رواية غيرة عاشق ♥( مكتمله )

Bart 23

اشتاكيتلي ؟ تندمت لو هيج بس للعب تتحارش بناري
أمن بعدني انچوي... وتشوفني شكد قوي
مرات ابجي بجرح ومرات ع الطاري
ومرات انطرك ثلج واني الشمس خصمي
لك والله اعشگک عشگ مو تجري وي دمي
ماشايفك من فتت
بالدنيا گلبک صرت بس جني من فتحت
شفتک قبل امي !!
اي يا ضخر همي ..
اجاوزتك وكملت مجبر جنت مو بطل
ليش استلذ بالنصر وادري إني مو نشمي
غصبا عليه عشت من انته مو يمي
كلت اعله هجرك حلو وكالولي عفيه وكفو.
بس النتيجه شنو ؟؟
گدام ناسي صدگ إني ربحت الحرب بس خسرت حلمي..
بعدك لياهو انحسب
لاموت من فرگتک لاعيش من دونک
ولليوم من تنذكر اترس افراشي دمع
عندك بخت لو اهلي فطموني بعيونك ... __________________________________________________
رسل دخلت لغرفه أسيل حتى اكعدها شغلت الضوه وشفتها حاضنه فونها ونايمه وآثار دموع ع وجهها استغربت
رسل : أسيل اسو كومي يلا
أسيل بصوت واضح عليه النوم والتعب : اي هسه شوي
رسل : كومي كومي أريد احجي وياج
أسيل كعدت بتعب : شكو. احجي
رسل : اليوم انتي كلش معاجبتني شصاير وياج احجي ولا تجذبين
أسيل دمعت عيوني من سئلتني هيج صارت دمعتي رخيصه بسبب واحد حقير : ما كو شي شبيج
رسل : اي واضح والدليل دمعن عيونج اكول احجي إني اختج واعرفج ما تنزل دموعج بسهوله إلا إذا اكو شي قوي كولي
اسيل هنا ماتحملت وبجيت : اهئ اهئ اهئ اهئ اهئ 😭
رسل فجاء بجت حضنتها : يعمري شبيج احجي لتخوفيني
أسيل احجي وابجي : رسل شكلج اكلج مراد الحقير خاني وغدر بيه واني بكل غباء حبيته تمنيت ما حبيته ولا شفته ليش هيج سوه والله حبيته من كل كلبي بس هو خاني رسل خاني اهئ اهئ اهئ اهئ اهئ
رسل اسيل تحجي واني احاول استوعب معقوله مراد هيج يسوي
رسل : اهدي يكلبي يجوز انتي فاهمه غلط مو معقوله مراد يسوي هيج
أسيل بعصبيه: لا مو غلطانه رسل شفت بعيوني وهو يوعدها بالزواج وكل الكلام الي يكوله الي يكوله الها حسيت نفسي غبيه اي غبيه لأن حبيته وصدكت تمثيله كرهته بكد حبي اله كسر كلبي وما اهتم تخلى عني بدون ميكلف نفسه يبرر الي صار ما توقعت نفسي رخيصه لهلدرجه اهئ اهئ اهئ
رسل حضنتها وظليت امسد ع شعرها انكسر كلبي عليها : تمام حبيبتي ارتاحي
__________________________
مريم جنت كاعده بالصاله إني وامي وابوي وسمعنه صوت ريم صعدنه فوك بخوف دخلنه ونصدمنه شفنه مراد واكع بالكاع وعلبه حبوب يمه ركضنه اله
الام وهي تحط راس مراد بحظنها : يمه ابني راح يروح من ايدي
اهئ اهئ اهئ
مريم بخوف وصدمه ما اعرف شسوي ابوي شال مراد وطلع وامي وياه واني وريم بقت بالبيت
وصلنه للمستشفى اخذو الدكاتره ودخلو بغرفه واحنه بيقنه ننتظره بره
مريم : يمه اهدي أن شاء الله ما كو شي
الام تبجي : اهئ اهئ اهئ يمه وليدي راح من يدي يارب سلمته بيدك يارب اهئ اهئ
الاب : اذكري الله يا مره وادعيله بالشفاء
بعد نص ساعه طلع الدكتور والكل ركضت
الام : طمني دكتور ابني شبي
الاب : دكتور شلون وضع ابني
الدكتور : الحمدالله جبتوا بالوقت المناسب لأن متعرض لحاله انتحار وبالع حبوب وهاي الحبوب كلش مضره وصار عنده مضاعفات و حاليا سوينه غسيل معده ولازم يضل هنا لمده 48 ساعه لحد ميتعدى مرحله الخطر 
الكل بحاله صدمه انتحار مو مستوعبين ابد
الام : اكدر اشوفه دكتور
الدكتور : اي تكدرون لكن رجاءا بدون متضغطون ع المريض
الكل : أن شاءالله
راح الدكتور والكل دخل لمراد
جان نايم واثار التعب واضحه ع ملامح وجهه ..
الام : يمه وليدي وحيدي سوده عليه شصاير بيك اهئ اهئ اهئ
مريم وهي تبجي : يمه فدوه اهدي وادعيله بالشفاء
الاب وهو مقهور ع ابنه وحيده ويفكر شنو الي صار حتى يفكر ينتحر
بعد مرور ساعات الاب والام راحو للبيت حتى يرتاحون وبعدها يرجعون ومريم بقت يم مراد
مريم جنت كاعده يم مراد وسمعته يحجي بصوت ناصي جان يردد اسم أسيل هذا الي كدرت افهمه من كلامه لأن مجان مفهوم
مراد بصوت تعبان وناصي : اـسـيل اـسـيل لا ـتركـيـنـيـ اـسيـل
مريم اذكرت انو اسم حبيبته أسيل واجت بالي فكره طلعت الفون واتصلت ع ...