الرجل الغامض بسلامته

السابع

ح ٧

مرام: انا عندى تخلف عقلى يا جزمة من غير رباط

رجب: طب وليه الغلط ده دا انا كنت هموتك بكرامتك واقرالك الفاتحة كمان

مرام: ده انا الى هبحتر كرامتك دلوقتى وهلم عليها النمل دا انت راجل سمج صحيح

البوص: بس انتى وهو .. اسكت انت يا رجب قوليلى يا غرام انتى تقربى ايه لهارون

مرام: مرام .. اسمى مرام .. اا انا بصراحة بشتغل ساعى عنده فالشركة.

البوص: يادى النيلة هو انت يا ابنى مش قولتلى انها خطبته وبنهم مواعيد ولفلفة

مرام: كان نفسي اقولك اه .. بس ده حب من طرف تالت

البوص: طرف تالت دا الى هو ازى

رجب: اقتلها يا معلمى واهو نبقى خلصنا من لسانها.

البوص: اخرس ياد لما نسمع حكايتها الاول .

مرام قعدت وحطت رجل على رجل وبدأت تحكى للبوص ازاى اشتغلت فالشركة مع هارون ...
---

ونسبهم ونروح عند جميلة الى كانت قاعدة بتاخد تان وسعد كان بيحفر فى الرملة جميلة قالت
-: ها لقيت حاجة عندك

سعد : اا انا بحفر اهوه بقالى ساعة لغاية ما خلاص تعبت

-: دور كده يمكن نلاقى ميه نشربها ولا حتى ارنب نشويه

-: اده استنى انا شكلى لقيت حاجة .

جميلة: ها طلع بسرعة وورينى .

سعد طلع صندوق وقال
-: الصندوق ده شكل فيه كنز ياااه اخيرا لقيت الكنز المفقود ..

جميلة : كنز ايه الى مفقود جاتك نيلة ارمى البتاع ده وكمل حفر .

سعد فتح الصندوق واتفاجأ لما لقا مجوهرات كتير وكمان مراية باين عليها انها سحرية

سعد : تعالى شوفى انا لقيت ايه فالصندوق .. احنا شكلنا خلاص هنحقق كل الى نفسنا فيه

جميلة مسكت المراية وقالت
-: تكنش دى مراية أرض الجنيات الى بتحقق الاحلام

سعد : احلام .. طب انا عاوز اتجوز سميرة الخطيرة

جميلة : هو انت ناقص خطر يا عبيط  اسكت متسمعيش كلامه يا مرايا .. بصي انا بتمنى ابنى هارون يتجوز مرام

سعد : هاتى مرايتى انا الى لقيت الكنز الاول

جميلة : لا بص خد الكنز وسبلى المراية محتاجة شوية طلبات منها ..

سعد: مليش دعوة انا عاوز مرايتى .

المراية وقعت فالأرض واتكسرت طلع منها عفريت وقال
-: فى ايه فى ليلتكم السودا دى انا مش عارف أنام.

جميلة: اوه ماى جاد ده طلع عفريت بجد.

سعد مستحملش ووقع فالأرض أغما عليه..
-:تعاليلى يامااااا.