رواية غيرة عاشق ♥( مكتمله )

Bart 12

سهران أفكر بيك ..... ما شايف النوم
وتخيلت مرسوم ..... وجهك بالنجوم 💕😍
__________________________________________________

رسل متفاجئه : اهى آهى اهى (غصت بالاكل😂 )
أسيل وهي تضربها ع ظهرها : يا وثول شبيج هههههههه
رسل بعد ما رتاحت : كافي كسرتي ظهري  اكلج تحجين صدك لو تشاقين
أسيل : لا صدك وداعتج
رسل  بخجل : يااااااااااااااي فديته والله 
أسيل : انجبي ولج اثگلي شوي بعد مصاير زوجج
رسل : يختي احبه مو بيدي
أسيل : طاح حظج وحظه خوش
رسل : ما اسمحلج تغلطين ع زوجي المستقبلي اوك
أسيل : اكول كومي من وجهي لا اشوه خلقتج زوجي المستقبلي وتقلد عليها 😒😂
رسل : ههههههههههه كايمه كايمه جبار
.
.
.
.
.
.
.
بعد مرور أسبوع من الاحداث
راح نفتر ع ابطالنه الحلوين

أحمد فتحت الموضوع ويا ابوي وافق ورحنه وخطبناها رسمي واليوم راح اشوفها الصراحه فرحتي متنوصف الي احبها راح تصير زوجتي شعور يجنن 💕😍
.
.
.
.
.
أسيل طول الأسبوع افكر بمراد وكلامه ومصارحته الي أحس يومي بي شي ناقص و هالفتره افكر بي هواي ما اعرف ليش وسولفت الي صار لرسل ورنين لأن إني ما اضم شي عنهن ولا هنه فرحن هواي وطول الاسبوع يقنعن بيه تندمت لأن حجيتلهن الصراحه 😂😂
واخذت قراري بعد تفكير واليوم أحمد يشوف رسل وملتهيه وياها إني رنين
.
.
.
.
.
رسل خطبني أحمد واني فرحانه كلش وممصدكه لأن راح أخذ الي اريده والي احبه واليوم راح يشوفني ع الأساس هو مشايفني 😍😂😂
.
.
.
.
.
مراد مشتاقلها موت ومنتظر ردها ع ناررر مرات اكول راح توافق ومرات اكول لا راح ترفض قرب يوم النتائج بعد يومين وراح أعرف قرارها
.
.
.
.
كرار ويوسف ملتهين ويا أحمد وفرحانين اله كلش ❤
.
.
.
فارس أجلت سالفه الخطوبه لأن رسل انخطبت والتهيت وياها وانشاءالله ورى عرس رسل اخطبها
.
.
.

عند أحمد والشباب الساعه 3ونص 
في غرفه أحمد الأغاني  اوالركص
كرار ويوسف يعدلون بملابس أحمد ويركصون
أحمد لبس بنطرون اسود وقميص اسود وستره لون ماروني وساعه لون اسود وماروني وحذاء اسود
كرار :  تفلللش وعلي
أحمد : حبيبي تسلم
يوسف وهو يرش العطر لاحمد : بعد مابيها مجال باجر اخلي الوالده تخطبلي 😂
أحمد وكرار : ههههههههه
أحمد : سويف بشرفك هلهل
يوسف : لا خويه خليها ع العرس
كرار : لا بداعت امك هلهل
يوسف : اوك ككككككككللللللللللللللللللوووووش
أحمد و كرار : مصريه أصل 😂😂
يوسف : هههههههههههه وبقوا يركصون

.
.
.
.

عند رسل والبنات

رنين وهي تمكيج رسل : تخبلين ما اكول غير الله يعين أحمد ع هذا الجمال
رسل بخجل : تسلمين حبيبتي
رسل لبست فستان ناعم لون بيجي واسود يجي من االصدر مخصر ومن جوه كلوش وحذاء لون اسود كعب لأن إني قزمه 😳😂😂
ومكياج خفيف بس  كريم ومسكاره وحمره عنابي فاتح خفيفه وكحله مقبلت اخلي لأن أخاف منها ههه
دخلت أسيل
أسيل : ها خلصتوا لا
رنين و رسل : اي خلصنه
رسل : شرايج
أسيل : حلووه ما شاءالله
رسل : بنات وربي خايفه واستحي ادخل
أسيل : شسالفه وين داخله لحرب
رنين : انتي اسكتي حقها تخاف وتتوتر خليني اشوفج شيصير بيج من يجي مراد يشوفج واذكرج
أسيل  : انجبي ولج منو يكول راح اوافق وبعدين صدك ما يحتاج توتر  بس شسوي للدلوعه
رنين : واحلى دلوعه وربي وهمزين ما طلعت عليج 😂
رسل : يمه فدوه لمحاميتي
أسيل : هسه عوفن الرومانسيه وكملن تره ع وصول هم
ورى ربع ساعه وصلوا أحمد واهله  وستقبلهم فارس بعد السؤال عن الحال والأحوال صار دور رسل تدخل
رسل : يمه بطلت بعد ما أريد عفيه
رنين   أسيل : شنو بطلتي لعب جهال سمي بالله وادخلي شسالفه
رسل : والله استحي شبيجن
أسيل :رسل والله إذا ما دخلين تره ادخلج بطريقتي ها اختاري
رسل : لا ادخل حبيبتي ارتاحي انتي
رنين : اي عفيه عليج
رسل : بس شوفوا شكلي تمام
رنين و أسيل : تخبلين يلا فوتي
رسل : اوك ادعولي بنات
أسيل و رنين : ادري داخله لحرب 😂😂

أحمد جنت اسولف ويا فارس ودخلت رسل فهيت.الصراحه طالعه.تجنن وشلون خجلانه كعدت كبالي  ما نزلت عيني عنها هي رفعت راسها جان تجي عيني بعينها وهي بسرعه دنكت خجلانه فديتها والله 😍❤
بعد اقل الساعه طلعوا أهل أحمد بعد ما تفقوا ع المهر والتفاصيل وقرروا السبوع الجاي الخطوبه والعرس ورى شهر
.
.
.
.
.
رسل : يمه فديته طالع يجنن
أسيل : اي بدينه وبدت رحمه الله
رنين : هههههه شبيج خليها غير فرحانه
أسيل : بنات شرايجن نطلع نتعشى بره بمناسبه خطوبه رورو
رسل و رنين : أكيد اي معقوله نكول لا
أسيل : اي أدري بيجن يلا رسل روحي بدلي.بسرعه
رسل : ثوواني بس وصعدت فوك تبدل
رنين : ههههه فرحانه خطيه الله يتممها ع خير
أسيل: أمين
رنين : يوم الج انشاء الله كولي امين
أسيل سكتت 😒😳
رنين ضربتها ع ايدها : كولي امين ولج
أسيل : أمين 😒

بعد ما بدلن البنات وبعدها طلعن من البيت طبعا بلغن فارس وافق
ورى نص ساعه.وصلن للمول دخلنه وبقينا نفتره بالمحلات رسل و رنين ما خلن شي مشترنه تعبت من الفره كلش وهنه ولا يمهن عادي
أسيل : طركاعه اي والله شنو متعبن انتن
رسل و رنين :لا ما نتعب وبعدين بعدنه ما مشترين شي
أسيل : هذا كله وممشتريات لعد لو تشترن شلون اكول إني راح اكعد بالكافتريه من تخلصن تعالن تعبت كللش
رسل و رنين : اوك روحي
عفتهن رحت للكافتريه  طلبت عصير فراوله وبقيت اكلب بالموبايل
.
.
.
.
.
.
مراد طلعت للمول اشتري كم شغله واغير جو شوي بعد ما خلصت كعدت بالكافتريا جان اشوف أسيل كاعده وحدها كلت اروح أسلم عليها كمت حتى أروح بس اجن البنات اووف شنو هالحظ 😒
.
.
.
.
.
أسيل بعد ما اتعشينه وصلت رنين للبيتهم وبعدها رجعنا للبيت الساعه ب10 بليل رائسن صعدت فوم لأن ميته تعب سبحت ولبست بجامه لون اسود وردي  وشسورت شعري وبقيت افكر لحد ما غفيت ....

.
.
.
.
.
مرن اليومين واجه يوم النتائج وطول هاي اليومين احنه نجهز  لخطوبه رسل لأن قربت كلش

.
.
.
.
.
وصلت الكليه متاخره لأن كعدت متاخره وازدحامات
أسيل : ها شباب بشرووا
رنين : ولج وينج اتاخرتي إني ناجحه
كرار وأحمد ويوسف : واحنه هم ناجحين
أسيل : مبرووك واني
كرار : روحي لأستاذ مراد هو يوزع النتائج هسه هو بالمكتب
أسيل : ها اوك

وصلت لمكتبه واني خايفه وكلبي يدك  بسرعه دكيت الباب ودخلت
أسيل : صباح الخير استاذ
مراد : ياهلا صباح العسل اتفضلي
كعدت أسيل : أستاذ علمود النتيجه مالتي
مراد : اي ثواني
شوي وانطاها النتيجه: مبرووك
أسيل لزمت النتيجه  وبعفويه ظليت اطفرر ونسيت الي أكعد يمي  : ياااااااااااااي نجحت  اخيرررا الحمدالله
مراد ضحكت ع عفويتها شلون فرحانه وطفر مثل الطفله  😍: احم
أسيل انتبهت ع مراد وكعدت واني ميته خجل خرب شلون نسيت
: شكرا استاذ إني اترخص
مراد : لحضه مناسيه شي
أسيل صفنت شوي بعدين عرفت شنو يقصد 😳😶: ها العفو
رجعت كعدت
مراد : اي أسيل اسمعج
أسيل بخجل : إني الصراحه فكرت هواي واخذت قراري
مراد كاعد ع نار : الي هو
أسيل : ............ يتبع 😜😁

الكاتبه دندوش♥