Unicode
မိုးဦးနှင့် သော် အပူအပင်တွေမရှိဘဲ အချစ်တွေသာပြည့်နှက်နေပြီး တစ်ယောက်မျက်နှာတစ်ယောက်ကြည့်ကာမဝသော နေ့ရက်များပါပဲ။
ဤနေ့ရက်များကိုနှစ်ဦးလုံးတန်ဖိုးထားပြီး တစ်သက်မမေ့ပါ။
ချစ်သူနှင့်အတူဖြတ်သန်းရသောနေ့ရက်များသည် လွန်ကဲသောတန်ဖိုးနှင့်ဖြစ်သည်။သော် ကိုးတန်းစာမေးပွဲလဲပြီးခဲ့ပြီ။
အပြင်ဖြေဖြစ်တာမို့ သော့်အတွက်မခက်ခဲ။
အသက်အရွယ်တစ်ခုရောက်နေတာမို့ အတန်းစာမေးပွဲသည် သော့်အတွက်ရှက်စရာလိုထင်မြင်ခဲ့သော်လည်း မိုးဦးကြောင့် ထိုအခက်အခဲကိုလွယ်ကူစွာပင် သော် ကျော်ဖြတ်နိုင်ခဲ့သည်။သော့်ကို ရက်အနည်းငယ်အနားပေးပြီးတာနဲ့ ဆယ်တန်းအတွက်ပြင်ဆင်ရတော့မည်။ နောက်နှစ်က သော့်အတွက်ပိုအရေးကြီးသည်။
စာမေးပွဲကပြီးနေပြီဆိုတော့ သော် အိမ်ထဲမှာသာနေဖြစ်တော့တယ်။
မိုးဥှီး သော့် ကို သူမပါဘဲ သိပ်အပြင်မထွက်ခိုင်းပါ။
သော်ကိုယ်တိုင်ကလဲ အပြင်မထွက်လိုပါ။
အရင်ကတည်းက သော်က အိမ်ထဲမှာပဲပျော်တတ်တဲ့ကလေး။
အပြင်ထွက်ရတာကို သိပ်မကြိုက်လှသူပါ။
လွန်ခဲ့သောနှစ်တွေမှာ သော့်ဘဝခရီးကြမ်းကိုလျှောက်ခဲ့ရပေမဲ့ အခလြိလြုံခြုံသောခိုလှုံရာအစစ်အမှန်ဆီပြန်ရောက်တာနဲ့ သော်က ငယ်တုန်းကအကျင့်လေးအတိုင်းပဲ နေတော့တယ်။သော့် နေ့စဥ်အလုပ်များမှာ. . . မိုးဦး မနိုးခင်ထကာ မနက်စာပြင်သည်။
မိုးဦးအတွက် သွားတိုက်ဆေးမှအစ ထည့်ပေးပြီးသား။
ခုဆို မိုးဦး နေ့လယ်စာသည်လဲ ကြုံသလိုမဟုတ်တော့ဘဲ သော့်လက်ရာ ထမင်းဗူးနှင့် မိုးဦး ရုံးသို့တင့်တင့်တယ်တယ်သွားရခြင်းဖြစ်သည်။
သော်က တစ်နေ့တစ်မျိုး မရိုးရအောင် ချက်ပြုတ်ထည့်ပေးသည်။
အိမ်ရှင်ထီးလေးက မိုးဦးကိုအသေးစိတ်ဂရုစိုက်ပေးတာ။
.
.
."သော် ရေ. . .သည်းသော်"
မိုးဦး အိပ်ယာထဲမှခေါ်သံ
"ကို ... သော် ရှိတယ်"
ချက်နေရင်း ပြန်ထူးသံကြားပေမဲ့ ရှိရုံနဲ့ရမလား။
YOU ARE READING
ချစ်သူ့စကား ရင်နှင့်ကြားစေ
Romanceအချစ်ဟာ ပျားရည်မြစ် အချစ်ဟာ စမ်းရေအေး အချစ်ဟာ ဆောင်းနှင်းရည်နဲ့သီးတဲ့ချိုမြိန်သစ်သီး အချစ်ဟာ နွေဦးရဲ့လေပြေ အချစ်ဟာ မိုးဆန်းပန်း အရမ်းချစ်တယ်♥♥