_معقول يوم ما أتجوز... أتجوز طفلة عندها 16سنة!
_اتنهدت وحطت إيديها على وجهه: يا بني ده نصيب وخلاص مبقاش يفيد الكلام بحاجة هتعمل إيه يعني هترجع إللي فـات؟ وأوعى تنسى يا يوسف إنك وعدت أمها تحافظ عليها عاملها بما يرضي الله يا بني وأنت قلبك كبير وطيب ومؤمن وواثق فـ ربنا وعارف ومتأكد إنه اختارلك الصح.
_عارف يا مـامـا بعد إذنك هطلع أشوفها.
_إتفضل يا حبيبي. _____________________
_أنتِ بتعملي إيه؟
_بعمل أكل.
_الطم؟ أنتِ مش لسه أكله معنا تحت وبعدين مش تغيري فستان الفرح ده يا عروسه ولا إيه؟
_بص بقا يا إسمك إيه أنا جعانه؛ ولعلمك أنا أعمل إللي أنا عوزة مفهوم؟
_(مش قولت جوزوني طفلة الله يسامحك يا خالتو، أنـا يوسف عندي 25سنة نور تبقى بنت خالتي ولأن خالتي متجوزة في الصعيد وكان محكوم على نور تتجوز إبن عمها إللي كان هيدمر حياتها ادبست أنا ولعله خير.)
_طب أنـا داخل أنـام محتاجة حاجة؟
_ردت وهي قاعدة على الترابيزة وبتاكل: لاء؛ بس هو أنـا هنام فين؟
_عندك أوضة أطفال هتناسبك جدًا أبقي نامي فيها.
_ماشي.
______________________
_نوررررررررررررر.
_أعوذ بالله أعوذ بالله في إيه؟ بتزعق ليه؟
_مين عمل في اوضتي كده؟
_بصيت على الأوضة وأنـا كاتمه ضحكتي لو فاكر يـا يوسف إني طفلة صغيرة ومش فاهمه حاجة تبقى غلطان، أنـا بحبك من أول مرة شوفتك فيها دايمًا ماما كانت بتحكي عنك واد إيه أنت حد جميل حد لطيف إنسان عارف دينك ومفيش شبهك:مـا هو أنـا...مـا هـو أنـا.
_أنتِ بتقولي إيه وبعدين بصي يا نور أنا مش بحب الفوضى دِ وبعدين ليه القمصان على الأرض؟.....والجزم كمان!
_أكلت الموزة واتكلمت بلاإهتمام:كنت بشوف حاجة البسها.
_في هدومي!
_أيوة.
_اطلعي براااا.
______________________
_طلعت برا وأنـا بضحك هو لسه شاف حاجة؛بس...بس أنا خايفة..خايفة ميحبنيش ما أنـا مش مُتعلمة زيه ومش زيه أنـا آه ملتزمة والحمدلله بس أنـا مش بعرف إقرأ ولا أكتب وهو...هو مهندس.
________________________
_صباح الخير.
_بصلي وهو بيعدل القميص:صباح النور.
_هو...هو أنـا كُنت حابه أخرج ينفع؟
_بدهشة:تخرجي فين؟أنتِ متعرفيش الشوارع هنا
_بصيت بحُزن: صحيح معرفش الشوارع هنا؛ بس نفسي أخرج عمري ما خرجت عارف نفسي احس إني حرة ونقية.
_ابتسم: أخرجك؟
_بفرحة: ياريت.
_____________________
_عايزة شوكلاتة وعايزة آيس كريم وبيبسي وشبسي وحاجات كتير.
_تاكلني.
_لا شكرًا.
_العفو، بت أنتِ هبله؟
(فضلنا نمشى وأنـا شعور الفرحة مسيطر عليا، شعور إني في حد مهتم يحقق ليك حلمك حتى لو صغير شعور لا يعادل ألف شعور بالسعادة.؟
