ظـنـنـتـهـا مـنـقـذتـي

البارت السادس (6)

ظننتها منقذتي

بقلمي بتول حسين

البارت السادس (6)

_________________________

لن ينجح هذا صدّقني؛ أنا أتعبني الغُفران، وأنت تبدو كمن لم يكتفي بعد من الخطايا.

__________________________

اماني : حبيت سيف من جنت سادس اعدادي جان هواي يجي لبيتنا علمود اخوية مهند صارت بينا نظرات وبعدها اعترفلي انو يحبني وراح يدز امه تخطبني واني انطيته موافقتي وبعد اسبوع دز امه وصارت الخطوبه ضلينا سنه مخطوبين كلش يحبني ويحترمني بس سيف مشكلته كل فتره اكتشف عنده علاقه صح يصير بينا خلاف بس نرجع ونتصالح جان يكون صداقات ويا بنات هواي هو يكول صديقاتي اني اكوله ماكو صداقة بين بنت وولد بس اني من اشوف جهازه جان صدك مابي شي يدل انو يحب وحده غيري مجرد كلام عادي بس اني ما اقبل اغار عليه كلش
تزوجنا ودخلت الجامعة وزادت المشاكل هو هم يغار عليه كلش وميقبل حتى اسلم على ولد او ارد السلام وهو ضحك وسوالف بلجامعة ويا البنات من عرفت نفسي حامل تركت المشاكل وبعد مدورت وراه لان تعبت بس من جبت وضليت بيت اهلي سيف يجي بس احسه ممهتم ألية ولا لبنته وابد معجبني كلامه وشقاه ويا ام رقية ضجت كلش مخلالي احترام كدام اهلي وثگلت وجهي على ام رقية ومن انتقلت يمنا ضجت بعد اكثر اجه كم دقيقة للغرفة وترخص من ابوي وامي وطلع على اساس يروح للبيت من طلع كم دقيقة وطلعت  وراه شفته دخل لبيت ام رقية واني ماگدر اوكف هواي بسبب الولاده رجعت لغرفتي گلت احتمال راح يكولها محتاجة شي قبل ما اروح مجامله او لان شافها وحدها وماعدها احد يساعدها جنت اشتعل نار واطفي بنفسي وادور اعذار ما اعرف ليش رجعت طلعت بعد نص ساعة ورحت لبيت ام رقية بعدني مدگيت الباب واسمع الضحك وصوته كلش عالي دگيت الباب حيل فتحت الباب هيه

ام رقية : ام ايناس اهلاً اتفضلي ابو ايناس يمنا

اماني : ردت اتعارك وياها بس جان شكلها عادي ومثل الضايجة يعني لا متوتره ولا شي يدل عدها شي وياه دخلت وگدامها حجيت
سيف انت متستحي گاعد هنا راح يصير ساعة من طلعت گلت راجع للبيت اليشوفك شيگول على البنية بيت وحدكم انت وياها

سيف : منو الميستحي شو متعرفين تحجين امها موجوده

اماني : وينها امها بلغرفة واعتقد نايمة سيف اطلع واذا شفتك هنا مره ثانيه ابد مراح يصير خير استحي شوية البنية لا اختك ولا تقربلك شي ولا عندك اي صله بيها شلون تسمح لنفسك گاعد هيج بيتها وحدكم اعذريني ام رقية اعرفج كلش زين اني بس اذا اي شخص شافكم راح يحجي عليكم وعلى اهلي

سيف : حسابج بعدين الظاهر يرادلج واحد يعيد تربيتج طولان لسانج

ام رقية : ابو ايناس ما اريدك تزعل كلام زوجتك صحيح واني استحيت اكولك من البارحة ردت احجي وستحيت اني اذا احتاج شي يمي ام مهند وابو مهند انت مقصرت ومشكور