ماجان للموعد فضل
حبيتك من الصدفه
شكرا ♥
لأن دگ الگلب
وبيدي صارت رجفه
شكرا 💋
لأن وجهك.ضحك
لمن صرت گدامي
بايع عمر يتشكرك
حس بطعم ايامه
تعرف معانات الذي
سواك اهم احلامه
جانت ضحكتك مو الي
تسحرني بيها هوايه
شتمنى من الله بعد
تضحك جنت ويايه
وتعرف قبل لا تبتدي
بينك وبيني حچايه
عاشرت الي يعرفك
ردت بلكي يسولف عنك
وهسه هنيالي كمت
اسمع اخبارك منك
وتقربتلك وانتهت
كل القساوه العندي
من تبتسم انسى الحجي
وما اعرف منين ابدي
حبيتك.بكد ماجنت
خايف اظل.لوحدي 💋😍
__________________________________________________
أسيل بعد ما طلع العريس بدينه نركص إني ورنين وفطومه طبعا تعرفنه عليها كلش حبابه وطيوبه ذبينه لحم بالركص وكومنه رسل بعد تركص ويانه وصورنه صور وفيديوهات بعدها خلصت الخطوبه وكل والناس رجعت لبيوتهم بس رنين ظلت وياي تساعدني بتنظيف البيت كعدنه بتعب
أسيل بتعب وهي تنزع الكعب : يمه متت من الكعب والله كل شوي اعثرر امداني.إذا لبسته ااااااااخ رجلي متكسرات
رنين : والله أحس جسمي اتكسرر اااااخ
رسل وهي تصور نفسها وضحكت ع اشكالهم : ههههههههههههه
أسيل : اي اضحكي انتي شعليج
دك الباب فارس يريد يسلم ع رسل ويباركلها لأن ما لحك يسلم عليها :أسيل
أسيل راحت اله
أسيل : هلا فروسي
فارس ّ : هلا بيج شنو جبارر شطالع اليوم تخبل
أسيل تتصنع الغرور : مو شي جديد اصلا إني من يوم يومي حلووه ههههه
فارس يضحك : ميلوكلج الصراحه وهسه عوفي الحجي الزايد أريد ادخل اسلم ع رسل ما لحكت اسلم عليها عندج احد
أسيل : اي عندي رنين بس لحضه
فارس : اوك
دخلت أسيل وكالت لرنين دخلت للمطبخ بعدها دخل فارس وتوجه لرسل الي جانت كاعده ومن شافته وكفت باس راسها وكال
فارس وهو يبوس راسها: مبروك يعمري ربي يسعدج ويوفقج بحياتج
رسل بخجل : حبيبي ربي يبارك بيك يوم الك أن شاء الله
فارس وتذكر ريم : أن شاءالله
بقوا يسولفون.شوي وبعدها صعد فارس لغرفته حتى يبدل ويرتاح
أسيل : رنووش اطلعي اماااان
راحن البنات يبدلن ملابسهن وبعدها نزلن ينظفن.البيت لحد ما صارت الساعه ب8 خلصن تنظيف رنين اجه اخوها وياخذها
أسيل صعدت إني ورسل حتى نسبح ونبدل ملابسنه لأن تعبنه كللش دخلت لغرفتي سبحت ولبست تراك لون عنابي واسود شسورت شعري وخليته مفتوح رشيت عطر ونظفت غرفتي شفت موبايلي مراد حارك المبايل حرك 10مكالمات و4 مسجات
المسجات
1 هلو أسيل
2 وينج مختفيه
3 ردي لا تخبليني
4 اسسسسسيلللل
مراد جنت كاعد بالصاله والبنات يمي يسولفن واني مو يمهن مشغول بالي ع أسيل اخابرها مترد ادز مسجات متجاوب معقوله لحد.هسه ممخلصه الخطوبه شسالفه والله بالي يمها خاف بيها شي لا سامح الله ليش مترد اكيد صاير شي طردت الافكار من راسي وكبت اتصل بلكي ترد اخذت فوني واجيت اتصل جان ادك.هي بسرعه جاوبت ونسيت انو خواتي موجودات
مراد بعصبيه : وينج من العصر اتصل.وانتي ماكوو.ها
أسيل : شبيك معصب مو تدري اليوم خطوبه اختي والتهيت وياها
مراد : وماتكدرين ادزين مسج وطمنيني لو السالفه عناد
أسيل : شبيك.والله المبايل جان بغرفتي يشحن واني جنت جوه وهسه.صعدت وبعدين عليمن اعاند لو انته تفسر الامور ع كيفك
مراد : شوفي بعد وين مترحين موبايلج وياج افتهمتي
أسيل : اوامر ثانيه استاذ مراد
مراد ضحك.ع نبره صوتها مبينه ضاجت : هههههههه اي صح ما كلتيلي شلون جان الخطوبه
أسيل : تجنن
مراد : يوم النه.يارب
أسيل بدلع طبيعي : مررررراد
مراد الي ذاب بدلعها : عيونه وكلبه
أسيل بخجل : باااي
مراد ضحك ع خجلها: هههههههه لحضه اوكفي شبيج راح اسكت
أسيل : لا اصلا إني تعبانه ونعسانه راح أنام تصبح ع خير
مراد : اوك حبي وانتي من اهل الخيرر باي
سديت الخط واني ابتسم انتبهت ع الي كاعدات يمي وصافنات عليه هنا ما عرفت شسوي : احم إني صاعد لغرفتي
وصعدت
ريم بفهاوه : سمعتي الي سمعته
مريم : اي ولج طلع اخونه طايح ع وجهه واحنه ما ندري
ريم : لا وحالته مستعصيه بعد
مريم : كومي.وياي
ريم : وين مابيه حيل
مريم جرت ريم وصعدن فوك
.
.
.
.
عند أحمد & رسل 💙 الساعه ب 10 ونص بليل
ع التليفون يحجون تقريبا من شي ساعه ونص
أحمد : حبيبتي بعد يومين نروح.للمحكمه ونحلل هم اوك
رسل : اوك حياتي
أحمد : احبج 😘
رسل بخجل : واني بعد
أحمد : انتي شنو
رسل بخجل : اممم احبك💕
أحمد وهو ذايب بصوتها الي واضح ع الخجل : ارحميني يا بنت الناس تره اتهور
رسل بخجل اكبرر : هههههه يلا حبيبي تصبح ع خير راح أنام لأن تعبانه كلش
أحمد : اوك عمري وانتي من اهل الخير باي
رسل : باي
رسل حظنت.الموبايل وابتسمت وبعدها غطت بنوم عميق ....
مراد جنت اتابع.فلم رعب ومندج فجاءة دخلن عليه البنات
ريم ومريم بصوت واحد : هلوووووووو
مراد وهو مندمج : هلا
ريم : نريد نحجي وياك ممكن
مراد وهو ع وضعه : لا مو ممكن
مريم : موضوع مهمم
مراد : اجلوا.لباجر هسه مو وكتها
مريم : مراد عليك.الله احجيلنه منو حبيبتك احنه مو خواتك ولا تنكر سمعنا وشفنه
مراد : راح احجي بس والله إذا وصل.الحجي لامي أو ابوي.إلا اموتجن
ريم ومريم طفرن ع الجربايه يم اخوهن : كوول
مراد : اسمها اسيل و......... وسولف القصه كلها
ريم : والله طلعت مو هين يا خوي
مريم بفهاوه : يعني.انته تحبها لو مجرد اعجاب
مراد ضربت مريم بخفه ع راسها : ولج فاهيه صارلي ساعه شحجي أكلج احبها وراح اخطبها عن قريب
مريم : ها افتهمت
ريم : اخيرا كككلووش 😂😂😂
مراد 😂.خرب يومج ريم
مريم 😒
ريم :ّاكلك مراد الصراحه انصدمت بيك طلعت رومانسي واحنه ما ندري صرت روميوا ع غفله ههههه
مريم وهي تقلد مراد : عيونه وكلبه ههههههههههههههههههههههههههه
مراد وريم : هههههههههههههههههه
مراد : يلا روحوا نامو تاخر الوقت
مريم : إني مجايني نوم
ريم : ولا إني شرايكم نسهر ع فلم
الكل : اوك
ريم : بس.مو رعب شوفوا غير واحد
مراد : لا نسوي تصويت يلا
مريم : رعب
مراد : رعب
ريم : اووف اوك رعب
راح مراد يشغل التلفزيون وريم ومريم نزلن يجبن حبشكلات بعدها صعدن وكعدوا بالكاع وبدا الفلم وندمجوا كلهم.بس.ريم الي حاضنه مراد من الخوف وكل لقطه تغمض عيونها ومراد ومريم فاطسين ضحك عليها
مراد طبعا ريم كاعده بحظني من الخوف واني ومرين بس نضحك عليها هي تخاف من الرعب كللش واحنه مندمجين بالفلم جان تطفى الكهرباء
ريم بخووف. حضنت اخوها : يممممممممممه بصراخ
مراد حطيت.ايدي ع حلكها : شبيج راح تكعدين اهلي لا تخافين إني يمج مريم جيبي تليفوني تلكي ع الجربايه
مريم : اوك بس انتبهوا تره ما اشوف
مشيت شوي وجان أدوس رجل.مدري منو
مراد : ااااااااي كسرتي رجلي انتبهي
مريم : ههههههه غير ما اشوف
وصلت للموبايل وشغلت الفلاش وشفت ريم شلون حاضنه مراد مات ضحككك : هههههههههه ولج ريوم جنج فاررره متت😂😂
مراد : هههههههه عوفيها ولج
ريم : بسيطه إني اعلمكم تضحكون عليه هو مو صوجكم صوج الثوله الي تابع وياكم فلم 😒😒
مراد و مريم : هههههههههههههههههههه 😂😂
اشتغلت الكهرباء وكملنه الفلم وبعدها البنات راحوا لغرفهم واني هم نمت ...
في صباح اليوم التالي
لا شي يذكر نفس الروتين
ساعه 4 العصر عند أحمد
جنت احجي.ويا رسل واتصل كرار
أحمد : حبيبتي كرار يتصل خلي اشوفه شيريد وارجع اخابرج
رسل : تمام حياتي باي
أحمد : هلا كرير شلونك
كرار : تمام انته شخبارك
احمد : بخير الحمدالله
كرار : اكلك شنو انته بلبيت لو طالع
أحمد : لا بالبيت خير
كرار : خير أن شاء الله مسافه الطريق واكون يمك إني وسويف إذا ما عندك شي
أحمد : هلا بيكم بأي وقت انتظركم
سديت الخط واني مستغرب من جديه كرار ما يحجي بهالطريقه إلا إذا جان موضوع.جدي بعد ربع ساعه اجوا الشباب استقبلتهم ودخلنه للديوانيه بعد السؤال عن الحال والاحوال
كرار : أحمد اريد اطلب منك طلب وأن شاء الله متردني
أحمد : كول ميردك إلا السانك
كرار : ........... يتبع
الكاتبه دندوش ♥
أنت تقرأ
رواية غيرة عاشق ♥( مكتمله )
Humorروايه باللهجه العراقيه من واقع الخيال ان شاء الله تعجبكم 💙
