ظـنـنـتـهـا مـنـقـذتـي

البارت الثاني (2)

#ظـنـنـتـهـا_مـنـقـذتـي

#بقلمي_بتول_حسين Batoul Hussein

#البارت_الثاني (2)

—————————————————

مهند : مشيت وتبعت الصوت رحت للمطبخ شفت ام محمود گاعده بلكاع وتبجي وتلطم وتعيط وامي لازمتها .. شنو صاير يمه؟؟؟

ام مهند : ابنها مسوي حادث وتكول مات

مهند : بعدها امي تحجي وياي وام محمود فقدت شلتها بسرعة لسيارتي واخذتها للمستشفى وامي وياي وكالتلي اخذها للمستشفى البيها ابنها وهناك اهلها وعمام الولد لان ابوه متوفي وعمامه كلمن بحاله ميسئلون عليهم ولا يجونهم بس اهلها لأم محمود زينين شويه ويساعدوها مرات بس نفسها عزيزه كلش ومعتمده على نفسها
اخذتها للمستشفى اول مدخلنا اخذوها رحت ادور على اخوتها صارت بتها كبالي اشرد ألها واجتي

ورد : ها

مهند : اخوج شصار ويا

ورد : مات

مهند : الله يرحمه صيري قويه وامج من عرفت تخربطت وجبتها لهنا تعالي اخذج يمها واروح ويا عمامج

ورد : الله عليك ماما بيها شي

مهند : فقدت الوعي وهسه نعرف شبيها بس انشالله ماكو شي .. اخذتها ورجعت لكيت امي منهاره وتبجي

ام مهند : سوده عليه لج ورد وين جانت مضمومتلج هاي اخوج وامج بيوم واحد لج ماتحملت امج الخبر گلبها وكف

مهند : ضليت مصدوم ممعقوله جانت بس فاقده الوعي

ورد : لا خاله ماما مستحيل تعوفني عفيه لا تكولين هيج خلي اروح اشوفها اكيد غلطانين ماما متعوفني والله خاله تحبني ومستحيل تعوفني

مهند : خطيه كلش انقهرت عليها دخلت للغرفة وتحجي ويا امها وتگعدها وممصدكة ماتحملت اضل رحت لخوها كتله وخابرت ابوية اجه وطلعنا للنجف بليل اخدناهم ابنها عمره 12 سنه بس كلش وكح وميكعد دوم جانت تكول شالع گلبي شوكت يكبر ويعيني تاليها راح وراحت وراه كلش اتأثرت بموت ام محمود لان من جنت طفل وهيا موجوده ويانا ومعودين عليها بيتها مو كلش بعيد عن بيتنا
دفناهم ورجعنا اباوع لابوية كلش مقهور وامي اكثر منا نمنا الفجر وگعدنا ب 8 رجعنا للفاتحة وكفنا وياهم 3 ايام الفاتحة
واجلنا سالفة السفر وبعد اسبوع على وفاة ام محمود گاعدين الصبح نتريك اندكت الباب طلعت فتحتها

ورد : صباح الخير

مهند : استغربت جيتها معقولة تقبل تشتغل بمكان امها الله يرحمها وهيه مناقصها شي ودارسة ؟!
صباح النور اتفضلي

ورد : ابوك موجود مو

مهند : اي گاعدين نتريك تفضلي ... دخلت للمطبخ وسحبت كرسي وگعدت ويانا بس مقبلت تاكل