الرجل الغامض بسلامته

الرابع

ح٤

فى عربية سيف وكان معاه مرام وسمر ..

سيف: هو انتم كنتم جايين الشركة متاخر كده ليه هه

سمر: بصراحة يعنى اصل انا ومرام طول عمرنا بنحلم نشتغل عارضات ازياء

مرام :انا بس الى طول عمرى بحلم هى جت متاخر

سيف: بس تصدقى انه يليق عليكى جدا

سمر: ايه ده بجد... انا كان قلبى حاسس ده ماما ديما كانت بتقولى يا بت يا سمر انتى تنفعى موزيعة

مرام: اه بامارة الاسطى عبده المكانيكى الى كنتى شغالة معاه بلية

سمر : متصدقهاش ده مرام بتهزر

سيف: ايوه مين عبده بقى

سمر: سيبك منها متاخدش على كلامها يعنى ينفع تشغلنى معاك!

مرام: شش اسكتى هو اكيد يقصدنى انا صح انا اصلا مولودة عشان اكون موديل

سيف اتجاهل مرام الى اتغاظت وبص لسمر وقال : ايه رايك تشتغلى معايا

سمر: اا اه بصراحة كده انا بقالى فترة بدور على وظيفة ومش لاقية

مرام : ايه ده هو مش كنتى لسه قيلالى انك اشتغلتى مع عم محمود بتاع الحلاوة

سمر : يا سكر .. لا ما انا سبته خلاص

سيف وقف بالعربية وكلهم نزلوا وسيف قال
سيف: انا بدور على سكرتيرة تمسكلى شغلى ايه رايك

سمر: موافقة طبعا هى دى محتاجة كلام

مرام: طب ما تسيبك منها وتاخدنى انا انا عندى خبرة عميقة حتى اسال عم سعيد

سمر: سيبك منها ها هستلم الشغل امتى .

سيف: من النهاردة لو حبيتى

مرام : النهاردة اجازة على فكرة مش هينفع

سمر : بسيطة من بدرى هكون عندك فالشركة ..

مرام بغيظ : بقى هى تشتغل سكرتيرة وانا ساعى اوووف ..

سمر : بطلى بقى غيرة البنات دى .. اوووف

مرام اتغاظت ومشبت وسابتهم وقالت
-: طب اشبعى بيه يكش تولعوا فى بعض ونخلص ..

---
وتانى يوم فى مكتب هارون الى كان قاعد مع سيف
هارون : بقى انا تبعنى عشان البنتين دول

سيف: ابيعك ايه بس ده كله شغل

- ازاى بقى

-سيف: عارف البنت الى كانت مع مرام ... الى اسمها سمر

-اه مالها بقى

سيف: - انا شايف فيها مشروع موديل عالمى

-هارون: عالمى ايه بس دى بيئة عملت ايه مع نيرة حاتم

-رفضت المبلغ الى عرضته عليها وطالبة الضعف

- خلاص ادوهلها وخلاص