#ظـنـنـتـهـا_مـنـقـذتـي
#بقلمي_بتول_حسين Batoul Hussein
البارت الرابع (4)
———————————
طولت خلگي وياك چي مستعز بيك..💔
————————————————
نرجس : الو
مهند : الو شلونج ليش هيج اختفيتي ضل بالي يمج
نرجس : مهند هذا الاسبوع راح نسافر
مهند : ليش
نرجس : نستقر هناك اخوي باع كلشي وراح نسافر لان عمامي زودوها كلش عبالهم استسلم وازوج ابن عمي
مهند : نرجس ميگدر يسون شي اكو قانون بيا زمن احنا وينهي عليج ليش انتي جبانة
نرجس : ماريد مشاكل بس اخوي ضل أليه وماريد اخسره
مهند : هاي ثاني مره تتخلين عني بسهولة نرجس
نرجس : ماريد اصير انانية واورطك انت واهلك بمشاكل حتى دراستي تركتها هناك محد يگدر يسوي شي ولا اكو مشاكل نأسس حياتنا من جديد
مهند : واني
نرجس : الله يسعدك ويعوضك احسن مني وتستاهلك وسامحني والله لمصلحتك هيج سويت عمامي لا تشوفهم واصلين ودارسين بس بعدهم على عادات قبل ميهتمون للقانون كله بلعشائر
مهند : الله يسعدج مسامحج ديري بالج على نفسج
نرجس : وانت هم دير بالك على نفسك باي
مهند : الله وياج ... سديته وشردت من التفكير للنوم
حاولت انام مگدرت حيل مقهور منها جبانة گتلها اني وياج وماعوفج بسرعة استسلمت وتخلت عني وعن مستقبلها نمت بعد تفكير طويل ومرت الايام متشابها وخلصت العطلة ورجعنا داومنا حاولت انساها ووفكرت بس بدراستي بس بنت عمها اكثر من مره راسلتني تسئل عليه وحاولت تتقرب مني حتى بلكلية ومنطيتها مجال ومره رجعت من الدوام وشفت بنية غريبة بيتنا استغربت البنية مو جبيره مبينة بالثلاثينات وامي موجوده وتحجي وياها بلمطبخ
دخلت لامطبخ وسلمت السلام عليكم
ام مهند : وعليكم السلام تعال يمه تتغده
مهند : شنو خطار عندج اليوم
ام مهند : لا يمه هاي ام رقية راح تساعدني بلبيت منا وجاي
مهند : صفنت وسكتت اعرف هسة ابوي ميقبل لان البنية زغيره شعجب امي جابتها وتعرف ابوي رافض هذا الشي
ام مهند : ها يمه شو صفنت
مهند : ها تعبان يمه اروح اغسل وابدل واجي اتغده
ام رقية : اني اترخص اروح اكمل شغلي
ام مهند : براحتج حبيبتي
أنت تقرأ
ظـنـنـتـهـا مـنـقـذتـي
Mystery / Thrillerمهند شاب انيق وسيم حياته مستقره وحلوه لكن فجأة وبدون سابق انذار يترك عقله ثم دينه ثم قلبه ثم ضياع نفسه تابعو القصة وياي وخلينا ندخل لبيت مهند ونتعرف عليه وعلى عائلته وعلى الظل الملاحقة ودمر حياته وراح يگدر يرجع عقله وگلبه ونفسه واستقرار حياته او لا...
