الرجل الغامض بسلامته

السادس

ح ٦

فى الطيارة ..

هارون اتفاجأ لما شاف مرام جاية بدال مها
-: ايه ده انتى ايه الى جابك هنا .

مرام قعدت وقالت: مفيش مها كانت تعبانة وانا جيت بدالها

هارون: ازاى تعمل كده من غير ما تقولى

مرام: احكيلى بقى شرم شكلها ايه هه فيها بحر صح

هارون: لا ترعة .. ياريت بقى تسكتى عشان فى شغل مهم هراجعه مع نيرة قبل ما نوصل ..

نيرة جت وقالت
-: فيكى تنقلعى من هون .. هاد مكانى

مرام: انا يتقلى انقلع ماشي يا هارون بكرة تندم ..

مرام سابتهم وراحت قعدت على كرسي بعيد وكانت متغاظة وهى شيفاهم بيضحكوا وفجأة لقيت واحد جه قعد جنبها
مرام: ايه يا عم ده مش تحاسب

جميلة: شش بس انا جميلة مامت هارون

مرام اتفاجأت لما لقيت جميلة لابسة لبس راجل وقالت
-: ايه جوجو ده انتى لابسة كده ليه

جميلة: تمويه عشان هارون ميشوفنيش .. هى مش دى البت الى بيقولوا عليها اسمها نيرة حاتم ..

مرام بغيظ: ايوه هى... شوفتى يا طنط بيضحكلها ازاى ويجى عندى يضرب بوز ..

جميلة: على ايه ده حتى البت دى كده مش حلوة ..

مرام: لا ما هو ميتوصاش اعمى القلب والنظر كمان  .. اووف طب يارب الطيارة تقع بينا هه

قاطعهم صوت الطيار الى قال
-: للاسف حصل عطل فى المحرك ومضطرين ننزل فى اقرب مكان .

جميلة: عجبك كده اهو الطيارة عطلت ، هنعمل ايه دلوقتى

مرام: الله يعنى انا دعوتى مستجابة .. طب يارب نيرة تتسخط قردة

جميلة كتمت بقها بسرعة وقالت
-: اسكتى يخربيتك هتموتينا ..

نيرة: هارون فيك تلحقنى انا راح انط بالبارشوت

هارون: باراشوت ايه لا طبعا

مرام: شوفتى دى عوزاه ينط وراها ..

جميلة: اسكتى بقى انا مش عاوزة هارون ياخد باله ويشوفنى ..

وبعد وقت الطيارة نزلت بسلام والطيار وقف وقال
-: للاسف احنا مضطرين نمشي الاتنين كيلو دول على رجلينا

جميلة : منك لله يا مرام همشي ازاى انا دلوقتى ده انا مفاصلى بايظة

مرام: ما تروحى لابنك الى ماسك ايد السنيورة دى وخليه يشيلك

جميلة : ما هو ميعرفش ان انا جيت اووف .. هعمل ايه انا دلوقتى ..

هارون كان ماشي مع نيرة وكمان سيف مع سمر وجميلة لقيت واحد معدى سايق بيتش باجى ركبت معاه وسابتهم ومشيت