اسمي وجن عمري ٢١ سنة من البصرة كلش حلوة (🤦🏻♀️😂 من مدح نفسه ذمها ) شعري اشقر طويل نازل عن ظهري و عيوني عسليات بيضة قصيرة و جسمي مناسب لطولي سمبتيك ع گولة المصريين بالكلية مرحلة ثانية ادرس هندسة مدني
يوم من الايام داتصل على صديقتي اسمها زينب دگيت رقم غلط (اني حافظته لرقمها ف ما احب ادور رأساً اكتبه بس بيومها انثولت ) گلت الها
وجن : زنوووووبة لج فرحات اعترف بحبه لأصلي و باساها يووووومه البوسه تگطع تگطع (هسه عرفتوا بيمن انثولت 😂)فهو رأسًا گلي
علي : ها شنو تردين مثلها اني هنا وجهي صار الوان الون
وجن : عفواً منو
علي : اني زينب يلا كملي سالفة فرحات
وجن : احجي منو
علي : انتي غلطانة بالرقم اني مو زينب بس يا ريتني زينب
سديت التليفون رأساً و كعدت اغم بنفسي و اضحك على روحي 😂
خابرت صديقتي زينب و حجيت الها الموقف الصار ويايا طبعا زينب صديقتي من المدرسة كلشي احجيلها انتيمتي هم ويايا بالجامعة و جيرانه بس هي غير قسم نروح سوا و نرجع سوا
سديت المكالمة من زينب هذا الحجي برمضان طبعاً صارت الساعة ب٢ گمت سويت سحور و تسحرنا اني و اهلي احنا امي انفال و ابوية علي و اخوتي ٢ عامر و سجاد و خواتي لجين و سارة عامر الكبير و بعده سجاد نوب اني و ورايه لجين نوب سارة بزر الكعدة
خلصنا سحور گامت اختي لجين غسلت المواعين رتبنا المطبخ
بعدين اذن و صلينا صعدت فوگ لغرفتي دانام و اتصل الرقم فتحت خط گتله نعم خير شرايد
علي : وحدة وحدة يمعودة هذن كلهن اجاوب عليهن
وجن : احجي رح اسد التليفون شعندك
علي : عليج الله شكد عمرج صوتج عبالك طفلة
وجن : ٢١ سنة ارتاحيت
علي : اروح فدوة العمر كله .. اني اسمي علي عمري ٢٧ من بغداد زين انتي شسمج و منين
وجن : وانت شكو ؟ يلا دعبل اريد انام
سديت التليفون منه و رحت نمت بس بيني و بينكم كلش عجبني صوته و خاصةً اني محاجيه من قبل ويا شخص بالتليفون و هايه السوالف مال مراسلات حتى زملاء الكلية ما بينه حجي بس سلام و على گد الدراسة فشدني اله و اعجبت بيه ... نمت كعدت ويا صلاة الظهر صليت رجعت نمت گعدتني امي ب٢:٣٠ علمود اسوي دولمة كمت حضرت غراض الدولمة و كعدت دالف اتصل فتحت خط و عفته محجيت و خليت هيدفون بأذني ظل يحجي الو الو يمعودة اني ما احجي ظل يحجي و يغني و يحشش و اني بس اضحك عليه ماما حاجتني
انفال : وجن من تكملين الدولمة حتى تسوين خلية نحل بالجبن
وجن : تدللين ماما
علي : اويلي وجن وجن وجن اسمج يخبللللل
اني ساكتة بس اضحك
انفال : هاي شبيج وجن بس تضحكين
وجن : ماكو شي ماما داسمع اغنية تضحك
علي : يعني اني صوتي اغنية لك اويلي ❤️
سديت التليفون منه كملت شغلي و طبخت الدولمة و سويت خلية نحل و ماما سوت المرگ و التمن و حضرنا المواعين اذن فطرنا و صلينا نوب تفطرنا شلنا اني و لجين المواعين غسلناها و رتبنا المطبخ صعدت فوگ لغرفتي دخلت للحمام سبحت و لبست تراك برمودة سودة و فانيله حمرة و شسورت شعري و كعدت اتفرج برنامج متابعته و شفت مسلسل اتصل علي
علي : هلااااو جوجو
وجن : هلا .. جوجو منو
علي : انتي طلعتلج تدلوعه هايه خاصة بس الي محد يصيحج بيها 😋
وجن : و منو گال اريد احجي وياك اني حتى تصيحني وتدلعني
علي : وج احجي منكسر گلبج عليه وج والله صوتج خبلني نوب اسمج وجن تخبلت بالزايد و عمرج ٢١ لج اضرب نفسي بالحايط هسه
وجن متحملت طگيتها ضحكة طويلة
علي : يا بوية نوب شوف الضحكة هسه بينت الشمس
وجن : الساعة بالتسعة يا شمس
علي : انتي الشمس و القمر سوا
وجن : خجلتني شجاوبك
علي : اروح فدوة للخجلان
وجن سكتت
علي : انتي منين
وجن : من البصرة
علي : اويلي اروح فدوة لهل البصرة السمراويات
وجن : لا اني بيضة مو سمرة
علي : اي عفية احجيلي عنج
وجن : ليش بلا
علي : عاجبني اتخيل شكلج عجبني اسمج و صوتج و عمرج اريد اشوف انتي هم حلوة مثل صوتج زين شنو لون شعرج و طويل لو قصيرو لون عيونج و طولج و وزنج
وجن : شعري طويل اشقر و عيوني عسلي و طولي ١٥٣ و وزني ٥٤
علي : يا يابة يا بوية يعني تنوكلين يعني گيمر
وجن : هههههه اي كيمر و كاهي مبقى شي للعيد
علي : نوب تحشش اويلي
وجن : ظلينا نحجي حچيتله عن نفسي و عن تصرفاتي و لبسي و هو هم حجالي مرت ايام و راحت و احنا نسولف و نحجي مكالمات سوا كلش تعودت عليه صار جزء من يومي اذا محجيت ويااحس صار نقص عندي مرة من المرات و بعدنا رمضان عزمنا بيت عمتي على الفطور تفطرنا و غسلت المواعين و شغلي مال كل يوم صعدت لغرفتي و بنت عمتي اسمها ضي اكبر مني بسنة نريدها لاخوية عامر يحبها و تحبه كعدت يمي نسولف على الدوام و ع الشغل و كذا سوالف بنات بعد اتصل علي هو يتصل و اني ارفض بيهن عشرت مكالمات حتى ضي انتبهت اخر شي دز مسج جاوبي ولج ظل گلبي يمج
گلت لضي حنزل جوه اشرب مي تردين اجيبلج شي گالت لا ما اريد
نزلت عدنا غرفة فارغة نخلي بيها زوالي و نشر ملابس ظلمة بيها كهرباء وگفت يم الشباك و ظليت احجي ويا تقريباً ربع ساعة وره شوية انتبهت و ما اشوف غير اخوية الجبير عامر واكف و صافن عليه و عيونه حمر 🤦🏻♀️💔
يتبع ...
أنت تقرأ
حب عن طريق الخطأ
عاطفيةالقصة مزيج بين الخيال و الواقع بعض الاحداث حقيقة تحجي عن بنوته تتعرف عن طريق الخطأ بشاب عسكري بالتليفون و بعدين تتطور الاحداث ❤️😍 وجن و علي ❤️
