رواية غيرة عاشق ♥( مكتمله )

Bart 22

مخنوگ لكن كابرت ماكتلک
ماردت اخرب واهسک من شفتک
ماردت اگلک مانمت بس الليل
لاعب لعب بحوالي لمن عفتک
إني الغشيم الثگل بوجه الراح
اعرف بدونک اختنگ ما صحتک
اسئلني خلـ احجيلک شگد ندمان
شگد ناس يمي تواسي وتخيلتک
شگد سولفتلک گتلك الناس اشكال
يجرحوک واني اعله الجرحـ فهمتک
بس انته طيب حتى ويا الجرحوك
واني ادري طيبة گلبک متعبتک
هسه إني طيبه گلبي خلتني بحال
ضايع لأن محتاجک وضيعتک
ماريد اجذب ياثگل يا مرتاح
غصبا عليه بلا وعي اذكرتک
جنت انته حلمي ألما اضن يوم الگاک
تعرفنه واني اسأل صدگ حققتک
الزمني خلـ توگف رجفتي الباليد
الزمني وخلـ اقنع واحس صادفتک
من التقينه الدنيا احسها بلا ناس
جنت انته صافن تذكر اشاورتک
گتلک حبيبي الدنيا ضحكتلي اليوم
من تقربتلي وخايف اتنفستک
مايعترف بغلاطه بس المغرور
غلطان گد الدنيا من زعلتک ...💔😢
__________________________________________________
أسيل بتعب : رنوش الي صار قبل شوي ما أريد اهلي يعرفون بي وخصوصا دخلتي للمستشفى تمام
رنين : تمام 
أسيل بعدها صفنت بالشوارع وافكر بمراد و خيانته الي وسرحت بفكاري ...

مراد دخلت للمغاسل غسلت وجهي أكثر من مره احاول استوعب الي صار سديت الماي ورفعت راسي وشفت نفسي بالمرايه ليش هيج ليش شنو الي صار حتى تكرهني ليش والله احبيتها صدك وما فكرت بيوم اضحك عليها أو استغلها جانت نيتي وياها بالحلال شلون اكدر انساها  ما  ليش تسوين هيج أسيل لييش وضربت المرايه ونكسرت وايدي ظلت تصب دم مهتميت طلعت اركض وصلت لغرفتها فتحت الباب ملكيت احد  طلعت من الغرفه اركض طلعت بره المستشفى وبقيت ادور عليه ما لكيتها ركبت بسيارتي بخيبت امل ويدي بعدهي تنزف شغله السياره وتوجهت للبيت ..

ريم : هسه كوليلي شسوي ارد لو لا
مريم : أكيد تردين خلي نعرف شيريد
ريم : لا ولج استحي
مريم : اكول انجبي وردي خلي نشوف الرجال شيريد
ريم : اوك بس خلي ابدل واتغدى وبعدين ارد
مريم : تمام يلا كومي بدلي وخلي ننزل

مراد دخلت للبيت ملكيت احد صعدت للغرفتي كعدت ع الجربايه ويدي تنزف ما اعرف شسوي تفكيري باسيل وكلامها وتغيرها حاولت اذكر شنو مسويلها بس مذكرت واني متاكد انو مسويت شي يزعلها أحس نفسي راح اتخبل والله طلعت موبايلي واتصلت عليها يرن ومتجاوب واتصلت مره ثانيه وثالثه وهم مجاوبت عصبت كلللش شمرت الموبايل بعصبيه وتفلش كمت اكسر شكو شي كداني

مريم طلعنه من الغرفه ونريد ننزل بس وكفنه ع صوت التكسير من غرفت مراد كلش خفنه ركضنه لغرفه مراد فتحنا الباب ونصدمنه من المنظر جان كل شي مكسر ومراد ايده تنزف
مريم وريم بنفس الوقت : مراد شبيك شصاير
مراد بعصبيه : اطلعن براااا
مريم اتقدمت حتى اشوف ايده التنزف : بس خلي اشوف ايدك تنزف
مراد بصراخ : كتلج اطلعن برااااااااااااا
مريم : ريم جيبي علبه الاسعافات الاوليه بسرعه
ريم : ثواني وركضت
مراد بعصبية : انتي متفهمين كتلج بررا ما اريد اشوف احد
مريم بعناد : ما اطلع لحد ما اضمد ايدك شنو انته متخاف نفسك تره ماكو شي يسوه حتى تاذي نفسك علموده  كل مشكله والها حل
مراد كعد بهدوء وبدون ماينطق بأي كلمه اجت ريم وبيدها علبه الاسعافات وبعدها ريم بدت تنظف بالغرفه
مريم بديت اشيل بقطع الكزاز الي بيده بس ستغربت انو ما توجع ولا حرك ساكن بعده ع هدوءه كملت تضميد وريم كملت تنظيف وطلب نطلع وطلعنه واتفقنا إني وريم منحجي شي لأمي بلكي منا للعصر يصير احسن ..