مراد نسيت موبايلي بالسياره وطلعت أجيبه شفت الناس ملتمه بالشارع رحت حتى اشوف شصاير اتقربت انصدمت من شفتها حسيت روحي طلعت من شفت منظرها شلون ملطخه بالدم فاقده وعيها مثل الجسد بدون روح راد يشيلها أحمد بس صرخت بوجه وخزرته ما اعرف ليش شلتها وخليتها بسيارتي وسقت بسرعه جنون يه واني أدعي ربي ميصير بيها شي وبعد كم دقيقه وصلنه للمستشفى شلتها ودخلت ضليت اصرخ بدون وعي
مراد: دكتور دكتووور أحد يجي يساعدني
اجو ممرضين وياهم سديه خذوها ودخلوها بغرفه
إني بقيت أنتظر وادعي ربي يكومها بالسلامه ورى شوي أجو الشباب وطلع الدكتور
مراد : طمني دكتور شلونها هسه
الدكتور : شنو تقرب للمريضه
مراد بدون شعور : خطيبها
الشباب 😮 ؟؟؟؟
الدكتور : اطمن حالتها مستقره حاليا لكن عدها كسر باليد اليمنه مع بعض الرضوض
مراد: اكدر اشوفها
الدكتور : اكيد اتفضل
مراد : تسلم دكتور
الدكتور : العفو واجبي
دخل مراد للغرفه ...
الشباب
رنين : ولكم اكرصوني خاف جاي اتحلم
كرار كرصها
رنين : اووي وثول
كرار : مو كلتي اكرصوني وكرصتج
يوسف : سمعتوا الي سمعته كال خطيبها
أحمد : هسه عرفت ليش خزرني وصرخ عليه من ردت اشيلها طلع يحبها الأستاذ
رنين : لا ممقوله يجوز زله السان
أحمد : انجبي يا زله السان ما شفتي شلون تخبل من شافها هيج
رنين : هم صدك شكد ثوله إني
أحمد : توج تدرين من زماان 😂 انتي ثوله
رنين : أنجب إني احجي ع نفسي عادي بس انته لآاا
كرار : اسكتووا أريد اخابر ع فارس اخوها نسيت ما خابرته راح عن بالي
الكل ساكت😯
خابر كرار ع فارس وبدا يرن
كرار : الو السلام عليكم خويه
فارس: وعليكم السلام تفضل منو حضرتك
كرار: إني كرار زميل أسيل
فارس : أي آي ذكرتك اعذرني ما شفت الاسم خير خو ماكو شي
كرار : احم أسيل سوت حادث وحاليا احنه بالمستشفى
فارس بصدمه: شنووو بأي مستشفى هي وشلون وضعها
كرار : بمستشفى ....... اطمن حالتها مستقره ما كو شي خطر
فارس : الحمد الله يلا إني جاي مسافه الطريق
سد الخط
عند مراد
دخلت لكيتها نايمه وعلى راسها شاش وبي دم شوي وايدها لا فيها نايمه مثل الملاك كعدت ع الكرسي أتأملها قطع عليه صوتها التعبان كوه تحجي
أسيل بتعب : وين إني
مراد : ارتاحي انتي بالمستشفى
أسيل : شنو صار
مراد : هسه عوفي الحجي ورتاحي
أسيل : شنو الي صار احجي شبيه.إني ( وحركت ايدها المكسوره )
أسيل : ااااااااي
مراد وكف : مو كتلج ارتاحي شكد عنيده لخاطر الله اكعدي
أسيل :لحضه اذكرت آخر شي إجت سياره وظربتني .بعدها ما حسيت بشي
مراد : بعدها جبتج للمستشفى
أسيل : انته ؟؟
مراد : أي ااني شنو معاجبج
أسيل : لا بس ستغربت
مراد : أ..
دخل واحد وركض ع أسيل وحضنها تفاجئت وأحس نارر بصدري ما اعرف ليش والدمرني هي بعد حضنته بعد مابيها مجال لازم ادخل شنو ميستحون
مراد بعصبيه مكتومه: عفوا منو حضرتك
فارس ترك أسيل والتفت لمراد توه انتبه لوجوده: انته منو حضرتك
أسيل مراد راد يحجي بس سبقته: فارس هذا استاذي بالجامعه هو الي جابني للمستشفى استاذ هذا أخوي فارس
مراد من كالت.اخوي ارتاحيت
فارس : اتشرفنا مشكور تعبناك
مراد : العفو مسويت شي وهسه اترخص إني والحمد الله ع سلامتها
فارس : الله يسلمك حبيبي (وتصافحوا)
طلع مراد
وشاف الشباب صافنين.بوجهه 😂😂
مراد : مضيعين شي بوجهي واني ما ادري
أحمد : العفو استاذ ما كو شي
مراد : عبالي ومشى
كرار : معقوله ما انتبه ع الشي الي سوا اليوم
رنين : هسه يجوز حجاها.بدون ميدري شبيكم.لطشتوا بهاي الكلمه
يوسف : أدري محاميه عليه اشو بس دافعين عنه ام.الوصخ😂
الكل عدا رنين 😂
رنين : ضحكتووا.بدون.سنون كولوا امين
الشباب فرطووا ضحك
أحمد : خرب يومج ومنين جيبين هذني الدعاوي
عند فارس وآسيل
أسيل : يمته أطلع مو تدري ما أحب المستشفيات
فارس : أدري بس لازم تبقين لباجر العصر يلا اطلعلين اتحملي
أسيل : اوووف فروسي حبيبي طلعني أنته عفيه
فارس : ما اكدر وداعتج لازم تباتبن هنا تحملي هو نص يوم
أسيل : اووف اووف
فارس : شكد تتأففين إني رايح اجيب اكل اكيد.جوعانه
أسيل : أي كلش جوعانه أريد بيتزة وبيبسي
فارس : تدللين بعد محتاجه.شي
أسيل : لا سلامتك
طلع فارس ورى شوي دخلوا الشباب
الكل : الحمد الله ع السلامه
أسيل : الله يسلمكم شكرا
أحمد : شلون صرتي هسه
أسيل : الحمد الله أحسن
رنين : بيه ولا بيج يعمري
أسيل : اسم الله عليج كلبي
كرار : لو تشوفين استاذ مراد شسوه وشصار بيه من شافج
أسيل بفضول: شسوى
كرار والشباب حجولها كل شي
أسيل : صدك تحجون
يوسف : وداعتج
أسيل : هذا بأي حق يكول خطيبي إني اعلمه
أحمد : ع كيفك أبو الشباب تره الرجال يحبج شيبج
رنين : والله لو شفتي شلون شايلج والخوف مبين بعيونه وشلون خبص المستشفى علمودج متحجين هيج
أسيل : حبته حيه انشاء الله شنو حب وما حب
كرار : شباب انتوا نسيتوا ويا منو تحجون هذا جبار هيج.حجي.ينحجي لانثى
أسيل لزمت بيدها الثانيه علبه الكنلكس وشمرتها ع كرار
كرار : خرب يومج حتى وانتي مريضه هم تعاركين ام خشم
أسيل : عساس انته الحلو چنكع حمار لابس قميص
يوسف : بووووم في منتصف الجبهه 👊😁
الكل ضحك
.
.
.
.
.
.
.
مراد وصلت للبيت وجانن ملابسي كلها دم وشكلي مبهذل كللش دخلت شفت أمي كاعده بالصاله شافتني واجت تركض
أمي تبجي : اسم الله عليك يمه شبيك
مراد : ما بيه شي والله هسه ليش تبجين
أمي : شلون ما ابجي انته كلك دم منو سوه بيك هيج
مراد مسحت دموع أمي وكعدتها وكعدت وياها : وغلاتج مابيه شي بس صديقي سوه حادث واخذته للمستشفى هاي كل القصه
أمي : يا سوده عليه وهسه شلون صار
مراد أبتسمت ع طيبه أمي : لا الحمد الله زين
أمي : الله يشافي يارب
مراد : امييين يلا إني صاعد اسبح وبعدها أنام ويا الغدى كعدوني
أمي : أي يمه ارتاح واني اكعدك ع الغدى
مراد بست راسها وصعدت
.
.
.
.
.
.
.
فارس بعد.ما جبت الاكل اكلنه وبعد ما كملنه رحت للبيت حتى اجيب رسل نسيت انو مخليته وحدها بلبيت
دخلت للبيت هدوء صعدت فوك ودخلت لغرفتها لكيتها كاعده وحاضنه رجليها ومبينه خايفه بس شافتني اجتي تركض وحضنتني
رسل : اخير أجيت والله متت من الخوف شلون تعوفني وحدي بالبيت مو تدري بيه اخاف
فارس ابتسم : هسه وخري مني اختنكت وبعدين اكلج.ليش عفتج.وحدج
وخرت.عنه : ليش
فارس : أسيل سوت حادث وخابروني ورحت للمستشفى
رسل بصدمه : شنووووووووووووو.
.
.
يتبع
الكاتبه دندوش ♥
أنت تقرأ
رواية غيرة عاشق ♥( مكتمله )
Humorروايه باللهجه العراقيه من واقع الخيال ان شاء الله تعجبكم 💙
