حب عن طريق الخطأ

البارت الخامس 5

دخلت لغرفتي اتمددت على سريري و فتحت التليفون و شفت مسجات هوايه بالماسنجر و يا ريتني مشفتهن 😣💔 شفت بنية دازتلي ٢٥ مسج و ١٠ مكالمات هلو ردي ردي شغلة ضرورية يمعودة ردي كلش خفت و تفاجأت گلت منو هاي جاوبتها
وجن : هلاوات تفضلي عيني شرايده
البنية : هلو اگلج اريد اسألج سؤال فدوة
وجن : (جنت نايمة عدلت گعدتي ) خير أسألي
البنية : تعرفين علي
وجن : (هنا گلبي وگع مني بين رجليه و صوفرت و خفت ) بلي اعرفه
البنية : شتصيرين منه حبيبته صديقته
وجن : ليش هالسؤال
البنية : هسه جاوبي
وجن : اعرفه و خلص
البنية : اني معجبة بيه و اريد اصارحه بس شفت تعلقين عليه فعبالي حبيبته
وجن : ( كلش ضجت ) گلت الها من رخصتج اني مشغولة باي
البنية : وين رايحة ولج دبسسز اني جبيبته لعلي والله و قسماً بالله اذا اشوفج بعد تعلقينله اگلب الدنيا عليج
وجن : اني انصدمت صدمة حياتي گلت معقولة مجاوبت عليها معرفت شحجي حبيته و خان ثقتي سكتت بعد شحجي شگول و دموعي عشرة عشرة
لفيت راسي و نمت دائما اهرب من مشاكلي بالنوم
گعدت من النوم لگيتها دازه مسجات هوايه تهدد و تتوعد انطيتها كتم و اخذت سكرين للمحادثة بدون ما اطلع الاسم و الصورة .. خلصن اليومين
ضجت من علي گلت هو اتعرف عليه من مكالمة بالغلط اكيد مسويها ويا كل البنات يعني بين قوسين زاحف
بالليل الساعة بالتسعة اتصل علي باوعت للمكالمة بيني و بين نفسي اطمنت گلت هذا هو رجع بس بنفس الوقت كارهته مجاوبت رفضت رجع اتصل و اتصل و اني ارفض اخر شي دز مسج گال ليش متجاوبين وجن گلبي يمج و بالي يمج طول المدة الي جنت بيها بالدوام افكر بيج
دزيتله مسج وگتله
وجن : رهف  مفكرت بيها ممشتاق الها
علي : مفهمت منو رهف
وجن : ليش مگتلي عندك حبيبه ؟
علي : بس اني معندي حبيبه انتي حبيبتي و روحي و حتصيرين مريتي و ام بيتي
وجن : اسكت علي لخاطر الله ( دزيتله الصور مال المحادثة بس ماسحه الصورةو الاسم )
علي : وجن ابداعت امي مو اني و ما اعرف بنية بهيج اسم دتبتلي عليه يجوز تعرفج و تريد تسوي مشكلة والله ما اعرفها ابداعتج وج انتي حبيبتي و معندي غيرج
وجن : محد يعرف بعلاقتنا دتكول شفت تعليقاتكم بالفيس
علي : والله ما اعرفها
وجن : زين شمعنى اني ليش من دون العالم
علي : والله ما اعرفها يلا دزيلي اسم صفحتها و الصورة هسه دزيهن الي
وجن : باي مااريد احجي
علي: وجن لتعصبيني ترى مشايفتني من اضوج
وجن : ههههه فوگ شينه گوات عينه دباي باي
سديت التليفون منه و اني مقهورة و مالي خلگ اسوي اي شي لفيت راسي و نمت كعدت بالخمسة وياالصلاة صليت و اني ضايجة ظليت افكر بكلام البنية و بكلام علي لزمت تليفوني لگيت مكالمات هوايه من علي و رسايل و من البنية هم رسايل سديت تليفوني و رجعت نمت
مبقى شي للدوام بس اسبوع واحد
گعدت من النوم الساعة عشرة الصبح شفت هايه البنية مسويه گروب وضايفتني و ضايفه حبيبها ولد اسمه علي و لا مرة شايفته و لا اتذكرمعلقه عليه اساساً
البنية : يلا علي احجي كدامي منو هايه البنية
حبيبها : لج اسكتي لتفشلينا كتلج ما اعرفها
وجن : اني بس اباوع لحچيهم و محچيت و لا كلمة
البنية : شوفي ولج اني هيييي اذا شفتج مرة ثانية تعلقين بصفحته اكلب الفيس على راسج ( ع اساس حبيبها توم كروز 😂😂😂 )
كعدت اضحك ع نفسي و ظلمت علي بس گلت ما احچيله لأن اذا احجيهسه يگلي منو هذا علي و ليش تعلقين عليه وره ساعة خابرني علي
علي : الو وجن وج شبيج صدگي والله ما اعرف وحده اسمها رهف
وجن : لا مستحيل ما اصدك انت علي اكو غيرك اعرفه علي (😂 طبعاًگوة لازمه نفسي ما اضحك )
علي : زين شون اثبتلج و ادافع عن نفسي انطيج حسابي دوريه ؟
وجن : لا ما اريد خليني براحتي
علي : عفية لشلعين گلبي ابداعتج ما اعرفها
وجن : اوك صدگتك بس هسه روح بعدين نحجي
علي : گولي والله
وجن : روح لا اغير رأيي
علي : ماشي باي 😞
وجن سديت التليفون منه كمت سبحت و بدلت و مشطت شعري حاسه نفسي نشيطه
نزلت سويت غدا و حتى مخليت لجين تغسل المواعين بيومها لجين گالت جعل كل يوم علي يصالحج و تغسلين المواعين مشكلتها الازلية 😂😂
مشت ايام و رجعنا على حالنه
اجه اول يوم كلية كعدت من الصبح سبحت و مشطت شعري و لبست تنورة سوده بس كلش ضيگة و بيها فتحة من ورة طويلة و قميص احمر و شال اسود فانيلة و جنطة و حذا كعب عالي و مكياج غامق شويه عندي خط طبعا اني و زينب صاحبتي و ٢ بنات
وصلت للكلية انصدمت شفت علي واگف يم كليتنا يباوعلي و يخزر بيه يمكن ع التنورة 😂 عنده قابلية مو طبيعية يجي من بغداد للبصرة طالع الساعة با٣ الفجر بس حتى يوصل ويا الوقت 😂 راحن البنات دخلن گلت الهن رح اشتري مي و اجي اجه وگف يمي گال اذا بعد تلبسين هايه التنورة اشگگها على راسج مشافوج اهلج من طلعتي هيج 😡
وجن : 😂😂😂😂
علي : وجع مداشاقة شون حتمشين هيج كدام الطلاب اليوم تظلين گاعدة متمشين افتهمتي
وجن : شكد حلو من تعصب
علي : رح اسحلج😡
يتبع ،،،،