#ظـنـنـتـهـا_مـنـقـذتـي
#بقلمي_بتول_حسين Batoul Hussein
البارت الثالث (3)
———————————
نرجس 💔
حاسبني ،
اذا تلگه مكان بروحي ما يهواك ...
————————————————
مهند : مره ضليت سهران وياها ساعة ب 2 نمت وحلمت نفس الحلم وفزيت وبس صورت البنية العجبتني بلطياره اذكرها وجانت تخزرني ياربي راح اتخبل ليش هذا الحلم ملازمني وليش ماذكر بس شي قليل راح اتخبل باوعت للساعة جانت ب 4 گمت توضيت وصليت ورجعت نمت گعدتني امي ب 7 علمود الدوام
ام مهند : مهند گوم راح تتأخر
مهند : ما اداوم اليوم
ام مهند : ليش مريض
مهند : لا مابية شي بس تعبان اريد انام
ام مهند : براحتك راح اروح للدوام اني
مهند : ماشي .. راحت امي ورجعت نمت وهم حلمت نفس الحلم بس هم مذكرت منه غير البنية وجانت تبتسم گعدت واني ضايج كلش وجان الجهاز يدك
هشام رديت الو
هشام : الو ها اليوم ماكو خيرك
مهند : ماكو شي والله بس تعبان ومنايم ومگدرت اداوم شكو ماكو
هشام : ماكو شي بس اكو ناس يدورون عليك ههههه
مهند : هشام ماعندي واهس كلش والله مو وگت سوالفك هاي
هشام : ماشي يله باي راح عندي محاضر
مهند : باي
سديته وگمت غسلت وبدلت وقفلت البيت وطلعت اتريك برا
جنت گاعد بلمطعم واكو عائلة گاعدين مقابيلي ممنتبه زين لان جنت ضايج كلش ودايخ من شغلة هذا الحلم رفعت عيوني فجأة ولمحت نفس البنية تباوع عليه ثواني درت وجهي ورجعت باوعت شنو اني احلم ماكو البنية صحيح اكو بنت گاعده كبالي بس غير شكل معقولة اتخيل دخت اكثر
طلعت ورجعت للبيت اتصلت على نرجس مترد
رجعت اتصلت 5 مرات وماكو مترد معقولة لحد الان بلكلية اليوم ماكو محاضرات هواي ضليت اتصفح بلجهاز ساعة ورجعت نمت وگعدت ب 5 العصر على صوت امي
ام مهند : يمه مهند خوفتني عليك اليوم بس نايم خاف مريض ومتگول
مهند : ها لا يمه والله مو مريض وطلعت تريكت ورجعت للبيت
ام مهند : گوم تغده لعد وامونه هنا هم
مهند : اي هسة اجي وراج ... اخذت الجهاز ماكو ولا مكالمه شنو زعلانة نرجس لان مكتلها مراح اداوم
تركت الجهاز وگمت غسلت وجهي ودخلت للمطبخ سحبت كرسي وگعدت يمه لعد امونه وين
ام مهند : راحت تگعد ابوك خطيه اجه تعبان ونام بدون غده
اماني : اني اجيت هههه
أنت تقرأ
ظـنـنـتـهـا مـنـقـذتـي
Mistério / Suspenseمهند شاب انيق وسيم حياته مستقره وحلوه لكن فجأة وبدون سابق انذار يترك عقله ثم دينه ثم قلبه ثم ضياع نفسه تابعو القصة وياي وخلينا ندخل لبيت مهند ونتعرف عليه وعلى عائلته وعلى الظل الملاحقة ودمر حياته وراح يگدر يرجع عقله وگلبه ونفسه واستقرار حياته او لا...
