الرجل الغامض بسلامته

الثالث

ح٣

مرام كانت رايحة لمكتب هارون توصل القهوة بس سمعته بيزعق لمها حطت القهوة على المكتب ومشيت، مها طلعت من مكتب هارون اتفاجات لما لقيت مرام قاعدة على المكتب مستنياها

مها: انتى قاعدة هنا تعملى ايه يلا اتفضلى على شغلك.

مرام : وانا الى قولت استنى اطبطب عليكى وأواسيكى .. انتى ازاى تسمحيله يزعقلك كده ايه معندكيش كرامة

مها: لل لا عندى .. هو بس انا غلطت فى حاجة وهو عصبى

-: عصبى فالبيت مش هنا ، على راى المثل سكتناله دخل بحماره

-: ايه حماره وسكتناله ده ..انتى مفكرة نفسك فين.

-: بصي انتى تدخلى كده وتجمدى قلبك وتشتميه، متسبيش حقك هو انتى كروديا

-؛ ايه ده لا طبعا مستحيل انا بنت ناس على فكرة.

- يا بنتى ما هو كده مستهيفك وهيفضل فالرايحة والجاية يزعقلك ومش بعيد يديكى على قفاكى وسط الموظفين

مها اتعصبت وقالت
-: انا هدخل دلوقتى وهوقفه عند حده .

-: لا بصى قوليلى يا واكل اهلك وناسك وناكر للجميل.

قاطعهم دخول سارة الى قالت
-: هاى .. هارون هنا ؟

مها: ايوه مين حضرتك

سارة : قوليله سارة ..

مرام قربت من مها وقالت: شكله هيشغلها سكرتيرة مكانك ..

مها: ايه ده بجد

مرام: كلميه وقوليله انها ب ا ولو دخلت يبقى اه ... اصل وقفتها كده واقفة سكرتيرة

مها: اه فعلا نفس الوقفة

مها كلمت هارون وقالها خليها تدخل، دخلت سارة لمكتب هارون ومرام بصت لمها وقالت
-: شوفتى اهو هتترفدى من غير ما تاخدى حقك.

مها: اده يعنى انا خلاص كدت راحت عليه .

-: امال يعنى جايبها تاكله فى بوقه هى سكرتيرة ده حتى مشيتها مشيت سكرتيرة

مها وقفت وقالت
-: انا مش هسكت انا لازم ادخله واخد حقى

-برافو عليكى يلا قوليله يا برجوازى متعفن واكل ناسك..

مها كانت هتمشي بس رجعت تانى وقالت
-: هه هو يعنى ايه واكل ناسك

مرام: هو مصطلع بيتقال كده فالظروف بتاعتك

مها دخلت لمكتب هارون الى اتفاجأ من دخولها اما مرام الى كانت واقفة برا تسمع صوت زعيقهم وبعدها سارة خرجت تجرى ووراها مها الى وقفت وقالت
-: منك لله يا مرام دى مطلعتش سكرتيرة..

مرام: ايت طلعت ايه هه

هارون خرج وقال: انام واقفين عندكم بتعملوا ايه بر ااااا