الرجل الغامض بسلامته

الاخير

الاخيرة 

مرام وقفت قدام هارون وقالت
-: هه هو سعيد فين .. وانت ايه الى جابك هنا

هارون : فى ورقة هتمضي عليها وتبصمى كمان من غير اعتراض ..

مرام : ورقة  ايه الى امضى عليها من غير اعتراض.. اا انت هتبيعنى البيت الى حليتنا لا بقى انا لازم ابلغ البوليس

مرام كانت هتمشي بس هارون مسكها من دراعها وقال
-: ايه الفستان الى انتى لبساه ده وقصير كمان .. بت انتى كنتى لبساه لسعيد

-: بت فى عينك ..اه انت مالك لو سمحت سبنى ميصحش كده .. المعازيم يقولوا عليه ايه

هارون بغيظ : يعنى تلبسي لسعيد فستان وتقلعى النضارة وانا تلبسيلى فالشغل لبس الميكانيكى طب وربنا لاوريكى

مرام: بص يا عم ولا تورينى ولا اوريك  ... انا خلاص قدمت استقالتى وبعد ما اتجوز سعيد هقعد فالبيت اربى كتاكيت

هارون: طب ايه رأيك انا هقتلك سعيد ده وهتبقى ارملة من قبل ما تتجوزيه

مرام بصوت واطى : احسن برده اقتله وريح الناس من ريحته .. ده بيحط كلونيا خمس تسعات ..

دخلت جميلة وقالت
-: كده يا ولاد هتكتبو الكتاب من غيرى دا انا كده ازعل اوى

مرام : جوجو حبيبتى تعالى بركيلى خلاص لقيت فتى احلامى

جميلة: شوفتى مش قولتلك لو لفيتى الدنيا مش هتلاقى احسن من هارون ابنى

مرام : هارون ده ايه لا طبعا انا بكلمك عن سنسن سعيد خطيبى ..

جميلة: وسعيد ده ايه بنى ادم

هارون : كرش وطلع منه بنى ادم انا مش عرف ده يتصنف فى فصيلة ايه

مرام : طب ما تتكلمش بقى على خطيبى كده عشان وسامته هى الى مجمدة قلبه

دخل اتنين شايلين سعيد الى كان متجبس من كل حته فى جسمه  مرام جريت عليه وقالت
-: سعيد .. ايه الى حصلك مين عمل فيك كده ..

سعيد بص لهارون بغيظ وقال
-: مم مفيش،.. ددده انا وقع عليه سقف بلكونة وانا جاى .. اااه يا ضهرك يا سعيد ..

هارون : احسن تستاهل انت اصلا لسه مشوفتش حاجة ده بيقولوا هيعملوا قطر يعدى من تحت البيت

مرام فكرت وقالت : القطر ده بنى ادم كده وشعره اسود وعنيه عسلى واول حرف من اسمه هارون

سعيد : اه هو .. بقولكم ايه روحونى انا عاوز ارتاح فى بيتى

وعند سمر وسيف الى قال
-: ما تيجى نكتب الكتاب ونعلى الجواب .. انا بحبك اوى يا سمورتى

سمر: بجد يا سيف يعنى انت بتحبنى بجد ولا بتلعب بيه ..

سيف: دا انا العب مع الناس كلها الا انتى يا سمورتى.. ده انتى دخلتى قلبى من غير ما تخبطى