عليهم گلتلهم شبيكم صوتكم يجيب التايه

حيدر، اهلي مصرين عل زواجچ من خالد

ابو سرى، بنتي خالد خوش ولد وهو ابن عمچ يعني احسن من الغريب

ام سرى، انتي تعرفين من چنتي زغيره كلهم يعرفون انتي لخالد و خالد الچ

سرى، هسه عوفو هذا الموضوع بعدين نحچي بي لحد ما اكمل جامعه و وراها الله كريم
ويمكن يتزوج صفا بنت خالته لان هيه تحبه

ابو سرى، يالله هسه كل واحد يروح لغرفته نامو لان تأخر الوكت

حيدر، ماشي تصبحون عل خير

الكل، تلاگي الخير

سرى، صعدت لغرفتي سبحت وبدلت لبست دشداشه فوگ الركبه طبعا اني عادي البس هيچ گدام اهلي لان همه يقبلون
بعدها مشطت شعري وتعطرت من عطري المفضل ونمت كعدت الصبح الساعه بال 9 ونص طبيت للحمام غسلت وجهي وفرشت سنوني وسويت شعري ضفيره راخيه نزلت صبحت عل اهلي

سرى، صباح الخيييييير

الكل، صباح النور

ابو سرى، هلا باميره ابوها تعالي گعدي يمي

سرى، هلا بيك باباتي رحت بست بابا من خده وگعدت يمه

بلال، اي عيني الدلال كله لسرى واني تگعدوني دفرات وچلاليق

ابو سرى، لتغار من اختك هيه بس هلبنيه اكيد ادللها

سرى، عيبت لبلال  نننننننن مگهورين

ابو سرى، سرى الاميره وانتو الامراء

ام سرى، واني الخدامه مووووو😡

ابو سرى، انتي الملكه انتي ملكه گلبي 😘

ام سرى، الله يحفظك الي ياحبيبي

حيدر، يعني تعرفون احنا حدايق وگاعدين تتغزلون گدامنه يعني ميصير هيچي

ابو سرى، اتزوج وتغزل بمرتك

سرى، ماما انتو متريگين لو لا

ام سرى، لا والله بعد گومي خل نحط الريوك

سرى، اوكي كمت وي ماما حتى نسوي الريوگ اني سويت الچاي وحضرت الكوابه لان احنا نشرب چاي بالكوابه وكل واحد كوبه لون شكل
وبابا جايب صمون حار همين حطيته وماما سوت البيض وطلعت الاجبان والمربى حطينه الريوگ وگعدنه عل الميز ناكل كملنه
والولد كل واحد راح لمكان بقينه بس اني وماما بالبيت نضفنه وكملنه
طبعا بيتنه مساحته 500 وطابقين كلش چبير الطابق الفوگ الي ولاخواني بي اربع غرف لكل واحد
غرفه وجوه اكو غرفتين وصاله وغرفه خطار ومخزن والمطبخ حار وبارد وبكل غرفه اكو حمام وتواليت
الطابق الاول بس ماما وبابا بي بعد مكملت تنضيف تعبت رحت لغرفتي سبحت ولبست برموده وتيشيرت ومشط شعري
لزمت التلفون راسلت صديقاتي شويه ونمت
حسيت واحد يكعد بيه فتحت عيوني هذا جلال

سرى، ها جلولي شبيك

جلال، ماما تگول خل تگعد تتغدا 

سرى، اي هسه بس اغسل واجي

جلال، اكلچ تره باچر حنه مروه بنت عمو حسين

سرى، ليش مو گالو بعد اربعة ايام

جلال، ما اعرف يمكن مقدميها

سرى، تمام انت انزل هسه واني افتهم السالفه من ماما

ممكن تدوسون عل نجمه
429 كلمه 😘