زمهرير ألأوجاع (الليالي من عذابك)

مشهد2

#زمهرير الاوجاع

بقلمي حفصه الهاشمي ....

______________

تباوع بعيونه ااه شكد مشتاقتلهن ...

مشتاقه لنظرة الحرص اليطلقها تجاها مشتاقه لاهتمام عيونه عليها

زمن ....

زمن وفرق قلبين يحاولون يجتمعون بنطاق الحلال ...

رغم التعب الضاهر على شكله الا انو بعده حلو بعيونها مثل اول مره شافته بيها ....

اتقدم عليها بخطوات مهتزه....

هزها الحنين والشوگ ....

تعبت من كثر المحاولات ...

باوع بعيونها بنظرات عميقه

خفت خجلها ومستحاها من نظراته المشتاقه وتمعنت بعيونه 

سرحت بملامح وجها الحرموها  منها

كال بنبره حزن ولهفه وصوته المبحوح يأسر عقلها

///اييييه ....غريبين بطريج العاشگين ...تايهين نحاول نلزم بالگشه (القشه) وطيرتنه برياح المظلومين .....نظرات العيون ما تكفيني يبعد حيلي ...وما تطفي الونات البيه ....ابد ما شافت عيوني النور بفركاج ...جن الدمع عماهن علمودج يغدر بيه النذل ....

تسمع كلامه و ويه كل كلمه تنزل دمعه حاره من عيونها  الطفاهن الشوك ...

ما يدري الدمع عامي عينها  بليا ..والروح تطفر منها تريد تنهزم وتلكا 

ما يدري النعيم الصورولهيا ....جان بالحقيقه جحيم وعيشولهيا ....

يباوع على كل دمعه تنزل متحرره من جفونها ...يتابعها بصمت شلون تنزل على خدها  وعيونه  كساهن اللون الاحمر ...

اردف وهوه يباوع بعيونها الغزاهن الحنين وهيه تهرب بعيونها من نظراته المكسوره 

/// تبجين يبعد حيلي ... تبجين واني موجود افاا ... دمعج يعور جفوني لا تبجين وتأذيني ..دحكيلي يولي ..

انتظرها ثواني ترفع عيونها بس هيه أسرها الحزن 

منزله راسها وتبجي بشهقات حفيفيه ..وهيه تخلي كف ايدها الناعم على حلكها تمنع صوت بجيها بس بلا فائده ..

اردف وهوه يحاول يبعد هالدمع من عيونها // افاا هاي هيج كارها شوفتي يولو  مو اكولج دحكيلي يولي ليش ما تسمعين كلمتي 

رفعت راسها بحزن وعتاب بعيونها على هجرانه الها ... على كلماته البسيطه يعتبرها.. بس عدها تحز بقلبها وتقهرها 

جاوبته من بين شهقاتها // لا يمكن للجسد يعيش بدون روحه .. عيشتني بغربه بلياك واني بوسط ناسي ...يبعد كل ناسي ... 

ابتسم بخفه على غزلها اله وهيه الجانت ما تكدر تنطق اسمه من كد ما تستحي ...

احتضن كف ايدها بحنان وهوه يباوع على ايدها الناعمه شلون غرقت بحجم ايده الجبيره ..

// حجيت ويه عمج على موضوعنه  وكالي......

ـــــــــــــــــــــــــــــــــــــــــــــــــ

وكفت بعصبيه من كلام عمي ...

شلون يحاول يجبرني على هالشي وهوه يعرف كلش زين بنته مثل اختي ..ومستحيل بيوم اعتبرها زوجه الي 

هاي التربيت اني وياها سويه 

هزنه كاروك واحد ...غطانه لحاف واحد ... جمعنه سقف واحد .. طول سنين عمرنه 

تصيحلي اخويه واصيحلها اختي الصغيرونه ..

وهوه ولا كأنو يمه واكف بجبروته المعتاد  ويباوعلي بنظرات بارده 

// اي ابني شبيك انته نهيت على بنتي وانتهى الموضوع ...

كامت بعصبيه وصدمه من ابوها تريد تحجي بس قاطعتها اني لان اعرف اذا تجاوبه هيه يخسف بيها الارض وما ينبض قلبه بالرأفه الها ....

/// عمي انته تعرف كولش زين هيه مثل اختي شلون نهيت عليها بلا ... انته تعرف سلسبيل رايدها شلون تكسر بينه هييج ...

جاوبني وهوه يطلع جكارته // ديلا بابا انطيني الريمونت بدت الاخبار  والله يهديكم وانشالله العقد بعد كم يوم اول وتالي اذا مو الك تروح لشيخ سلمان وانته الاعرف بعد سلمان شلون صاير 

باوعت عليهِ بصدمه معقوله ينطي قلبه يزوج بنته لواحد بعمر ابوها ويكبرها بعقود ... 

زين اني اضحي علمودها علمود اختي الصغيره ... واني شلون ؟؟ حبي وين يروح ؟؟ انتظار سنين عمري تروح هباءاً منثورا بسبب ماضي عمي المسجون بيهِ لهسه .. ..

والاحبها التنتظرني وين تروح ..؟؟ شلون بقلبها اذا نكسر ..؟

ـــــــــــــــــــ

يا جبروت الايام .. فاليكن لي يومٌ واحد .. ولك ايام ...

أقبل بأتفاقية الصلح الفاشله معكي ...

اطلب منكي يوماً واحداً اجمع فيه فتات نفسي لتنثريهِ على رمال الحزن فيما بعد ..

انني اقبل واللهُ على قسوتكي لي ...

ولكن فالتنجديني بيومٍ واحدٍ استرجع فيهِ روحي المفقوده منذ زمن جبابرتُكي علي..

فالتدعي لي يومٌ واحدً اعيش فيهِ واقع جميل ...

كي لا اغرق في خيال احلامي البسيطه ...

ألا يمكنكي وضع صلحٌ بيننا يضمن لي بعض الحق لابتسامتي ...!!

بقلمي .. حفصه الهاشمي ...

ــــــــــــــــــــــــ

بنوتات نزلت هايه المشهد علمود شويه تتحمسون الها 

واحب اعرف رأيكم بالمشهد واحداثه ... سواء نقد او مو نقد ..

اتمنى تعجبكم وتسوون تصويت لصديقاتكم علمود يقروها وياكم عمري ..

دمتم سالمين ..

حفصه الهاشمي ....