سرى. اني السنه راح ادخل السادس ومبقى بس شهرين وتبدى المدرسه
شويه واجتي ماما
سهى ام سرى. سرى كومي بدلي هدومج لان اليوم معزومين ابيت اهلي (بيت أهل سهى)
سرى. شنو سبب العزيمه؟
سهى ام سرى. ابن خالج ناذر من يتخرج يسوي عزيمه وهسه يالله سواها
سرى. بعد وكت جان بقاها للسنه الجايه (باستهزاء)
سهى ام سرى. اني شمعرفني شكد تتسألين يالله كومي راح نتأخر
سرى. تمام بس خل ابدل واجي
كمت بدلت ولبست بنطرون اسود وبدي ابيض وبي كلمات سوده مكتوبه بالانكليزي ودخلت البدي بالبنطرون ولبست ستره
سوده وحذاء اسود (أدري ماكو بس اسود وأبيض😂) حطيت ميكب خفيف لان الكرايب كلهم راح يلتمون فكلت احط شويه احسن
من ما اروحلهم وجه جبار أبو المولده 😂 والشال بس حطيته على رأسي يعني ملفيته
علي. كاعد اني وأصدقائي بالكوفي وكلتلهم شنو رأيكم نلعب لعبه واللي يخسر يعزمنه على عشه
اللعبه هي أن نفر بطل ألمي واللي يصير البطل باتجاهه هو اللي يعزمنه
الشله. موافقين
علي. فريت البطل وصار باتجاه صديقي كاظم
كاظم. يعني هسه اني راح أعزمكم تردون بالبيت لو بالمطعم
علي والشله. بكيفك انت
كاظم. ماشي خلي نتعشه بالمطعم وتدللون
علي. طلعنه للمطعم وكل واحد طلب شكل واحد بيتزا و واحد شاورمه اني طلبت همبرجر ووياها ببسي
سرى. وصلت لبيت بيبيتي واني صارلي تقريب سنه مشايفتهم
والبيت جان كلش هوسه والدنيا جانت عصر والجو يخبل والولد كاعدين بالحديقه
ماما سلمت عليهم وباوستهم اني بس بوست جدي وخوالي، وبابا واخواني گعدو وياهم بالحديقه واني طبيت للبيت
واستلموني النسوان تبوس متت من التعب هلكد ما بوست آخر شي وصلت خالتي إيناس
إيناس. ولج شصايره تخبلين
سرى. فديتج خالتي انتي احلى
سهى. سرى بنيتي روحي كعدي ويا بنات خوالج بهذيج الغرفه
سرى.تمام ورحت سلمت على البنات وكعدنه نسولف
إيناس. سهى هاي بنتج صايره مره ماشاء الله
سهى. وينكو يمعوده بعدها زغيره
عذراء زوجه خالي حميد. ولج يا زغيره سنه الجايه زوجيها
سهى. لا عيني لا هيه بس هل بنيه عندي خل أشبع منها ومن تصير جبيره ازوجها
عذراء وايناس. هههه إنشاء الله
سرى. رحنا اني والبنات نساعد بتسوية العشه لان كالو مبقى وكت
ساعدتهم جانو مسوين هبيط (ثريد)وكالت ماما
سهى. سرى روحي صيحي واحد من الولد حتى يجي يأخذ الأكل
سرى. حاظر رحت وشفت ولد من وره كلتله عيني انت منو الواكف هنا تعال أخذ الاكل للزلم
التفت عليه وشفته لا معقوله هذا انت كلش متغير .....
أنت تقرأ
زواجي غصب عني
Romanceالقصه مشوقه جدأ تتكلم عن فتاه سافرت لغير محافظة حتى تكمل دراسه وتتخلص من ضلم اهلها وبعد متسافر تتزوج بشخص غصب عنها بسبب اتفاق بين ام العروس وأم العريس حتى يجمعون بين العائلتين اتمنى تنال اعجابكم ❤
