حب عن طريق الخطأ

البارت الثاني 2

شفت اخوية عامر واگف رأساً سويت روحي دالم بالملابس و اني گلبي صار مثل الاوركسترا 🤣 يلعب لعب و وجهي صار مثل الليمونة حسيت دمي نشف مگدرت اسد الخط اجه وگف گبالي گال
عامر : شدتسوين هنا
وجن : داشيل الملابس من الحبل (و متوتره )
عامر : و ويامن جنتي تحجين سمعتج تحجين
وجن : داحجي ويا زينب
عامر : انطيني تليفونج
وجن : انطيته التليفون و اني ارجف بس اني صدك كاتبه على علي زينب ٢
اخذ التليفون و باوع بيه و الحمدلله علي محچه و لا كلمة رجعلي التليفون و گال
عامر : ديري بالج على نفسج زين (بتهديد حسيتها)
وجن : ان شاء الله خوية 😅
( طبعاً اخوية عامر من نوع ميحب هالتصرفات مال ولد و مخابرات دائماً يوصينا و ميحب هيج بنات يگول ابتعدن عنهن )
اخذت الملابس و صعدت لغرفتي كرهت نفسي بهاللحظة مو اني الي اتصرف هيج واخون اهلي و ثقتهم بيه عمري مسويت هيج اخاف و اتلبد و احجي من وراهم كعدت ويا بيت عمتي و اهلي و مبين عليه الضوجة راحوا بيت عمتي خابرت علي :
علي : ها جوجو حبيبتي شونج اشتاقيتلج بالساعتين هذن
وجن : هلا
علي : هذا اخوج مساع حچه ويايا خفت عليج خوما صارت مشكلة
وجن : لا
علي : ما اشتاقيتيلي ؟
وجن : مدري
علي : شبيج هيج باردة صاير شي احد مضوجج
وجن : علي احنا لازم ننفصل انساني اوك
علي : ليش تحجين هيج بدر مني شي
وجن : لا بس اني ما اريد اكمل وياك مو اني التصرف هيج و اشتغل بالسر من وره اهلي سديت التليفون ظل يتصل و يتصل و يدز مسجات( جاوبيني لتشلعين گلبي شنو ذنبي تسوين بيه هيج لأن حبيتج وج اني صرت مثل الطفل ما انام اذا مسمعت صوتج) انقهرت بالزايد خليت تليفوني عدم ازعاج و تمددت و دمعتي بطرف عيني الي يطخني ابجي اجتي اختي لجين كعدت گبالي گالت
لجين : ولج وجن ممرتاحتلج احجي شبيج
وجن : رأساً بجيت
لجين : يا عزا ولج احجي شبيج منو وياج
وجن : حجيت الها كل السالفة و شون تعرفت عليه و سوالفه لحد سالفت عامر و شون راسلته و گتله عوفني
لجين : اوووي حبيبتي ليش مسولفتيلي  .. خطية الولد انقهرت عليه بس زين تسوين ولج عامر اذا دره بعد ميخليج تشوفين تليفون بحياتج
وجن : اي بعد ما احجي ويا عفته 😞
لجين : يلا حبيبتي لتضوجين ويا الايام تنسين
وجن شلون انسى (بيني و بين نفسي) داگول اتعودت عليه صار جزء من يومي بدونه يومي مكامل 😔
گامت لجين گالت حسوي سحور شويه و تعاي حتى تاكليين
وجن : ما اشتهي والله
لجين : انجبي تاكلين
وجن : اوك
راحت لجين كمت سبحت بجيت شويه جوه المي ارتاحيت طلعت من الحمام بدلت لبست تراك وردي و مشطت شعري سويته ذيل حصان و نزلت گعدنا كلنا على السحور طبعاً اني عادتي احشش و اسولف بس هالمرة جنت طول الكعدة ساكتة و ما احجي شي انتبه عليه بابا گال
الاب : وجن هاي شبيج بابا اليوم ليش صافنه و حتى مدتاكلين
وجن : مبيه شي بابا (طبعاً كل الكاعدين صافنين عليه و خاصةً عامر احسه ديخنزر بيه)
الاب : لعد اكلي بنيتي
وجن : ماشي بابا
اكلت و خلصنا اكل گاموا اهلي من السفرة  لزمت المواعين غسلتهن نظفت المطبخ اذن صليت رجعت اشتغلت شغل عبالك شغل تنظيف العيد بس اريد الهي نفسي ما اريد افكر بعلي ادري رح اضعف و ارجع اخابره اريد اتمسك بقراري هالمرة نظفت البيت كله تعبت صارت الساعة بالسبعة الصبح حيلي مهدود صعدت لغرفتي ملزمت التليفون رأساً نمت كعدت الساعة ب٢ لزمت تليفوني شفت ٨٦ مكالمة من علي و ٢٢ مسج واحد منهن مكتوب اني هسه بالدوام بالموصل بس انزل اجيبج والله اجيبج و اجيج لبيتكم و انصدمت على اخر مسج مكتوب بيه ....
يتبع ...........
لا تنسون النجمة و اذا عدكم اصدقاء عدهم واتباد شاركوا وياهم القصة ❤️