Unicode
"ညနေစာ.... ဘာစားမလဲ"
Laptopနှင့်အလုပ်လုပ်နေသော မိုးဦးကိုလာမေးသည်။
"အပြင်မှာမှောင်နေပြီပဲ. . . အလုပ်လေးရှိနေလို့... အချိန်လွန်နေတာ မသိလိုက်ဘူး.... ဗိုက်ဆာနေပြီလား"
". . . . . . ."
"ပိုက်ဆံက အခန်းထဲစားပွဲပေါ်က ကိုယ့်ပိုက်ဆံအိတ်ထဲမှာယူနော်. . . အပိုယူသွားပြီး အဝတ်အစားဝယ်ခဲ့ပါလား. . . ညစာကို... မင်းကြိုက်တာဝယ်ခဲ့လေ... ကိုယ်က ဘာဖြစ်ဖြစ်ရတယ်"
"အဝတ်အစားမလိုဘူး"
အခန်းထဲဝင်ကာ ပိုက်ဆံယူပြီးထွက်သွားသည်။ ကိုယ်ကသာ ရင်းနှီးးသောစကားတွေပြောနေတာ... သော်က အခုထိ ခပ်ပြတ်ပြတ်စကားများသာပြောသည်။ တော်သေးတာက ဒီတစ်ရက်မိုးဦးအနားမှာနေပေးလို့။
မိုးဦး မိမိရှေ့ရေးကိုကြိုတွေးထားမှရမည်။
တွေးထားတဲ့အတိုင်းကို ဖြေးဖြေးချင်းတိတိကျကျလုပ်ဆောင်ဖို့လဲလိုသည်။
မလွယ်ကြောလေးဖြစ်နေတာကို လျှော့တွက်လို့လဲမရသလို သူ့ကိုအထင်သေးတယ်လို့ထင်မှာလဲစိုးရသည်။
မိုးဦးဇွတ်လုပ်သမျှသည် သော့်အတွက်သာဖြစ်သည်။
သော်ပြောသလို ကိုယ် ထားရာနေစေရာသွားဘဝမျိုးနေစေချင်လို့ လုပ်နေတာတစ်ခုမှမရှိပါ။
အတော်ကြမ်းတမ်းတဲ့လမ်းကို လျှောက်ခဲ့ရပုံပေါ်နေတဲ့သူကို အတိုးချပြီးစောင့်ရှောက်ချင်ရုံသာဖြစ်သည်။
ခုထိမေမေ့အကြောင်းလဲ ထပ်မမေးတော့တာကြောင့် ကိုယ်ပြောသလောက်သာ သူသိသေးသည်။ မေမေ့ကိုအတော်လေးခင်တွယ်သူက ဆုံးသွားပြီလို့ပြောစဥ်ခဏသာမျက်နှာပျက်ပြီး ကျန်တာဘာမှမေးမလာတာထူးဆန်းတယ်။
မေမေများ သော့်ကိုတစ်ခုခု လုပ်မိခဲ့လေတာလား။
မဖြစ်နိုင်ပါဘူးလေ. . . မေမေက မိုးဦးအတွက်ပဲကြည့်တာတော့ဟုတ်ပေမဲ့ အဲ့လောက်တော့ မလုပ်တန်ရာ။ မေမေကိုယ်တိုင် သော့်ကိုပြုစုစောင့်ရှောက်ပေးခဲ့တာပဲလေ။ သော့်ကို မေမေ ချစ်တာမိုးဦးသိပါသည်။.
.
.
.
အေးချမ်းသော် ညနေစာဝယ်တာပြီး အိမ်ပြန်ရောက်လို့ပန်းကန်ထဲထည့်မယ်ကြည့်တော့မှပဲ မိုးဦး ကြိုက်တာတွေကိုသာ ရွေးဝယ်လာမိမှန်းသိတော့သည်။ လူကတကယ်ကိုဘာတွေလုပ်မိနေတယ်မသိတော့တာ။ သူ့အကြိုက်ကိုရော ဘယ်လိုလုပ်မှတ်မိနေသေးတာလဲမသိ။
ရှိပါစေတော့လေ... ငါအမှတ်တမဲ့လုပ်မိတာ။ သူလဲသတိထားမိမှာမဟုတ်ပါဘူး။
YOU ARE READING
ချစ်သူ့စကား ရင်နှင့်ကြားစေ
Romanceအချစ်ဟာ ပျားရည်မြစ် အချစ်ဟာ စမ်းရေအေး အချစ်ဟာ ဆောင်းနှင်းရည်နဲ့သီးတဲ့ချိုမြိန်သစ်သီး အချစ်ဟာ နွေဦးရဲ့လေပြေ အချစ်ဟာ မိုးဆန်းပန်း အရမ်းချစ်တယ်♥♥