زواجي غصب عني

بارت 13

سرى، صبينه الغدا اني وماما وگعدنه نتغدا وما كو اي واحد طلع صوت ناكل بسكوت ماما قطعت السكوت وگالت

ام سرى، حيدوري يوم تگدر تروح للاسواق تتسوگلنه لان البيت مبي مسواگ

حيدر، اي حاضر اكمل الغدا واروح بس اكتبيلي الاشياء الي تريديها بورقه حتى ما انسى شي

ام سرى، ميخالف اكتبلك اياهن

سرى، حيدوري عادي اجي وياك

حيدر، اقبل يس بشروط

سرى، اي وشنو شروطك

حيدر، اول شي تسويلي چاي وثاني شي تبدلين بسرعه وثالث شي متبعدين من يمي

سرى، بس هاي

حيدر، اي بس هايه

سرى، اوكي موافقه بس بابا وماما انتو تقبلون

ابو سرى، حبيبتي مادام اخوج قبل يعني تكدرين تروحين واني مأمن عليج يمه

ام سرى، اي ماماتي نقبل بس لتبعدين من يم اخوج

سرى، ماشي الله يخليكم الي ورحت بوستهم بخدهم وماما گالت

ام سرى، سراوي روحي سوي چاي لابوج واخوج وروحي بدلي حتى متتأخرين واني الم المواعين

سرى، لا ماما انتي روحي گعدي واني الم المواعين واسوي چاي بسرعه اگدر الحگ

ام سرى، يمعوده هو مواعين سفري هسه كلهن الكحهن

سرى، ها اي ماشي
رحت سويت چاي وصبيت لبابا ولحيدر كملت وصعدت لغرفتي سبحت وفرچت سنوني وبدلت وتعطرت حطيت ميكب
خفيف بس حمره ورديه ومسكاره واحمر خدود خفيف لان اني من الاصل خدودي ورديه لبست هذا👇

نزلت لكيت حيدر مكمل گتله يالله كملت خل نرح

حيدر، امشي بس خوما ناسيه شي

سرى، لا مناسيه شي والورقه يمك

حيدر، اي هسه اخذتها من ماما انتي امشي اصعدي بالسياره بين ما افتح باب الگراج

سرى، حيدوري هيه الاسواق قريبه ليش منروح مشي

حيدر، ولج يا مشي الولد تارسين الشوارع ونسيتي تره المسوگ هوايه وين راح نحطه

سرى، اوكي ماشي
رحت صعدت گدام شويه واجه حيدر شغل السياره ومشينا وصلنه للاسواق نزلنه وحيدرگال

حيدر، تعالي انطيني ايدج

سرى، ليش

حيدر، شنو ليش الاسواق بيها ولد ما اريد احد يباوعلج

سرى، اوي فديت حبيبي الي يغار عليه

حيدر، امشي امشي غير اختي شلون ما اغار عليج

سرى، طبينه للاسواق اني وحيدر وطبعا واحد لازم ايد الثاني الي يشوفني يكول اخاف اضيع ولازمه ايد حيدر😂 واني طالعه
مثل بنته لان هوه ضخم و اطول مني
شفت واحد من وره بس هذا الشخص اني شايفته من قبل والعطر هذا اني هم شامته من قبل بس شنو من عطر ريحته تخبل مگلت لحيدر
لان گلت يجوز متوهمه رحت اخذت سله حتى احط بيها الاشياء الي نشتريها حيدر يدفع بالسله لان هيه من هايه الي بيها تايرات
واني احط بالغراض اخذت دجاج مجمد واجبان وخضراوات وبهارات وفواكه مخليت شي مشتريته بقت بس حلويات كلشي مشتريت منهن
رحت عل قسم الحلويات وچان الولد الي شفته اول مدخلنه للاسوق دياخذ حلويات اني بقيت بس اباوع عليه هو اندار وانصدمت
هذا ...

ممكن تضغطون عل نجمه⭐
البارت قصير لان عندي ضروف ومگدرت اكتب هواي انشاء الله البارت الجاي يكون اطول
البارت عباره عن 451 كلمه♥️