ماهزني قبلك شخص جاني وحجه ويايه
بس كلبي يمك رجف من أول احجايه
كلما أريد ابتعد ارجع لأن الشبه بيناتنه هوايه
نفس الشكل والعطر ...
ويمكن إذا باوعت تطلع بالمرايه
يالبارد بمظهرك بس گلبك حنين
وتغار لاكن.تضم ..
بس اني اعرفك لأن بعيونك تبين
امنت بيك وصعب مغدور
يرجع بعد بالعالم يامن
بس انته مو هين ..
لتشوف هذا الضحك والقوه والمظهر
صدگني بيه ضعف أكثر ممتتصور 💔😖
__________________________________________________
.....: فاعله خير بس حبيت أحذزج من مراد تره يخونج واذا متصدكين هسه ادزلج الدليل
أسيل مصدومه من الي تحجي هاي البنيه ما اعرف شنو شعوري بس.كل الي اعرفه انو انجرحت وأحس نفسي مخنوكه هي تحجي واني دموعي عشره عشره ويا كل كلمه تكولها حجيت بصوت مبين علي الخنكه : دزي انتظرج سديت الخط ونتظرت واني مو مصدكه الي ديصير وياي معقوله مراد يخوني قطع تفكيري صوت مسج مسحت ادموعي وفتحت المسجات وشفت الصور وياريتني ما شفت شفت صور لمحادثه بينه وبين بنيه اسمها نور يكولها حبيبتي واحبج ....الخ بهالحضه اسودت الدنيا بوجهي وما حسست ع شي
رنين جنت ادور ع أسيل دخلت للكافتريا لكيت الطلاب ملتمه تقدمت وشفت أسيل مغمى عليها هنا انشليت ما عرفت شسوي بس.اجه بالي شي واحد ركضت.....
مراد جنت كاعد بالمكتب اشتغل قطع عليه رنين دخلت تركض وجهها مخطوف هنا حسيت صاير شي مو زين باسيل
رنين وهي كوه تتنفس : استاذ اسـيل
مراد من سمعت اسم أسيل كمت وكفت : احجي شبيها اسيل
رنين : اسيل مادري شبيها لكيتها فاقده وعيها بالكافتريا
مراد بخوف : شتحجين انتي وركضت ورنين وراي
أركض بدون وعي اريد اوصل لاسيل بسرعه هذا جان همي اخيرا وصلت وشفت الطلاب ملتمين عليها صرخت بيهم وبعدو من يمي شلتها بخوف تحت انظار الطلاب الي مامستوعبين شديصير طلعت من الجامعه إني ورنين الي جابت اغراض اسيل خليتها بالسياره ورنين ويانه سقت بسرعه جنونه وصلت للمستشفى شلتها ودخلنه لقسم الطوارى واجه دكاتره ودخلوها لغرفه بقينه ننتظر إني ورنين
بقيت افكر شنو الي صار قبل ساعه إني حاجي وياها ومشتكت من شي وره نص ساعه طلع الدكتور
رنين ومراد بصوت واحد: طمنه دكتور
الدكتور : تعرضت لصدمه نفسيه وعلي اثرها صار عدها انهيار عصبي واحنه انطيناها مهدئ وحاليا نايمه حاولوا تسون كلشي تريده بدون متزعجوها
مراد ورنين الي متفاجئين من كلام الدكتور ومو عارفين شنو سبب هاي الصدمه و
مراد : اكدر اشوفها دكتور
الدكتور : هسه هي نايمه من تصحى تكدر تشوفها
مراد : اوك دكتور شكرا
الدكتور : العفوو واجبي
مراد : رنين
رنين برتباك : نعم.استاذ
مراد :اكعدي اريد.احجي وياج
رنين كعدت: تفضل استاذ
مراد : انتي اتعرفين شنو سبب الصدمه
رنين بتوتر : لا ستاذ ما اعرف
مراد.بقهرر وعصبيه ع حاله حبيبته : رنين لا تخبليني انتي صديقتها المقربه واكيد هي تحجيلج كلشي لهذا لا تجذبين واحجي
رنين بخوف : استاذ والله ما اعرف إني هم متفاجئه لأن الصبح كلشي مابيها مثل الورد ما اعرف شنو الي صار بغيابي
مراد : اوووف.لعد منو يعرف
رنين : ما اعرف خلي ننتظر
يوسف اليوم ما داومت لا إني ولا الشباب أمي كلتلي أروح لجتماع اولياء الامور مال اختي تكول مابيه اروح المهم بدلت لبست بنطرون جوزي فاتح وقميص نيلي وستره كاجول جوزيه وحذاء تكرمون نيلي وساعه نيليه ونظارات وشسورت شعري وحطيت عطر وطلعت ركبت بالسياره وتوجهت المدرسه
مريم جنت انتظر أمي تجي إني وصديقاتي واختي واكفين باب المدرسه
مريم : شو أمي تاخرت
ريم : لا هسه تجي
ود صديقه ريم ومريم : بنات شوفن هذا الصاك الي نزل من السياره
مريم وي تمد راسها من الباب : ووينه وينه
ريم : استحن ولجن
مريم : انتي انطمي ولج.ودايه منو بيهم همه وهاي صاكين 😂
ود وهي تاشر ع الولد : شبيج هذا الي لابس نظارات
مريم بضحك : بوووووويه شني هاي يطك بالكاع 😂😂
ود وريم وزينب : هههههههههه نصي صوتج فضحتينه ولج
مريم بقت مفهيه عليه ما ستوعبت لحد ما شافته كدامها
يوسف اريد ادخل بس.اكو بنيه واكفه بنص الباب هي وصديقاتها وشكلها مفهيه بس الصراحه صاااكه 😍
يوسف : عفوا اختي اريد افوت
مريم بعدهي ع وضعها 😶
يوسف رفعت صوتي : لو سمحتي اكدر افوت
ريم كرصت مريم حتى توخر
مريم استوعبت : هاا عفوا تفضل بس ممكن سؤال
يوسف بستغراب : اي تفضلي
مريم عدلت وكفتها : احم اكدر اعرف شنو اسم العطر
يوسف : عفووا
ود وريم يسحبن مريم : لا لا ماكو.شي مع سلامه
ومشن
يوسف كملت طريقي بس بالي ويا هاي البنيه عجبتني عفويتها وجرائتها
عند البنات
ريم بعصبيه : ولج شسويتي فضحتينا ما تستحين
ود وهي تقلد مريم : اكدر اعرف شنو اسم العطر وثول أن شاءالله هسه شيكول الولد
زينب : يا فشله الفشله
مريم وهي تفكر بالولد الي شافته : هسه شسويت تره موفرات بالموضوع والله
ريم : أمشي امشي اجت امي
يوسف سئلت عن اختي وكملت والحمدالله الكل يكول مستواها عالي شفت طلعت من المدرسه متوجه للبيت .....
أسيل فتحت عيوني ولكيت نفسي بالمستشفى ما اعرف شنو الي صار آخر شي اذكره الاتصال الي جاني وغير مجره حياتي نزلت.دمعه حاره توصف النار.الي بكلبي بس.مسحتها لأن انفتح.الباب.ودخل الشخص الي خاني وطعني وتلاعب بمشاعري بكل وقاحه جاي
مراد : سلامتج حبيبتي خوفتيني عليج
أسيل بعصبيه وكره أي كره : اطلع بره .اطلع من حياتي برااااا
هنا الصدمه جانت جبيره لمراد : شنو انتي شتحجين أسيل إني مراد
أسيل بقهر وعصبيه : كتلك اطلع من حياتي أكرهك تفهم شنو اكرهك برااااااا و بدت تصرخ بهستريه اكرهككك اكرهههك اطللللع برراابرااااااااا 😭😭
مراد بصدمه.من الي ديصير ما تحملت منظرها وتذكرت كلام الدكتور : تمام تمام اهدي راح اطلع
رنين دخلت اركض ع صوت أسيل وشفت حالتها ركضت لها وحضنتها
رنين : خلاص حبيبتي اهدي فدوه
مراد : رنين إني راح اطلع ديري بالج عليها
أسيل : رنين كوليله يطلع ما اريد اشوفه اهئ اهئ اهئ
مراد : تمام تمام
طلعت واني مخنوك ما اعرف شسوي حبيبتي تكولي اكرهك.شسويت حتى تكرهني يارب طلبتك الانسانيه الي احبها والي اشوف الدنيا بعيونها لا تحرمني منها والله بدونها امووت يارب 💔💔 أكيد إني بحلم هذي مو اسيل حبيبتي الي نظراتها جانت كلها حب هسه نظراتها كره وحقد شنو الي غيرج يا عمري
...... يتبع
الكاتبه دندوش ♥
أنت تقرأ
رواية غيرة عاشق ♥( مكتمله )
Humorروايه باللهجه العراقيه من واقع الخيال ان شاء الله تعجبكم 💙
