#ظـنـنـتـهـا_مـنـقـذتـي
#بقلمي_بتول_حسين Batoul Hussein
البارت الخامس (5)
———————————
مهند : عفتهم بهوستهم ورحت لغرفتي سبحت وبدلت ونمت وحلمت نفس البنية بس هاي المره البنية حجت وياي وذكرت الحلم كله
اول مره اجتني لزمت ايدي واخذتني فجأة اتغير مكاني وصرت بمكان كلش حلو وكالتلي اني احبك
ضليت مصدوم ماعرفت شنو اجاوب بس شوية وحجيت گتلها انتي منو جاوبت اني نور اني راح انور حياتك وفزيت واني اباوع للغرفة واتفحص خاف موجوده بلغرفة باوعت للساعة ب 3 ماگدرت ارجع انام ضليت ادرس وافكر بلبنية جانت قريبة مني كلش نور گالت اسمها نور بس ليش تجيني بلحلم معقولة هاي البنية ميته لو شنو راح اتخبل شنو جاي يصير وياي لل 5 ورجعت نمت وگعدت ب 7 الصبح بدلت وامي وامونه گاعدات من الصبح ههه لان بنت اماني بس تبجي رحت للمطبخ ام رقية جانت تسوي ريوك .. صباح الخير
ام رقية : صباح النور تريد تتريك قبلهم خاف تتأخر على دوامك
مهند : شنو جنتي بايتة عدنا
ام رقية : اي والله وليل كله سهرانين ويا ام ايناس
مهند : ههههه تدرين استغربت من گلتي ام ايناس هاي الخبلة صارت ام هههههه
ام رقية : ههههه لعد شناقصها الله يحفظها وتجيبلكم بعد ورده مثل ايناس ولو البارحة شلعت گلبي ههه
مهند : ههههه غير اهج من البيت بس تفكر مجرد تفكير تجيب هو هسه گلبو علية وراح ينسوني وتصير العزيزه
ام رقية : اتفضل اتريك .. لعد انت ليش مزوجت ههه
مهند : باوعتلها خجلت بسرعة دارت وجها ... وانتي ليش مزوجتي ؟
ام رقية : اني ازوجت واخذت نصيبي والحمدلله عندي اهم شي بنتي
مهند : لا مو نصيبج لو نصيبج ضل وياج اذا اجتج الفرصة استغليها بعدج زغيره ومناقصج شي وبعدين انتي ليش مدرسين
ام رقية : مكملت السادس اعدادي جنت گلش احب الدراسة بس ترگت لان زوجي الله يرحمة مقبل
مهند : وانتي گلتيها الله يرحمة رجعي لحياتج وعيشي لا دفنين احلامج وياه
ام رقية : شنو قصدك !!
مهند : رجعي درسي خارجي عادي واذا تريدين اني اساعدج
ام رقية : وراح اگدر
مهند : انتي تحبين الدراسة ومبين بعدج عندج حلم تريدين تحققي بس خوفج ميخليج تتقدمين باعي علية اذا تضلين بهذا خوفج راح تضلين لا شيء خلي عندج اصرار وهدف وحلم واهم شي الاصرار وراح توصلين صدكي وراح تحققين شي لنفسج ولبنتج وألف واحد يتمناج واهم من كلشي الشخص المقابل مراح ينضرلج انو انتي ضعيفة لا لا راح يشوفج وحده طموحة ومثابره مثل ميكولون فكري بكلامي ومستعد اساعدج ومبينة ذكية انتي وهسة اترخص راح أتاخر
أنت تقرأ
ظـنـنـتـهـا مـنـقـذتـي
Mystery / Thrillerمهند شاب انيق وسيم حياته مستقره وحلوه لكن فجأة وبدون سابق انذار يترك عقله ثم دينه ثم قلبه ثم ضياع نفسه تابعو القصة وياي وخلينا ندخل لبيت مهند ونتعرف عليه وعلى عائلته وعلى الظل الملاحقة ودمر حياته وراح يگدر يرجع عقله وگلبه ونفسه واستقرار حياته او لا...
