#ظننتها_منقذتي
#بقلمي_بتول_حسين
البارت الثامن (8)
____________
اماني : بعدني احجي ودك جهازه انتبهت الاسم ام رقية ضليت صافنة ضاع الحجي گلة هو ضل يباوع عليه وعلى الجهاز گتلة رد بسرعة وافتح السماعة
سيف : مو هيه والله
اماني : سيف رد
سيف : هاي زينب بنت عمي شبيج مو تعرفين كاتب ام رقية
اماني : رد وسمعت صدك صوت بنت عمه جان عدها مشكلة ويا زوجها وخابرته تريده يروح ياخذها
سيف : لو عندي شي صدك مجان اجيت واعتذرت منج تعرفين كلش زين رغم سوالفي بس انتي بگلبي
اماني : انت لا خليت ثقة بينا ولا احترام بهاي سوالفك وهاي اخر مره انطيك فرصة وبكيفك اذا تريد تستغل الفرصة وتتراجع عن هاي سوالفك او تريد ادمر بيتك
سيف : انشالله ميدمر شي راح اروح لزينب اخذ اخوها واروح لان ميقبل يروحلها خطية من ارجع امر اخذج خوش
اماني : ماشي
مهند : سيف من راح لامونه گعدت بلهول خاف يتعاركون شوية وطلع درت وجهي عنه مع الاسف خذلني مجنت اعتقد هيج بيوم يسوي ماخله احترام أليه ولا لابوية
واربع اشهر زوجته وبنته يمنا مافكر يجي يشوفهن او يعتذر هسه يله ذكرهن والله لو مو حرام وعلمود هاي الطلفة جان مخليت امونه ترجع وياه انشالله بعد ميسوي شي ويرجع لعقله طلع هو واهله ورجع ابوية حجه ويا امونه وكالتله ارجع
اماني : ام رقية اجتي يمي بعد مراح سيف وضلينا نحجي ونعزل بلملابس وشغلات انوسه لليل اجه سيف ورجعت لبيتي دخلت لغرفتي رتبتها وخليت جرباية انوسه بيها ونومتها وسيف جان گاعد بلهول محجيت ويا شي طلعت للمطبخ جان كلش هوسه ومواعين وصخة هواي نظفته وغسلت المواعين دخل سيف للمطبخ سحب كرسي وگعد اني اشتغل بدون ما اباوع عليه
سيف : امونه
اماني : ها
سيف : بعدج زعلانه
اماني : انت شنو تشوف
سيف : مشتاقلج
اماني : ااي واضح
سيف : شنو ممصدكه
اماني : شنو تريد عشه
سيف : اني راح اروح اجيب عشه من برا كملي تنظيف
اماني : براحتك ... طلع وهو ضايج كلش بس لازم هيج اسوي علمود من يريد يغلط مره ثانيه يفكر ألف مره قبل ميغلط دك جهازي غسلت ايدي وشلته عذراء طبعاً هاي البنية اتعرفت عليها بمواقع التواصل من جنت بيت اهلي صار 3 اشهر خوش بنيه ععلاقتنا صارت كلش قوية وكلشي اسولفلها وتسولفلي واتفقنا نطلع اني وياها هيه هم من بغداد
أنت تقرأ
ظـنـنـتـهـا مـنـقـذتـي
Mystery / Thrillerمهند شاب انيق وسيم حياته مستقره وحلوه لكن فجأة وبدون سابق انذار يترك عقله ثم دينه ثم قلبه ثم ضياع نفسه تابعو القصة وياي وخلينا ندخل لبيت مهند ونتعرف عليه وعلى عائلته وعلى الظل الملاحقة ودمر حياته وراح يگدر يرجع عقله وگلبه ونفسه واستقرار حياته او لا...
