My Beloved Stranger

Chapter 7 - နေထိုင်ရာနေရာ

အားသစ်ဦးဆောင်သည့်အတိုင်း သူ့အိမ်ရှိရာရပ်ကွက်ကို ရတီရောက်လာခဲ့သည်။ လုံးချင်းတိုက်တွေသာရှိသည့် ကွက်သစ်သူဌေးရပ်ကွက်လေး။ အခုမှတည်ထောင်ခါစဆိုတော့ အိမ်တွေကကွက်တိကွက်ကြားနဲ့။ တစ်အိမ်နဲ့တစ်အိမ် အကွာအဝေးလှမ်း၍ အသံဗလံလည်းမကြားရ။ တစ်ဖက်အိမ်မှာဘယ်သူတွေနေမှန်းတောင် သိကြမယ်မထင်။ အားသစ်က ခြံတံခါးကိုသော့ဖြင့်ဖွင့်ကာ စက်ဘီးအထဲသွင်းလိုက်သည်။ ထို့နောက် အိမ်တံခါးမကြီးရှိဘဲလ်အား တီးလိုက်၏။ တံခါးလာဖွင့်သူက သက်လတ်ပိုင်းအဒေါ်ကြီးတစ်ဦး။ သူ့မျက်နှာဘယ်ဘက်ခြမ်းမှာ မီးလောင်ဒဏ်ရာကြီးဖြင့်။ ရတီ အဒေါ်ကြီးမျက်နှာအား ခေတ္တစိုက်ကြည့်နေပြီးမှ ရိုင်းပြမှန်းသတိထားမိသွားတာကြောင့် ခေါင်းငုံ့လိုက်သည်။

" မောင်သစ် သူငယ်ချင်းခေါ်လာတာလား။ "
" ဟုတ်တယ် ဒေါ်ကြီး။ ကျွန်တော်တို့အတွက် လက်ဖက်ရည်ဖျော်ပေးပါလား။ "
" အေးကွယ်။ အပေါ်ထပ်မှာစောင့်နေကြနော်။ "

အဒေါ်ကြီးလှည့်ထွက်သွားခါမှ သူ့မှာခြေတစ်ဖက်မရှိတာကို ရတီထပ်မြင်သွားသည်။ အစကတည်းက သူ့လက်တစ်ဖက်က တုတ်ကောက်တစ်ချောင်းကိုင်ထားသည်ပဲ။ ၂ထပ်အိမ်ကြီးမှာ အားသစ်နဲ့အဒေါ်ကြီးကလွဲလို့ ဘယ်သူမှမရှိတာလား။ အပေါ်ထပ်ကိုအားသစ်နောက်ကလိုက်တက်လာရင်း အားသစ်ကသူနေသည့်အခန်းတံခါးအားဖွင့်ပေးလာသည်။ အခန်းထဲရတီဝင်ခါနီး ကပ်လျက်အခန်းမှ အသံတချို့ကြားလိုက်ရသည်။ အသံကတိုးလျလွန်းပြီး စည်းချက်ကျလွန်း၏။ ပြောရမယ်ဆို အောက်ဆီဂျင်စက်ရှိနေသလိုမျိုး။ ရတီရဲ့အကြည့်က တစ်ဖက်အခန်းဆီရောက်နေတာကို အားသစ်မြင်တော့ သူ့မျက်ဆံတွေဘယ်ညာယိမ်းသွားသည်။ ရတီပုခုံးကိုလှမ်းပုတ်ခါမှ ရတီသူ့ဘက်လှည့်လာတော့သည်။

" ဘာကိုကြည့်နေတာလဲ ဝင်လာခဲ့လေ "
" အင်း "

အားသစ်ရဲ့အိပ်ခန်းက ရတီနေတဲ့အိမ်ရဲ့တစ်ဝက်လောက်ရှိမည်။ Master Roomမို့လား ကျယ်ကျယ်ဝန်းဝန်းနဲ့ ပြတင်းပေါက်၂ပေါက်တောင်ရှိ၏။ တစ်ယောက်အိပ်ခုတင်ကို ဈေးကြီးပုံရသည့်အနက်ရောင်မွှေ့ယာခင်းထားသည်။ ခုတင်ဘေးက စာကြည့်စားပွဲပေါ်မှာ laptopနဲ့ အနောက်တိုင်းစတိုင် မီးအိမ်အုပ်ဆောင်းတစ်ခုတင်ထားပြီး လက်တစ်ကမ်းအကွာမှာ လူ့တစ်ရပ်ခန့်မြင့်သည့်စာအုပ်စင်ကြီး။ နံရံကပ်အဝတ်ဗီဒို၂ခုက ခုတင်ခြေရင်းမှာ ခန့်ငြားစွာတည်ရှိနေသည်။ ဒီလိုအခန်းပြင်ဆင်ပုံက ရတီ့အကြိုက်။ ဆယ်ကျော်သက်ယောကျာ်းလေးတစ်ယောက်က သူ့အိပ်ခန်းကို လှပအောင်ပြင်ဆင်တတ်ပါ့မလားလို့ ရတီတွေးနေတုန်းမှာပင် အားသစ်ကခုတင်ပေါ် လွယ်အိပ်ပစ်တင်လိုက်သည်။