انتبه علينا اخوية سجاد خزرني گال گومي گعدي بمكاني عامر انتبه گال شكو
سجاد : ماكو شي
عامر : اكيد ؟
سجاد : اي
وجن خفت وجهي صار اصفر سجاد ظل يباوع لعلي و يخزر بيه و يخزر بيه اني ردت اگوم اگول لعلي يطلع من المول كمت
سجاد : وين ؟
وجن : للحمام
سجاد : امشي اني اخذج
اخذني سجاد للحمام من وصلنا لزمني من ايدي احسن اصابعه نبتت باللحم
سجاد : احجي منو هذا الولد و منين تعرفيه هايه النظرات مو مال توه صارلي من اجيتي من المحل اباوع عليج لهسه و شفته اجه وراج جان وياكم مو
وجن : ظليت بس اباوع مدري شحجي خفت و ما اشوف الا علي واگف گبالي اجه
علي : شوف اخوية اني احبها لأختك والله شاهد ناوي اتقدم الها
سجاد : ليش منين تعرفها حتى تتقدم الها (لزمه من ياقته)
علي : اول شي هدني مو اسلوب هذا
سجاد : هه ولك اني هسه المفروض اسحلك بس اريد اخذ الزبدة و ما اريد يأذون اختي
علي : عليمن يأذوها داكولك اريد اتقدم الها
سجاد : منين تعرفها
علي : اعرفها صارلي ٤ شهور من التليفون و حابها و اريدها
وجن سجاد باوعلي و خزرني و گال
سجاد : امشي منا لا اسحلكم اثنينكم هسه و امسح بيكم المول امششششي (زمخ بوجها)
علي راح حتى لا يأذيني سجاد بس اني كلش خفت باوع سجاد بعيوني و گال
سجاد : كلشي مرح اسويلج و لا رح احجي لابوية سواد وجهج و حتى تليفونج رح يظل عندج بس رح تبقى عيوني عليج و تليفونج مراقب اذا حاچيتيه هاي الله كتبها عليج
وجن : ( من خوف انربط لساني محجيت شي بس هزيت راسي بمعنى اي )
رجعنا گعدنا باوعت مشفت علي اكيد راح ظلينا كاعدين شويه طلبوا عشا اجه العشا ما گدرت اكل كلهم سألوني ليش مدتاكلين گلت الهم ما اشتهي بطني توجعني بابا گال معناها بس نخلص نرجع للفندق حتى ترتاحين
رجعنا للفندق لگيت هوايه مسجات من عليه ع الماسنجر شفتهن و مجاوبت اتذكرت حجي سجاد بقينا ابغداد يومين و اني مداحجي ويا علي رجعنا للبصرة اول موصلت للبيت صعدت لغرفتي دخلت للحمام سبحت ظليت ابجي مشتاقه لعلي كلش هوايه طلعت من الحمام خابرني
علي : الو ها جوجو حبيبي
وجن : نعم
علي : مشتاقلج
وجن : تشتاقلك الجنة
علي : بس الجنة ؟
وجن : اي
علي : اوك لعد اني باجر تخلص اجازتي و رح اصعد للدوام
وجن : الله وياك دير بالك على نفسك
علي : اوك مشكورة ظلي هيج باردة ويايا بس والله من ارجع اخطبج و اريد اشوف منو ميقبل لو مينطيج الي
وجن : باي
و سديت التليفون كعدت ابجي و اندب حظي كلشي ضدي 🤦🏻♀️
تعبانة من الطريق نمت كعدت بالخمسة درست شوية و حضرت ملابسي الي اداوم بيهن صارت بالستة و نص كمت سويت ريوك صارت بالسبعة تريگنا نوب صعدت بدلت و حطيت مكياج قوي حتى اخفي اثار التعب و السهر نزلت جوه طلعت لكيت ابو الخط ينتظرني وصلنا للكلية اباوع للمكان الي يوگف بيه فارغ انقهرت 😞 و ضجت لان ضوجته بس مو بيدي
على طول الدوام مفهيه و حتى ما استفاديت من المحاضرات خلص الدوام رجعت للبيت خابرني
علي : شويه و اطلع للدوام بعد متسمعين صوتي ١٥ يوم مراح تشتاقيلي
وجن : الله وياك
علي : اوك باي
وجن : باي.. سديت التليفون و سويته صامت كرهت نفسي بس احرگ بأعصابه
نمت حتى غدا متغديت
كعدت الساعة بالستة المغرب لگيته مخابرني هوايه و رسالة مكتوب بيها (وجن ابريني الذمة احنا بالطريق حالياً بالانبار و هجموا علينا دواعش ردت اسمع صوتج و بعده مجاي المدد لو يلحگون لو ميلحگًون )
....... يتبع
أنت تقرأ
حب عن طريق الخطأ
عاطفيةالقصة مزيج بين الخيال و الواقع بعض الاحداث حقيقة تحجي عن بنوته تتعرف عن طريق الخطأ بشاب عسكري بالتليفون و بعدين تتطور الاحداث ❤️😍 وجن و علي ❤️
