الرجل الغامض بسلامته

الخامس

ح٥

مرام بكذب : هارون ده بيموت فيه ده حبنى كده من اول نظرة

جميلة: انتى متأكده انك بتحكى عن هارون ابنى!

مرام: اه هارون حبيبى ابو عيالى

جميلة : هو انتم كمان عندكم عيال

مرام: بصراحة يا طنط هو متجوزنى عرفى ومحدش يعرف .. الا سبعة تسعة كده من اصحابنا ..

جميلة:  كده يا هارون وانا الى كنت فكراك عاقل متعملش كده

مرام: بقولك ايه يا طنط متقوليش انى حاكتلك حاجة هارون ممكن يشلوحنى

جميلة : لا متقلقيش مش هقوله .. بس ناويين تعلنوا جوازكم امتى .. انا عاوزة افرح واشوف اولادكم

مرام: بب بصراحة هارون مأجل الموضوع فترة كده.

مها جت وقالت
-: هارون بيه بعتنى وقالى اقعد معاكم لغاية ما يرجع .. ها تحبى تشربى ايه ياطنط

مرام قربت من جميلة قالت
-: خلى بالك يا حماتى البنت دى عينها من هارون وحاولت تفرق بنا كتير .. رغم انها متجوزة

جميلة بصت لمها من فوق لتحت وقالت: مش عاوزين حاجة .. ياريت بقى تروحى تشوفى شغلك.

----
وعند سمر الى كانت واقفة قدام الشركة الى وقفها واحد من الامن وقالت
-:وسع كده يا عم دخلنى

الامن: بطاقتك يا انسة ولا يا مدام انتى

-: مدام فى عينك اما راجل اعمى صحيح ..

-:ممنوع تدخلى الشركة انتى مفكرة نفسك داخلة فين حديقة الحيوانات

سمر بغيظ: يارب ينطحك طور ..

صبرى مسكها من هدومها وقال
-: ايه بتقولى ايه

سمر : احم مين طفا النور .. ما هو لو مدخلتنيش دلوقتى انا هفتحلك نافوخك ..

الامن: بردو مش هدخلك هه

جه واحد تانى من الامن وقال : فى ايه يا صبرى مالها البنت دى

صبرى : بلاوى بتتحدف علينا قال ايه سيف بيه هيشغل دى عنده سكرتيرة

رد عليه محمد وقال: ههههه لا قول كلام غير ده يا راجل ، دا انا مشغلهاش عندى مساحة جزم.

سمر: لا بقى انتم كمان بتتريقوا عليه طب انا هنادى لسيف يا سيييف

جه سيف وقال
-: في ايه انا سامع الصوت من مكتبى .. سمر انتى اتأخرتى كده ليه !

سمر: انا هنا بقالى اكتر من ساعة والحيوان ده مش راضى يدخلنى وكان عاوز البطاقة

سيف اتعصب وقال: مين ده الى عمل معاكى كده ..

صبرى : مم مش انا ده محمد

محمد: اه يا ندل طب ايه رأيك بقى ان صبرى شتمها كمان ..