Unicode
ရဲရင့် ဒီရက်ပိုင်းမှာ မိုးဦးအနားတကပ်ကပ်နဲ့ဖြစ်နေတယ်။
မမပြောထားတဲ့ကိစ္စစုံစမ်းရမယ်လေ။
တကယ်လဲ ပြောချင်စရာ ထင်ချင်စရာကြီး။ တစ်နေ့ ဖုန်းကို ဘယ်နှစ်ခါပြောတာလဲမသိ။ ပြောတိုင်းလဲ ပြုံးလို့ရွှင်လို့။ အသံကနူးညံ့လွန်းလို့ လေထဲမှာပင်ပျော်ကျတော့မတတ်။ မမပြောတာ သေချာသလောက်ရှိနေပါပြီ။ ဖုန်းပြောခြင်းရဲ့ ၉ကြိမ်မှာ ၇ကြိမ်လောက်က သော်ဆိုတာချည်းပဲ။
ဒီနေ့မထင်မှတ်ဘဲ ကိုမိုးဦးနှင့် ရဲရင့် အပြင်ကိုအတူသွားရသည်။
အလုပ်ကိစ္စ စကားပြောပြီးတော့ ကိုမိုးဦးက toilet ခဏဝင်မယ်ဆိုပြီး ဝင်သွားတယ်။ အိတ်ကိုအပြင်မှာ ရဲရင့်နှင့်ထားခဲ့သည်။ ထိုအချိန်မှာပဲ ဖုန်းသံ ကြားလိုက်ရတာ။
ရဲရင့် သူတပါးဖုန်းကို ကိုင်ဖို့မရဲဖြစ်ရတာမို့ မကိုင်မိ။ မကိုင်ပေမဲ့ ကြည့်တော့ကြည့်မိလိုက်သည်။ ဖုန်းခေါ်နေသူက. . .သည်းသော် တဲ့။
အဟမ်းးးးးးအဟွတ်. . .အဟွတ်. . . နာမည်မှတ်တာကလဲကွာ။
ငါပါ ရင်တွေခုန်တယ် တကယ်။
ရဲရင့်ကဘာအတွက် ရင်တွေခုန်နေလဲမသိ... ရင်ထဲတလှပ်လှပ်ခုန်နေတာ။
ခဏနေမှ ကိုမိုးဦး ပြန်ထွက်လာသည်။
"အကိုမိုးဦး..ခုဏ အစ်ကို့ဖုန်းလာနေတယ်. . . ကျွန်တော်...မ...မကိုင်လိုက်ဘူး"
"ဟုတ်လား"
ပြောရင်း ကိုမိုးဦးက ဖုန်းပြန်ခေါ်ဖို့လုပ်သည်။
.
.
"သည်းသော်.... ဖုန်းခေါ်တာလား... ကို့ကို ဘာပြောဖို့လဲ.."
အမလေး. . . ဘုရားနဲ့သိကြားပါလား။
ရဲရင့်အတွေးများ မှောင်မိုက်ပြာဝေသွားတော့သည်။
ဒီတိုင်းကို ခေါ်ချလိုက်တာပါလား။ ငါ့ထက် သတ္တိရှိတာပေါ့။
ငါ့မှာတော့ ဟိုလုသိမှာကြောက် ဒီလူသိမှာကြောက်နေတဲ့ချစ်သူလေးကြောင့် ဘာမှမတတ်နိုင်ဘဲ အတူလိုက်ပြီးဖုံးကွယ်နေရတယ်။ သူတို့ကျတော့လဲ တစ်မျိုးပါလား။
မမပြောသလိုပါပဲလေ။
သူ့ဘဝ သူ့ကမ္ဘာ ပိုင်စိုးသူကိုတွေ့ရတော့ ပတ်ဝန်းကျင်ကိုမေ့နေတာ မေ့နေတာ။ သေချာပြီဆိုရင်တော့ ငါ့ကောင်ကို ငါမေးမှဖြစ်တော့မယ်။
ČTEŠ
ချစ်သူ့စကား ရင်နှင့်ကြားစေ
Romanceအချစ်ဟာ ပျားရည်မြစ် အချစ်ဟာ စမ်းရေအေး အချစ်ဟာ ဆောင်းနှင်းရည်နဲ့သီးတဲ့ချိုမြိန်သစ်သီး အချစ်ဟာ နွေဦးရဲ့လေပြေ အချစ်ဟာ မိုးဆန်းပန်း အရမ်းချစ်တယ်♥♥
