زواجي غصب عني

بارت 3

(بهذا البارت راح احچي بي بس عن سرى ويمكن حتى البارت القادم)

سرى، دخلت ماما للمطبخ وشافت صالح شايلني وانصدمت وصالح نزلني بسرعه

صالح، عمه لتفهميني غلط

سهى، ولك شنو لتفهميني غلط وانت شايل بنتي لو شايفكم احد چان انفضحنه

صالح، عمه اني احب سرى واريدها الي اريد اتزوجها ومعندي اي نيه موزينه اتجاهها

سهى، والله لو تموت سرى متصير الك

سرى، اني من سمعت ماما گالت هيچ گامت دموعي تنزل من وحدها

صالح، عمه سرى لو الي لو متصير لغيري

سهى، عمه العماك لو اني صدگ عمتك چان اجيت وگلتلي مو مثل الحراميه
سرى انتي حسابچ بالبيت هسه گدامي للسياره بسرعه😡

سرى، واني بس دموعي تنزل هزيت براسي بمعنى اي ورحت وياها من صعدنه بالسياره اني وماما بابا
گال
عمار ابو سرى، بنتي ليش تبچين شنو احد مزعلچ اني مجاوبت وردت عليه ماما

سهى، لا ماكو احد مزعلها بس كسرت ماعون واني عصبت عليها وگامت تبچي

عمار ابو سرى، يمعوده هوه ماعون هسه باچر اشتريلهم بداله عشره ميستاهل تبچي بنتي بسببه

سرى، اني ما احچي شي بس ابچي وبابا يحاول يسكتني لحد ماوصلنه للبيت

سهى، سرى لحگيني لغرفتچ عندي وياچ موضوع

سرى، من ماما گالت هيچ اني گلبي حسيته راح يوگف من الخوف مشيت وياها ورحت لغرفتي

سهى، سرى اكعدي على الچربايه واسمعيني زين وافهميني وما اريد اعيد حچيي مره ثانيه مفهوم

سرى، بس هزيت براسي بمعنى اي

سهى، اسمعيني بعد متخلصين السادس تتزوجين خالد ابن عمچ منذر فاهمه

سرى، من سمعت ماما هيچ گالت حسيت الدنيه وگفت وگلتلها ما اريده ماما الله يخليچ ما احبه ما اريده😭

سهى، شنو متريدي لازم هيه بكيفچ تتزوجي احسن مااگله لابوچ على عملتچ السوده

سرى، ماما الله يخليچ ما اريد اتزوج وهذا خالد كلش معقد والله اموت من اتزوجه

سهى، ما اريد اعتراض بس تخلصين السادس نزوجچ اله

سرى، اني بس ابچي ومصدومه صح من اني زغيره يگلولي انتي لخالد بس چنت ممصدگه انو يسووها
بعد مطلعت ماما اني گعدت بس ابچي وبعد ساعه طبيت سبحت ولبست دشداشه قصيره ونمت
گعدت احس راسي يريد ينفجر من الوجع ...

ممكن تدعموني وتضغطون عل نجمه 😘
332 كلمه