اعتذر لان منزلت البارحة بس والله العظيم قبل التنزيل خلص الاشتراك وهسه جددت
#ظننتها_منقذتي
#بقلمي_بتول_حسين
#البارت_التاسع (9)
________________________
ستؤمن بي وستُلحد بهُن ، انا توبتُك وهُن الذنوب .
________________________
مهند : ماعرف ليش رغم حبي لنور خفت من عصبيتها هاي اجاني احساس غريب حسيت داخلها خبث وشر مو نور الحبيتها وحبيت برائتها
اماني : گعدت اني وعذراء واباوع على مهند من بعيد ماعرف شبي وصافن وضايج بس صافن على عذراء ضليت اسولف اني وعذراء نص ساعة يمكن وبعدها اجه مهند بأتجاهنا
مهند : نور متحركت من مكانها ضلت واكفة واني ضليت اباوع عليها منتظر شنو راح تسوي كلش ضجت من تصرفها حسيت اني لا شيء وهيه متحكمة بكلشي وتمشي حياتي على مزاجها گمت من مكاني ورحت للمكان الكاعده بي اماني وصديقتها عذراء ... مرحبا
عذراء : مراحب
اماني : عذراء مهند جابني وماراد يزعجنا گعد بعيد عنا واجه لان اتأخرت عليه
عذراء : اهلاً بيك ... اني هم اتأخرت اتشرفت بمعرفتكم
مهند : ألنا الشرف واعتذر اذا ازعجتكم بس اريد ارجع امونه واروح لصديقي اتصل عليه غير مره انشالله هم اخليها تشوفج
عذراء : انشالله
اماني : باي ... مشيت ويا منهد بس مبين عصبي ماعرف ليش ماحبيت اسئله هسة بعدين اعرف شبي
مهند : بلضبط مثل متخيلتها من كلامها وهدوئها جانت لابسه فستان ماروني ومحجبة وملامحها كلش حلوه ومن اباوع بعيونها احس بأمان ... وديت اماني لبيتها ورجعت للبيت دخلت لغرفتي بدلت بس لزمت الجهاز طلعت نور بوجهي واخذت الجهاز من ايدي جانت اول مره تلمسني حسيتها شخص حقيقي
نور : مهند شنو معنى الشي السويته اليوم ؟؟
مهند : ليش متفسرين السويتيه انتي نور صرتي تتحكمين حتى بواقعي مو بس بحلمي ... جنت كلش عصبي وحجيت وياها بصوت عالي حسيت نظراتها نظرات شخص ما اعرفة ما اچذب خفت من نظرتها وما حسيت غير باب الغرفة اندكت ونفتحت ام رقية ضلت تباوع بلغرفة وتباوع عليه بتعجب
ام رقية : مهند خير ليش تصيح بصوت عالي ويا منو تتعارك
مهند : شلت الجهاز من الميز وگتلها بتوتر ها جنت احجي مكالمة وما انتبهت
ام رقية : اها اسفة لعد اخذ راحتك
مهند : طلعت وسدت الباب ونور واكفة مكتفة ايدها وتباوع ومعاجبها الوضع .... نور نوررررر نووووررر
وتالي وياج گاعد تحسسيني انو انتي زوجتي
أنت تقرأ
ظـنـنـتـهـا مـنـقـذتـي
Mystery / Thrillerمهند شاب انيق وسيم حياته مستقره وحلوه لكن فجأة وبدون سابق انذار يترك عقله ثم دينه ثم قلبه ثم ضياع نفسه تابعو القصة وياي وخلينا ندخل لبيت مهند ونتعرف عليه وعلى عائلته وعلى الظل الملاحقة ودمر حياته وراح يگدر يرجع عقله وگلبه ونفسه واستقرار حياته او لا...
