زمهرير ألأوجاع (الليالي من عذابك)

الجزء الخامس والعشرون..

زمهرير الاوجاع..

حفصه الهاشم..

HafsaHafsa710. تابعوا حسابي ليصلكم كل ماهو جديدي 😁

ــــــــــــــــــــــ

اول ما فتنه جان لازمه ابن عمتي الجبير ديفوته للمضيف 
هوه من شافني

غمزلي بعينه وهوه يضحك // هاا قدووره الورده. مشتاقلج يووول وين هالغيبه..

ختلت ورا اوس ونزلت راسي عنه ..
شكد حيوان هذا ..ميخاف هسه يدفنوا وهوه عايش..

من كال هيج ركعه ابن عمتي بالباب وهوه يفشر عليهِ..
واوس يباوعله بنظرات عبالك راح ياكله بيهن..

سحبني من ايدي ودفعني بالمطبخ بحده
// فووتي يم النسوووان مااريد طلعه لامناا ولامنا..

قدر//حاضر..

عافني وطلع يم الزلم..

فتت للهول جانوا كاعدين النسوان كلهم..

امي اول ما شافتني كامت على حيله وهيه ما مصدكه..

ام قدر// ياايممه ..ياايمه هاي غدرر يممه بنيتي..

ركضت عليها المسافه عبالك صارت سنه مو خطوتين واوصللها..

شمرت نفسي بحضنها واني ابجي..
وهيه تبوس بيه وتبجي..

ام قدر// ياا يمه بنيتي ..لويش ماكتولي جايه غدرر ولكم ليش ماكتولي..

بستها من راسها واني اجاوبها// ههه مفاجئه امي شلونج حبييه ..

قبل ما تجاوبني صحبتني بيبيتي وهيه تبوس بيه بوسات العجايز مال قبل 
نص البوسه تفال..

/// ولل غديرره يول شعلوومج يممه  افادي نااطه علليج يايممه (يعني مشتاقتلها)

بوستها من ايدها واني ابجي واضحك

قدر// حبيبيتي بيبي مشتاقتلج كوومه شلونج انتي شلون صحتج..

// زينه يممه زينه عجل رجلج ويننه يوولي بس لا طلكج يمصكووعه..؟

جاوبتها امي بسرعه// حجيه ليش تفاوليين عليها يااستار..

بيبي// يوول هااي اممج العررمه شتكوول ما اسممع..

تقربت من اذاني وجاوبتها..// لا  بيبي مااطلكنني بسسس اجييت اشوووفكم 

دفعتني وهيه تضربني بعصاتها/// يمثبوووره شني هالصووت العالي حسباالج ما اسممع لاااع ابيج وداينه لين الدكتر ماعرف شنهو وانطانه علاج يكول عنه زين بس ادري بي انه جذاب يمشي علاجه براسنه..

ضحكت عليها وبست ايدها// ههههه حجيه غير تنطين صبر خوما من اول مرا تشوفين فرق..

باوعت على عمتي ام جميل وصيجت عليها// يوول شتكوول هالمثبوره غديرره ماسممع..