حب عن طريق الخطأ

البارت السادس 6

رجعت من الدوام جنت كلش فرحانة لأن شفت علي و كعدت ويا هايه اول مرة نگعد سوا صح جنت مستحيه شويه بس تعلقت بيه اكثر و حبيته اكثر گلي شوكت اگدر اجي لبيتكم و اتقدملج مجاوبته صح اريد اكون ويا بس بنفس الوقت خايفة من رد فعل اهلي هو من بغداد و اني من البصرة هنا هنا
خابرني
علي : الو جوجو وصلتي للبيت
وجن : اي وصلت
علي : مجاوبتيني شوكت اجي اتقدملج
وجن : على كثر ما حابه نكون سوا على كثر ما خايفة من اهلي يرفضون
علي : ليش يرفضون حبيبي اذا على المادة الحمدلله اني راتبي زين و اذا على الشهادة اني خريج و اذا يردون بيتج وحدج عادي افتحلج بيت
وجن : لا مو هيج بس اني اهلي ميحبون سوالف حب و ما حب و مخابرات احتمال يعاقبوني و يرفضونك
علي : شحدهم اجي اخطفج من نص بيتكم والله
وجن : ههههه اصدك اي شي تگوله
علي : لعد شعبالج لج اني بس علمود المح عيونج و اخذ منج نظرة مسوي الدرب بصرة بغداد😂
وجن : الله يخليك الي و يجمعنا سوا
علي : امين
سديت التليفون منه و گمت سبحت و غيرت ملابسي كعدت بلشت بالمحاضرات منزلت ظليت ادرس كملت دراسة نزلت سويت عشا تعشينا و نظفت المطبخ
صعدت لغرفتي كالعادة لازم احجي ويا علي قبل لا انام گتله
وجن : متجي باجر للدوام لو تجي حتى البس لبس محشوم
علي : اكلي تبن و لبسي لبس عريض و لتلبسين ضيگ ما اگلج شوكت اجي اسويها فجأة و اجيج للكلية و اذا لبسح معجبني اسحلج
وجن : 😂😂 والله كلشي تسوي ما استبعد عنك شي
علي : وج والله كله علمود
وجن : ظلينا نحجي ساعتين بعدين سديت منه التليفون و گمت نمت كعدت من الصبح كالعادة سبحت و غيرت ملابسي لبست ملابس طلعن ضيگات شويه تذكرت حچيه غيرتهن لبست تنورة كلوش ميدي و قميص و شال و طلعت للكلية وصلت شفته ما اجه
خلصت دوام رجعت للبيت خابرته گال توني كعدت من النوم ظلينا نسولف
علي : دزيلي صورة داشوف شلابسه اليوم
وجن : والله كله واسع
علي : صدگتج
حجينا شويه وراها نمت مرت ايام وصلنا يوم الخميس الونيس بابا گال يلا اليوم نطلع لبغداد نرجع السبت بالليل هم نزور و هم نتونس اني كلش فرحت عبالك اول مرة نطلع لونروح لبغداد خابرت علي گتله گال وين مترحون گليلي و لبسي لبس زين و لتضحكين و و و تعرفون بعد توصياته
گمت سبحت و بدلت لبست كيلوت اسود و قميص ابيض و شال وردي و جنطة و الحذاء بلون الشال و مكياج بسيط طلعنا بالاربعة الفجر وصلنا الصبح للكاظمية زرنا و تريكنا نزلنا بفندق راسلت علي و كتله گال بعد وين ترحون گتله رح نام و العصر نطلع
رحت نمت كعدنا العصر بابا گال يلا خلي نروح لمول بغداد بالحارثية و نتعشى هناك
كمت طلعت احلى ملابس عندي جايبتهن ويايا و سويت مكياج كلش غامق بحيث اهلي كلهم يباوعون عليه
عامر : وجن عندج عرس خففي مكياجج رايحين مول و كله شباب
الام : اي صدگ وجن خففي
الاب : اتأخرنا خلوها هسه بس بعد لتعيديها
وجن : ماشي بابا 🙃
گلت لعلي رايحين للمول قبل لا ابدل طبعاً اول ما وصلنا لباب المول شفته كل هاللبس و المكياج و الجمال و يخنزر بيه معاجبه 😂💔
دخلنا كعدنا بمطعم دزلي مسج گومي انتظرج يم فلان محل بالمول اني كمت گلت الهم اريد اشتري شي للكلية حذاء جنطة عامر گال اروح وياج گتله انت متعجبك هالسوالف تظل تجرجر بيه رح اخذ لجين بابا گال محتاجة فلوس گتله لا عندي گمنا اني و لجين
وجن : لجين اني گايمه اشوف علي
لجين : عزا بعينج والله لو يدري ابويه لو عامر يسحلونج بالمول ينظفون بيج الارضية
وجن : وج اسكتي فضحتينا انتظريني هنا يم باب المحل سوي روحج تباوعين من يجي احد من اهلنا تعاي اوك
لجين : اوك
دخلت شفت علي سلمت عليه مرد رأساً كال
علي : شمسويه بروحج شنو هالمكياج اني شگايل اسحلج هسه
وجن : علي شبيك غير علمودك
علي : اني احبج بدون مكياج بدون هالطحين هذا 😂
وجن : اشتريلي هدية على ذوقك و اشتريلك هدية على ذوقي
علي : ماشي تدللين
اشتريت لعلي قميص و هو اشترالي حذاء يجنن ذوقه يخبل راح لعرفة القياس و لبس القميص و ظل بيه رجعنا گعدنا على الطاولة صار بالطاولة المقابيلي ظليت اباوع عليه و ابتسم و هو هم يباوعلي انتبه عليه اخوية سجاد
..... يتبع