الرجل الغامض بسلامته

الثاني

ح٢

مرام كانت فالكرفان وبتتفرج على الفساتين وهى بتتخيل نفسها  وهى لابسة كل فستان شوية ..

مرام : يا سلام عليكى  يا بت يا ميرو لو تبقى واحدة من دول ياااه ... ايه الفساتين دى .. طب ولله انا خسارة فالشغلانة دى .. بقى المعصعصين دول يتشهروا كده وانا لأ .. طب انا احلا منهم .. اوووف الصبر .. ايوه انا لازم اصبر وكله يهون عشان عيون هارون .... الله دا انا بقيت بقول شعر ..

دخلت واحدة وقالت
-: ايه ده شو  عمتعملى هون ؟

مرام : اا انا .. اناااا.. انا ... انا مش عارفنى انا تهت منى انا مش أنا اااا

-: شو ما بفهم عليكى ..

مرام : لا دى ملامحى ولا شكلى شكلى ولا ده أنا ..

-: انتى عبيطة ..

مرام: هههه لا بصي انا عاوزة اتكلم معاكى كده يمكن اصعب عليكى وتشغلينى مكانك وتروحى انتى مع عم سعيد

-: أنقلعى والا بنادى عليكى الامن بيخرجوكى من هون

-: طيب هنقلع جتك الارف فى حلاوتك .. انتم بتاكلو ايه ؟

-: يا أمن .. يا أمن

-؛ شش اسكتى انا ماشية

مرام خرجت وراحت لعم سعيد الى كان قاعد مستنيها وقال
-: انتى يا بنتى هتشيلينى مش قولتلك متتأخريش

-: جرا ايه يا عم سعيد انت اصلا مشلول لوحدك متجبش السبب عندى

سعيد: اتاخرتى ليه كل ده بتعملى ايه قوليلى ..

مرام: مفيش انا كنت فى مشوار كده خلصته وجتلك ها قولى بقى عاوز حاجة ؟

سعيد : اعملى تلاتة شاى  واتنين عصير فرش وواحد قهوة مظبوط

-: ايه كل ده هو انا هقطع نفسي بص انا هعمل العصير الاول واشربلى كوباية اهدى اعصابى وبعدين ابقى اعمل الشاى والقهوة

سعيد: وهى الناس هتستناكى

-: اه يستنوا هو يعنى خلاص الدنيا هتطير ما هما  قاعدين فالتكييف وسايبنا احنا كده قدام البوتجاز فالحر

مرام : بس احنا فى نوفمبر  والحر خلاص راح

-: ايه فهمك انت انا بتحر كمان  فى عز يناير  ..

سعيد : طب يلا اعملى الطلبات دى ووصليها للموظفين

مرام: لأ انا صوابعى وجعانى ومش قادرة ..

سعيد : انا راجل كبير ويومين كمان وهموت من الغيظ

مرام : هههه حلوة الموتة دى وجديدة محدش ماتها قبل كده ..

سعيد اتغاظ وبصلها من فوق لتحت وقال
-طيب .. انا هروح لهارون بيه وشتكيله منك واخليه يمشيكى كمان هه