طلعت بره و شفت شوفه انصدمت صدمه اخت الجذب شفت علي گبالي راكب بسيارته اول مطلعت باوع عليه ابتسم و غمز 😂 اتخربطت احوالي بين الصدمة و الخوف و الفرح طليت واگفه مثل الثولة و مفهيه اجتي ماما گالت
انفال : وجن وجن وجن
وجن : بلي ماما
انفال : هاي شبيج داحجي وياج وين عقلج اكيد يم السوگ الملابس
وجن : اي ماما صح صح
انفال : يلا صعدي خلي نروح
وجن : صعدت و اني عيني عليه و اكول هذا مو سهل بس كلش فرحانة لان شفته بالحقيقة شكله بالحقيقة هوايه احلى عن شكله بالصور .. وصلنا اني و ماما للمول (بصرة تايم سكوير) كل ما التفت الگاه گبالي و يدز مسجات لتضحكين لتمشين هيج لتكعدين لتگومين شنو هذا اللبس الي اختاريتي معجبني 😂 الحمدلله ماما ما انتبهت جان صارت كتلتي عمل شعبي
رجعنا للبيت صعدت فوگ خابرت علي
وجن : هلو حبيبي
علي : هلو يا روحي
وجن : اليوم صدمتني ترى
علي : عليمن صدمتج سهلة اجيت اشوفج لأن رح ينقلوني على الحدود اسبوعين بدون شبكلة بدون نت ما اكدر اسمع صوتج و لا اعرف اخبارج
وجن : لا علي لا دكولها 😭
علي : لتبجين حبيبي هن اسبوعين و ارجعلج وعد
وجن : شوكت تروح لهناك
علي : هسه اني بالطريق راجع لبغداد و ان شاء الله بعشوي بالليل ب١٢ اطلع للدوام على حدود سوريا
وجن : علي كلش خايفة عليك مو امان الحدود
علي : اروح فدوة لليخاف عليه لج انتي شنو كشمش 😂
وجن : ضحكت حتى اجامله بس بداخلي مقهورة حيل ظلينا نسولف نوب سديت التليفون نزلت سويت غدا و نظفنا صعدت لغرفتي رتبت الغراض صارت الليل تعشينا صعدت سبحت و لبست دشداشة قصيرة صفرة خابرني علي
علي : حبيبي اني رح اطلع دير بالج على نفسج بعد ما اسمع صوتج منا ل١٥ يوم
وجن : لتذكرني مقهورة شلون اعرف اخبارك
علي : گولي يالله لتخافين ما اتأخر عليج 😘
وجن : خليك ويايا لحد متروح الشبكة
علي : ما اكدر حبيبتي والله ويايا جنود و تدرين بيه اغار
وجن : ظليت ابجي و اشهگ و هو يصبر عليه سدينا التليفون و اني بس ادعي يرجعلي بالسلامة دخت و نمت گعدت ب٤ الصبح لگيت مسج اني رح اوصل لمكاني و رح تروح الشبكة مني احبج كلش هوايه و رح اشتاقلج
انقهرت بالزايد لان مكدرت ارد عليه كعدت ضايجة تعودت عليه كلش انقهرت و خايفة عليه .. ظليت من بعد هذا اليوم ٢٤ ساعة ضايجة و مغندبة كلهم انتبهوا عليه و يسألوني و اني اتحجج بأشياء و حجج و اعذار . اليوم صار كلش طويل احاول افتح محادثات علي و اقراها و اسمع بصماته عبالي هالشي يصبرني نوب اشتاقيتله بالزايد صعدت فوگ لغرفة لجين
وجن : لجين اني نفسيتي تعبانة و ضايجة
لجين : هه تگليلي هو اني اكثر وحدة منتبها عليج اكيد من وره استاذ علي
وجن : علي راح للحدود و صارله يومين ممحاجيني 😞
لجين : عزااا ولج الحدود كلها دو١١عش خطره
وجن : امداااااج خوش تصبرين ع الواحد
لجين : هههههه لا لتخافين الله الحافظ
وجن : طلعت من يمها و الخوف اكلني بالزايد مرت الايام و اني ابد مالي خلگ لكلشي ضايجة و مفهيه احسب بيه اتمنيت اعرف اهله قرايبه خافي الاصدقاء من الفيس ظليت اتابع الكومنتات عسى و لعل اعرفهم معرفت مشت الايام و اني احسب لرجعته ساعة ساعة بقى يومين لرجعته جنت واگفه بالمطبخ داساعد امي بالغدا اتغدينا و كملنه نظفت المطبخ و غسلت المواعين وكملت شغلي صعدت فوگ لغرفتي دخلت لغرفتي اتمددت على سريري و فتحت التليفون و شفت مسجات هوايه بالماسنجر و يا ريتني مشفتهن 😣💔💔💔.......
اتوقعوا بالتعليقات شنو شافت بالمسجات و مو تنسون النجمة ❤️
أنت تقرأ
حب عن طريق الخطأ
Roman d'amourالقصة مزيج بين الخيال و الواقع بعض الاحداث حقيقة تحجي عن بنوته تتعرف عن طريق الخطأ بشاب عسكري بالتليفون و بعدين تتطور الاحداث ❤️😍 وجن و علي ❤️
