حب عن طريق الخطأ

البارت الثامن 8 الاخير

قريت مسج علي جنت نايمة طفرت من مكاني و فركت عيوني خاف متوهمه قريت المسج مرة و مرتين و ثلاثة خاف غلطانة معرفت شسوي ظليت ادگ و الطم على وجهي و بس ابجي ... رحت للفيس ادور بالتعليقات ادور اريد اعرف بلكي الگه اخو اخته قرايبه اي احد دورت كل المنشورات و ابجي احس وجهي ظل يحرگني و عيوني اذني وصلت بالمنشورات لحد ٢٠١٦ يلا لگيت يحجي بالكومنتات ويا ولد نفس اسم الاب و الكنية گلت اكيد هذا هو اخو دخلت له خاص كتبت مرحبا ظليت كاعدة منتظره ساعتين گبال التليفون مجاوبني شسوي بس افتر بالغرفة متت من الخوف و التفكير اخابر عليه يگلي خارج نطاق التغطية .. صارت الساعة بالعشرة و نص بالليل جاوبني
اخوعلي : مراحب اهلاً
رأساً گتله علي وين عندك اخبار منه اني صديقته گال منو انتي ما اعرف و ليش دتسألين عنه گتله الي يمه شغله
اخو علي : بالدوام حالياً
وجن : خابر اصدقائه الي ويا الضابط الفوج النقطة اي احد كلهم وين علي
اخو علي : ليش دتحجين هيج صاير شي
وجن : بس خابرهم عفية ( ظل يلح عليه سويت سكرين للمسج مال علي و دزيته اله مرجعلي خبر شاف المسج بس ) وره ساعة رجعت دزيت مجاوبني خفت بالزايد معرفت شسوي وين انطي وجهي لا اني يمهم و لا اعرف احد منهم عشت اسبوع كامل بخوف اراسل اخو ميجاوبني گلت هذا هو علي مات و التهوا بفاتحتة وره الاسبوع ٣ ايام عشت هاي الفترة منعزله بغرفتي لا اداوم و لا اكل اتمرضت كل يوم ضغطي ينزل و ياخذوني للمستشفى حتى يخلولي مغذي امي تبجي عليه و تكول انحسدت و كل واحد يحط احتمال و محد يدري بالوجع البيه
اجه اليوم يومها جنت نايمة بغرفتي و يمي لجين دتسويلي كمادات  و تليفوني بعيد عني ع الميز دگ التليفون رادت تجيبه گلت الها عوفيه مو مهم محد مهم ما اريد احجي ويا احد دگ مرة ثانية و ثالثة گامت لجين حتى تجيبه علمود تخليه عدم ازعاج ظلت تباوع بالتليفون و تباوعلي صيحت ولج وجن علي و الله علي  😂😂 اني صفنت بوجها معقول داحلم معقول لجين متوهمه ذبيت الكمادة و سويت خطوة  من السرير للميز فتحت خط گال الو فعلاً صوت علي بوكتها معرفت شسوي اصرخ اگمز بس بجيت طلعت حرگة العشر ايام بحيث اجوي امي و ابوية
الام : شبيج وجن
لجين : بطنها توجعها ماما
الاب : و هيج تبجي مثل الاطفال
جنت كاعدة بالارض شالني ابويه و اني ابجي و اشهگ نيمني ع السرير و بقيت ابجي و علي يسمعني
طلعوا اهلي بقت بس لجين يمي حاجيت علي و سولفلي كلشي صار ويا گال هجموا عليهم و هم بس ٦ و جان عدهم بس رشاشات ظلوا يرمون عليهم خلص عتادهم  طلبوا دعم اتأخر الدعم ساعة و هم يقامون استشهد واحد و ٣ مصابين علي من ضمنهم اتصاوب بچتفه و بأيده
جان يسولفلي و اني ابجي و مو صدگه ظلينا نحجي للصبح بيومها كل ما يگول اروح انام ما اخليه وره هالسالفة مر شهر چنت كاعدة دادرس و كفشتي للستار خابرني علي گال
علي : گومي فتحي باب بيتكم اني جوه
وجن : شنووووو ؟!
علي : اوك حدگ الجرس (فعلاً سمعت الجرس اندگ )
ركضت ع الدرج سويته خطوتين رحت اتنصنت يم الاستقبال فعلاً هذا صوت علي جاي يخطبني طبعاً علي حچه لابوية عن كلشي و گله سجاد يعرفني و اني گايله من قبل اريد اتقدم الها و علي جاي بدون اهله و مجايب ويا احد ابوية طرده لعلي و گله لو ما دايس بساط بيتي جان شفت شي ميعجبك طلع علي رحت ركض لغرفتي شفته من الشباك طلع وركب سيارته و حتى ما التفت ما احس غير الباب انرفس اجه عامر ملخني من شعري حسيته اتگطع بيده سحلني من غرفتي للاستقبال شمرني بالارض گدام ابوية محد دافع عني ظل يصيح عليه من شوكت تعرفيه و منين اني بس اشهگ و ابجي محچيت و لا كلمة
عامر : من شوكت صاير گوا... لأختك سجاد
سجاد : احترم نفسك ما اسمحلك
عامر : خاب انجب ليش محجيت ليش مگلت
سجاد : اني شغلتي محامي ادافع عن حقوق الناس و وجن مغلطت و علي اجه من الباب يعني رايدها
عامر : خاب اكل تبن ... و انتي هييييي وجن جيبي تليفونج ماكو بعد  و طلعه ماكو بس حدج للكلية فهمتي يلا ولي منا ما اريد اشوفج گدامي 
وجن : اخذتني لجين و رحت لغرفتي و ظليت ابجي گطعت روحي من البجي حسيت خلص كلشي انتهى و بعد ما شوفه ظليت اسبوع ما اداوم و ما اطلع من غرفتي لجين هي تجيبلي الاكل و محد يگول تعاي اكلي و محد يسال عني بس لجين و مراااات امي
داومت وره هالاسبىوع عبالي حشوف علي لان كلش مشتاقتله و داومت بس علمود عبالي يجيني ما اجه گلت اكيد ميجي يمكن كرهني بعد عملة اهلي  فات شهر و نص و اني على نفس الروتين بدون تليفون بس ادرس و اروح للكلية و اختلط ويا اهلي لحد ما اجه يوم الخميس اجه علي هو و اهله و عمامه يتقدملي و هم ابوية مقبل 😞 ... داومت ثاني شفته ينتظرني بالكلية ركضت عليه بلهفة سلمت عليه گتله
وجن : مشتاقتلك والله
علي : وچ اني اكثر داموت بدونج
وجن : بالي كله يمك علي عفية لتخليني
علي : والله ما اخليج وراح اظل احاول وياهم
بيومها مدخلت و لا محاظرة كل وقتي ويا
رجعت للبيت للكآبة صعدت لغرفتي اجتي لجين گالت ابوية يصيحليج گلت الها شكو گالت ما ادري اني گلت بيبني و بين نفسي معقولة يراقبوني و عرفوا اني جنت ويا اليوم ... نزلت گعدت ويا ابوية باوع بعيوني و گلي وجن اريد تحجيلي سالوفة علي من بدايتها و بكل التفاصيل حجيتله كلشي من اول ما اتعرفت عليه و كلشي
باوعلي گلي ليش محجيتي گتله خفت گال طيب روحي گتله شنو رح يصير گال روحي احسن 😞
رحت لغرفتي و اني دمعتي بطرف عيني اتمددت و غفيت مرت ايام بين فترة و فترة اشوف علي بالكلية
مرة گلي بعد مبيها مجال رح ادخل شيوخ بالسالفة و ادز ناس لابوج
اني گتله ماشي
وره اسبوع اجونه اهل علي وياهم ناس هوايه و گالوا اليوم منطلع من بيتكم يا ابو عامر لحد منقره الفاتحة صار حجي هوايه بيناتهم و الحمدلله اتفقوا و قروا فاتحتنه بيومها جان اسعد يوم بحياتي و اتفقوا على كلشي و گالوا بعد اسبوع عقد القران
سوينه عقد قران و عقدنا محكمة ومشت الايام و احنا سوا كل ٣ ايام يجيني علي التهيت بتحضيرات العرس و تجهيز بيتنا اجه يوم العرس و جان احلى يوم بحياتي انجمعت ويا بالحلال مداصدگ مرات اصفن و اكول شكد جانت صدفة حلوة من مكالمة بالغلط صار حب حياتي و زوجي مر على زواجنه سنتين و خمس شهور و عدنا بنت اسمها تبارك ❤️