ممكن كم دقيقه رايد احجيلج !!
إني إنسان مهتم بتفاصيلج 💙
إني إنسان معجب حيل بس خايف
ومثل عيونج الحلوات ماشايف 😍
من شفتج لحد اليوم أحس بروحي ما مفهوم
أرجف والمشاعر داخلي تفور😚
ما أدري العيون الفاهيه تعور
ولا أدري برائه وجهج تشور💓
حمار خدودج شگد خجل الحنه
وملامح بيج ما تنشاف .. تتغنه 🎶❤
من حنيتي شعرج دنگ الشلال
وعلى ظهرج نزل مثل النهر چنه ♥
اصابيعج قلم بسكت بسرعه تموع
وهنيالي إذا اخليلهن حنه 😍
الشكر شيعودلج بالضحكه تنضاگين
ضحكتج عافيه تذكرني بالجنه💙
بعيونج ضعت مثل الطفل بليل
ويجيني الخوف منج واقترب منه 💋
صح عنده جذر .. بس الورد مرات
من تكعدينه يمج يبقه يدنه💜
بس انطيني فرصه ... حبنه يصير قصه
حينها سأقبل يدكـ
كـ رغيف خبزا في ايام الحصار 💚😘
__________________________________________________
فاطمه كعدت الصبح واني ماخذه قراري دورت ع أحمد ما لكيته أمي كالت راح هو ورسل للمحكمه وابوي بالدوام
فاطمه : يمه إني اخذت قراري وفكرت هواي
الام : اي يمه وشنو قررتي
فاطمه بخجل : موافقه
الام بفرح : ككككلللللللوووش ألف مبروك يمه تستاهلين كل الخير
فاطمه بخجل صعدت فوگ
رنين التفتت وشفت نفس الولد الي تعرضلي بالجامعه
رنين : انته شتسوي هنا
غيث : رنين أريد احجي وياج بموضوع
رنين بعصبيه : ماكو شي نحجي بي
غيث : رنين ارجوج بس ربع ساعه وبعدها سوي الي تردي
رنين : اوك تفضل
غيث : اكيد مو هنا نحجي اكو كافيتريا قريبه نروح نحجي بيها
رنين : تمام
مشى غيث رنين ورا
____________________
(راح أعرفكم بنفسي : اسمي غيث عمري 25 سنه طالب كليه قسم قانون مرحله رابعه إني من بغداد بس ادرس بالبصره شكلي حنطاوي وشعري طويل اسود وعيوني كبار لون عسلي وعندي لحيه خفيفه طويل وجسمي معضل )
____________________________
غيث : شنو تشربين
رنين : شكرا ماريد شي
غيث : براحتج
رنين : رجاءا كول الي عندك بسرعه
غيث : اوك راح ادخل بالموضوع بدون لف ودوران اسمي غيث من بغداد ادرس قانون مرحله رابعه إني معجب بيج واحبج صح غلطت بتصرفي وياج بالجامعه واحنه بشر والبشر خطائين واني جاي حتى ابرر تصريف وياج ورايدج بالحلال وكلت أخذ رائيج شكلتي
رنين هو يحجي واني متفاجئه : شوف إني بعد الي سويته وياي ما أثق بيك ولو واحد بالميه وعلى فكره ما تعبر عليه هذه السوالف اوك وادري تريد تنتقم مني بعد الي صار لهذا لا تحاول وهسه اترخص لأن اتاخرت ع صديقتي كمت اريد أمشي بس
غيث : رنين حقج.تفكرين هيج ما الومج بس صدكيني راح اثبتلج حبي وعن قريب أن شاء الله
رنين بعد ما سمعت كلامه حسيت بصدق مشاعره بس تجاهلت هذا الشعور وكملت مشي ....
________________________________
أحمد وصلنه للمستشفى رحنه قسم التحليلات حتى نسوي تحليل
الممرضه بدلع ماصخ توجه الكلام لاحمد: تفضل عيني
رسل گوه لازمه نفسي ام عطوب عمت عينج أن شاء الله
أحمد انتبهت ع رسل شلون معصبه من هاي الممرضه كعدت ع الكرسي واخذت مني دم خلصت واجه دور رسل الي جانت ع اعصابها هههه لزمت ايدها اخذت دم وخلصنه
الممرضه بدلع : مبين يحبج
رسل بعصبيه مكتومه: عندج مانع
الممرضه بخوف من رسل : اكيد لا ربي يديمكم لبعض
رسل : شكرا
أحمد متت ضحك ع رسل والممرضه شلون خافت خطيه طلعنه بعد ما كالو ورا ساعه تطلع النتيجه كعدنه ننتظر
أحمد: هدي حبيبتي ماتسوه تروحلج فدووه هالبومه
رسل : اكيد تروحلي فدوه هي وعطوبها
أحمد : هههههههههههههه خرب يومج هههههههههههه
رسل : والله شنو جذبت
أحمد : هههههه فديت الي غارون ياناس
رسل بتسمت بخجل
_______________________
رنين رجعت لا أسيل بس ما
حجيتلها الي صار كملنه فره وخلصنه وهي كل شوي تسئلني إذا بيه شي واني ما ااحجي طلعنه من المول وركبنه بالسياره
أسيل : رنووش احجي شبيج تره مو ع بعضج شصاير
رنين : ما بيه شي يعني شصاير
أسيل : إذا متحجين والله ما احرك السياره
رنين : اوك راح احجي تذكرين هذا الولد الي تحرش بيه للاجتماعات ضربتي بعد ما رحتي هو اجه
أسيل : شنو شتكولين انتي اكيد رجع يتحرش بيج النذل إني اعلمه الحقير
رنين : لا لا مو هيج بس إجه ...... وسولفتلها الي صار
أسيل بصدمه : جذااابه
رنين : والله شبيج هو هيج كال
أسيل : أحس الولد صدك يحبج رنوش بس خلي ننتظر ونشوف شراح يسوي حبيب الغفله ههههه
رنين بخجل : انجبي شنو حبيب
أسيل : والله وطلعتي مو هينه يارنوش واني اكول عليج ثوله
رنين بغرور مصطنع : غير إني ما احجي ههههههه
أسيل هههههههه وحركت السياره
__________________________
بعد مرور ساعات من الأحداث
أحمد وصلت للبيت الساعه ب2 الظهر بعد ما وصلت رسل لبيتهم عقدنه بالمحكمه وطلعت النتيجه التحليل والحمدالله مطابقه دخلت للبيت لكيت أمي كاعده بالصاله
أحمد : هلا يمه
إلام : هلا بيك يمه تعال عندي خوش بشاره
أحمد وهو يكعد : خير أن شاءالله
الام : يمه فطومه موافقه ع كرار
أحمد بفرح : الله يبشرج بالخير لعد اليوم اخابر كرار ونتفق ع باقي الامور
الام : أن شاء الله يمه
أحمد : إني صاعد أنام
الام : نوم العوافي
__________________________
مراد جنت كاعد بالصاله وحدي الكل جان بغرفته كلت اتصل باسيل اليوم مختفيه
أسيل اتغدينه وغسلت المواعين بعدها صعدت لغرفتي سبحت ولبست تراك لون سمائي وأسود شسورت شعري خليته مفتوح تمددت ع الجربايه وبقيت اكلب بالموبايل اتصل مراد
أسيل : الو هلوو
مراد : هلا بـهالصوت شلونج
أسيل : تماام شخبارك
مراد : الحمدالله حبيبتي شكو ماكو
أسيل : كاعده وساكته هههه
مراد : هههه اكول حبي
أسيل :ّكول
مراد : لشوكت راح نضل ع هاي الحاله
أسيل فهمت قصده : وشبيها حالتنه
مراد : قصدي وضعنا إلى متى انضل هيج إني احبج وانتي تحبيني ليش ما نتزوج
أسيل بخجل : منو كال إني احبك
مراد : إني اكول وبعدين لا تحاولين تنكرين انتي تحبيني اوك
أسيل : تره واثق من نفسك هوااي
مراد بغرور متصنع : احم اكيد ههههه
أسيل : عابت هههههههه
مراد يمثل العصبيه : شكلتي
أسيل : كلت يلوگلك ح.. وسكتت
مراد : كملي ليش سكتي
أسيل بخجل : ماكو شي انسى
مراد : لا احجي شنو ردتي تكولين يلا
أسيل بخجل : حبيبي 😳
مراد : يروح حبيبج من زمان واني منتظر هاي الكلمه احـبـچ❤
أسيل ضحكت بخجل : واني بعد
مراد : انتي شنو
أسيل بخجل: احـبـك💜 بااي وسديت الخط .... وحضنت الموبايل بفرح أحس كل لحضه يزيد حبي اله واتعلق بي زياده عمري ماتخيلت أعيش قصه حب نمت واني أدعي ربي ما يحرمني منه وأن شاء الله يكون عند حسن ضني ويكون الي الحبيب والزوج والسند وكلشي بالحياة 💚
______________________________
بعد مرور اسبوعين من الاحداث راح نفتر ع ابطالنه الحلوين
رنين طول هاي الفتره افكر بكلام غيث وصار يحتل نص تفكيري أحس بشعور غريب اتجاهه بس ما اعرف ليش اتجاهله يمكن لأن ما اكدر أثق بي وبده الدوام وصرت اشوفه وحاول يحجي وياي بس.إني دائما اصده لحد آخر موقف صار وياي اتذكرته
جنت متاخره ع الجامعه وجان عندي محاضره مهمه جنت اركض حتى الحگ دكيت الباب ودخلت بس رزلني الأستاذ وطلعت صدك ضجت كلش وخاصه الطلاب بقت تضحك عليه كعدت بالحديقه سمعت صوته
غيث : شبي الحلو ضايج
رنين : تره مالي خلك عوفني بحالي غيث
غيث كعدت مقابيلها : شبيج منو مضوجج
رنين بقهر : هذا الشايب رزلني لأن اتاخرت وطردني شنو انگلبت الدنيا إذا اتأخرت خمس دقايق
غيث ضحكت ع طريقه كلامها : تره ماكو شي بالدنيا يسوه تضوجين عليه وهسه اضحكي حتى اكدر ادخل للمحاضره
رنين بتسمت بخجل لأن صدك.ارتاحيت.من حجيت ويا
غيث : أروح فدوه للابتسامه باااي
___________
أحمد & رسل
طول هاي الفتره يجهزون للعرس لأن مابقى غير اسبوعين
_____________
كرار & فاطمه
صارت خطوبه رسميه بهاي الفتره وعايشين بسعاده ومرتاحين وحددو العرس يكون ويا عرس احمد &رسل وحاليا يجهزون والكل مشغول وياهم
___________________
أسيل & مراد
مستمره علاقتهم ع احسن مايكون وكل لحضه يزيد حببهم لبعض
__________
يوسف طول.هاي الفتره ملتهي ويا أحمد وكرار
________________
أما
فارس
ريم
مريم
لا شي يذكر غير الروتين
______________________
في الجامعه
أسيل خلصت المحاضرة وطلعت جنت جوعانه رحت اكل بالكافتريا طلبت اكل وكعدت أنتظر بـهالثناء دك الموبايل شفت المتصل وجان رقم غريب رديت
أسيل : الو
....:انتي أسيل أحمد آل.....
أسيل بستغراب : اي إني منو حضرتج
.......: فاعله خير بس حبيت احذرج من ........ يتبع
الكاتبه دندوش ♥
أنت تقرأ
رواية غيرة عاشق ♥( مكتمله )
Humorروايه باللهجه العراقيه من واقع الخيال ان شاء الله تعجبكم 💙
